kejt-d-grejt

ДРАГ ГОСПОДИНЕ

Топло е денес
овој авангарден Јануари бунтовно се обидува да докаже
дека може да биде Мај
         снегот е клише
         ќебето - изгустирана топлина
         сигурноста - апсурд!
врвот на кариерата ќе му биде безнадежно просечен Април
сепак,
пристрасно ми е симпатичен
- ме потсеќа на мене.

Зошто молчите?
ме изморивте веќе со тие погледи за урамување
само блискоста  нема потреба од зборови
не - љубопитноста
не - возбудливоста

Добро, признавам дека мојот испад
пред тој куп вообразени лоши поети беше пиздарија
па што?
Ве усрамив?
Но нели се догоровивме дека ќе претпочитаме дрскост пред к*ртоазија?
нели рековме, не сакаме наместени дијалози,
монтирани насмевки на бајата љубезност
темпирани здравици како условен рефлекс
и на-ти-го-дај-ми-го фалби?
но до бога, НИЕ не сме како нив
и не е точно дека тоа не` прави нeвоспитани
ТОА, драг мој Господине, не` прави
убави

Кажете нешто...
Ви донесов cd од Чалгија
да го пуштам?
не?
добро, ќе си одам

не сте Вие виновен, драг Господине,
ни за тоа што беше, ни за тоа што ќе биде
мене ме мачи полна месечина
и така е
од кога знам за себе

Cestitki i od mene!!! Bravo Kejt!!!

 

AAAAAAAAAAAAAND FINALYYYYY
Kejt-d-grejt
1 МЕСТО на slem poetry
22.2.2011
честитам

Andjelina напиша: AAAAAAAAAAAAAND FINALYYYYY Kejt-d-grejt 1 МЕСТО на slem poetry 22.2.2011 честитам

Иако звучи изџвакано, јас сепак светот го разбирам како поле за културен натпревар меѓу народите


Баш ми се пишуваше љубовна песна
па ми се тушираше после, и нокти ми се лакираа
и ко шо е ред нели, нозе ми се ширеа
и можеби ќе напишев
и ќе ги раширев
да не заѕвонеше комшивката (жената на комшијата со мевот)
и да не ме викнеше на минутка само, до кај неа
за да и` го видам шербетот
за баклавата

(се спрема жената за славата)
Да не беше отворена вратата од дневната,
да не им беше пуштен на Сител телевизорот
да не мирисаше на туршија, нозе и ракија
и воздухот
и на серкото дневникот.

Баш ми се пишуваше љубовна песна
онака, мекамскa, скокотливa, полуеротичнa
ни малку необичнa
за жена на триесет и кусур
која на брзинка ги разватила алиштата, тањирите, тетратките, моливите и децата (упс децата)
за да аздисува

Аман бре комшија
овој ли најде да те кандисува, му велам
пушти си Пинк ко човек, мајка му стара
арно си ги гледавме цицките од Бубамара
ти си домаќин човек, батали тоа
лавчиња, мовчиња, дрн дрн глуповчиња
тоа не е за фалење, туку за
осуда и критика
а тој ме гледа
си го чешка мевот
и процедува низ заби
жена и политика

Е, после се запукавме
тој една, јас две
Бранко, Грујо, мајки шајки
лозари, тутунари, стрини, снајки
се изнавикавме, се испокаравме
ножеви, пиштоли извадивме
ќофте и сарма се напраивме
ама тој прв падна
ми попуштал оти сум женско
кој можел со мене на крај и ова она...
и тешко на комшијата негов

а јас, како јунак од вестерн филмовите,
тропнувам со мамузите, го накривувам шеширот
оставаm зад себе облак од прав и долга сенка
и додека во позадина се слуша лајт мотив на Bendzo
заминувам кон зајдисонцето
убедена дека знам повеќе од сите
колку минути треба да врие водата со шеќерот,
дека розевата има смисол само ако се прекрие со .... црна
дека дефиницијата за патриотизам започнува со зборот Љубов
дека никаде во неа не стои ,, задолжително јадење гомна,,
дека давање е збор различен од грабање, а среќата никогаш не била Имање
дека е штета и зло глупоста да се римува со гордост
национална
дека човекот не е баш секогаш врв на еволутивната скала
и дека Дарвин бил глупав, сто посто
дека Nina Simone боли, а ранливоста е благослов
дека секоја душа има мирис и ритам, кој е еднаков на бројот на искрени насмевки во единица
невреме
дека животот ти е утнат ако куќата ти е чиста
и дека неговиот смисол не е да направиш посна сарма и баклава за гостите
...
а може и Е
ај мајката... може и Е!!!




Изменето од kejt-d-grejt - 06.Март.2011 во 21:31

kejt-d-grejt напиша: .......... Е, после се запукавме тој една, јас две Бранко, Грујо, мајки шајки лозари, тутунари, стрини, снајки се изнавикавме, се испокаравме ножеви, пиштоли извадивме ќофте и сарма се напраивме ама тој прв падна ми попуштал оти сум женско кој можел со мене на крај и ова она.........

како и секогаш .. интересно .. и прекрасно
кејт

и честитки за победата ... иако со задоцнување