На нормална температура низ нашата кожа тече крв со вообичаена брзина. На минус 5 степени целзиусови брзината паѓа на пола литар во минута.

Но термостатот не е доволен за да дознаеме колкава е температурата, зошто тоа не ни ја кажува вистината. Всушност, нашето тело го грее воздухот околу кожата, па кога дува ветар, тогаш го носи и тој загреан воздух. Тоа значи дека кога надвор е минус 5, а ветрот дува со брзина од 15км на час, тогаш температурата која ја чувствуваме е минус 11. На истата брзина, а при температура од минус 10 степени, температурата која ја чувствуваме е дури минус 17 целзиусови степени.

Ако не се заштитиме при екстремен студ се јавува опасност од повреди. Тогаш се собираат и најситните крвни садови на површина на кожата и се појавуваат смрзнатини. На врвот на прстите нема циркулација, па ткивото изумира. Срцето е под големо оптоварување, па може да дојде до аритмија или дури до прекин на срцето. Секако, тоа нема да се случи доколку се движиме, од време на време да се засолниме од студот и многу добро да се облечеме.

Новогодишните традиции и верувања се разликуваат од континент на континент, од народ до народ, но не се сите слатки, како што е случајот со Дедо Мраз, пакетчиња, украсување елки. Луѓе во различни земји  прават многу чудни и бизарни работи, но сите тие се поврзани со еден факт: желбата за подобра среќа и поголем просперитет во наредната година!

Топење на олово, Германија и Австрија

Кога станува збор за чудни обичаи на Нова Година, Германците и Австријците се вистински шампиони! Истурање олово е стар традиционален обичај. Делови од растопено олово се истура во сад полн со вода. Според облици формирани од оловото, се предвидува судбината на следната година. На пример, топка значи среќа, сидро значи потребна помош, а крстот значи смрт.

Палење фотографии, Еквадор

Не е пријатно да видите кога нечија фотографија гори, но во Еквадор тоа е вистинска забава! Мештаните се собираат и фотографиите кои им значат нешто од годината што изминува ги палат. На тој начин се збогуваат со минатото.

Долна облека во боја, Мексико

Мексиканците за среќа во новата година, носат долна облека во боја за новогодишната ноќ. Тие што сакаат да ја пронајдат вистинската љубов, носат црвена долна облека, додека оние кои посакуваат само среќа, носат жолта долна облека.

Кругови, Филипини

За разлика од Мексиканците, кои посакуваат среќа и љубов, Филипинците сакаат и пари. За таа цел, на новогодишната ноќ тие носат облека со шари во облик на круг.

Настани да се соберат средства, Турција

Едно ретко суеверие што не е бизарно, туку одлично! Турскиот народ смета дека учествотот на хуманитарни настани на кои се собираат средства ќе им донесе среќа.

Посета на гробишта, Чиле

Ова е еден чуден и морничав обичај. Во Сантиаго, Чиле, луѓето за новогодишната ноќ пред да се поклопат сказалките одат на гробишта, си носат столчиња и таму ја дочекуваат новата година со покојните души.

Британско шоу, Германија

И сега, сосема чудно и крајно неразумна традиција! Сепак, се вративме во Германија. Од 1972 година, на полноќ Германците го гледаат британското шоу Вечера за еден. Не е познато како ова станало обичај, но е неверојатно популарна традиција!

Жолта долна облека, Боливија

Овој обичај е многу сличен со оној во Мексико. Но разликата е во тоа што, луѓето од Боливија, купуваат жолта долна облека, ја носат за новогодишната ноќ, но кога сказалките ќе се поклопат тие веднаш одат да се пресоблечат и да облечат нова долна облека, верувајќи дека тоа ќе им донесе среќа.  

Фрлање садови, Данска

Данците се трудат да ги сочуваат старите садови во текот на изминатата година, затоа што тие се фрлаат пред вратата на пријателите на новогодишната ноќ. И оние што ќе најдат многу искршени садови пред нивната врата, не значи дека луѓето не ги сакаат, туку напротив, значи дека имаат многу пријатели.

Миење, Порторико

Луѓето во Порторико буквално ја измиваат старата година додека ја чекаат новата. Во новогодишната ноќ тие фрлаат кофа вода преку прозор со цел да ја исчистат старата година. Исто така за таа цел ги чистат своите домови и ги украсуваат.