Иако „официјално“ речиси никој не верува во астрологијата, многу од луѓето повеќе или помалку редовно го следат хороскопот. Но, најчесто следат погрешни знаци, велат некои астролози.

Поентата е во тоа што знаците на зодијакот се одредени пред повеќе од 2.000 години, а во меѓувреме соѕвездијата ја смениле својата местоположба на небото, па веројатно и не сте родени под ѕвездата како што вели еден типичен ѕвезден водич.

Овие се традиционалните датуми:

Риби 19 февруари-20 март
Овен 21 март – 20 април
Бик 21 април – 21 мај
Близнаци 22 мај – 21 јуни
Рак на 22 јуни – 22 јули
Лав 23 јули – 22 август
Девица 23 август – 22 септември
Вага 23 септември – 22 октомври
Шкорпија 23 октомври – 21 ноември
Стрелец 22 ноември – 21 декември
Јарец 22 декември – 20 јануари
Водолија 21 јануари – 18 февруари

А ова е попис на соѕвездија кои, всушност, НАВИСТИНА биле зад Сонцето на денот кога сте се родиле. За околу 86% од луѓето резултатот нема да биде ист.

Јарец 21 јануари – 16 февруари
Водолија 17 февруари -12 март
Риби 13 март – 18 април
Овен 19 април – 14 мај
Бик 15 мај – 21 јуни
Близнаци 22 јуни – 20 јули
Рак 21 јули – 10 август
Лав 11 август – 16 септември
Девица 17 септември – 31 октомври
Вага 1 ноември – 23 ноември
Шкорпија 24 ноември – 29 ноември
Стрелец 19 декември – 20 јануари

„Врз Земјата дејствува гравитацијата и на Месечината и на Сонцето и тие создаваат ефект на нестабилност во движењето на Земјата. Овој ефект се нарекува прецесија и Земјата се однесува како врвот на дундарак што се врти“, објаснува д-р. Радмила Топаловиќ.

Постои и тринаесетта констелација која е намерно изоставена за да може зодијакот убаво и уредно да се подели на 12 делови. Таа се вика Змијоносец и тоа е вашиот знак ако сте родени меѓу 30 ноември и 18 декември.

Ваквото правилно гледање на хороскопот можеби на некои подобро ќе им објасни некои работи, ама на некои дури сега ништо нема да им биде јасно.

Овен

Летните месеци ќе ви бидат потполно наклонети, само во јуни ќе бидете малку забавени и мирни, но ситуацијата драстично ќе се промени уште во првите денови на јули. Зафатените припадници на овој хороскопски знак после 15-ти јули можат да добијат љубовен или професионален предлог кој нема да можат да го одбијат. Идеално време за одмор е почетокот на август кога ќе бидете полни со ела и ќе посакате цели две недели потполно да се посветите на саканата личност и најблиските.

Бик

Летото е време кога треба потполно да излезете од зоната на комфорот. Посакувате нова работа, нова љубов или било каква друга промена? Сега веќе е време да направите исчекор и голема промена која ќе влијае на вашата иднина. Првите недели на јули ќе ви бидат идеални за одмор за да ги наполните батериите и да ве очекува возбудлив остаток од летото. Една Водолија веќе долго време ја посакува вашата наклонетост, можеби август е месецот кога треба да попуштите и да се препуштите на една летна авантура.

Близнаци

Можеби јуни е вашиот месец, но ова лето токму во овој период ништо нема да успеете да завршите. Поточно, летото вас ќе ви биде исклучиво за одмор, релаксација и собирање на енергија за почетокот на есента кога ве очекуваат важни одлуки и проекти. Кога е љубовта во прашање, август ќе ви биде наклонет, посебно за слободните припадници на овој хороскопски знак. Идеален спој за вас е оној со Лав.

Рак

Летото кое се наоѓа пред вас е идеален период за да се помирите со минатото и сегашноста. Почнете од втората половина на јуни и полека чистете го вашиот живот. Конечно затворете ја вратата на негативните луѓе и дајте и можност на личноста која веќе подолг период ви покажува наклонетост. Мислиме на некоја Скорпија или Близнак. Во август не смеете да ја пропуштите професионалната можност која ќе ви отвори врата и за во странство.

Лав

Летниот период е како создаден за вас, зрачите во секоја ситуација, но ова лето, обидете се престолот да го поделите со другите луѓе околу вас. Бидете мирни и не дозволувајте искушенијата да ве натераат да ја изневерите саканата личност. Слободните Лавови ќе имаат бројни можности, па тешко ќе им биде да се одлучат. Втората половина на август е идеална за одмор, тогаш ќе можете да ги сумирате сите впечатоци од претходните месеци.

Девица

Време е да попуштите и да се релаксирате, не мора сè да биде совршено и организирано, посебно не овој јуни. Јули и август ќе ви бидат наклонети па затоа, сите важни одлуки зачувајте ги за овие месеци. Една Вага нема да ве остави на мира, а вие ќе бидете во искушение после 15-ти јули да се запрашате дали токму таа личност е како создадена за вас.

Вага

Јуни е вистинско време да се занимавате со вашиот љубовен живот. Ако досега долго време сте биле сами, релаксирајте се и дајте ѝ можност на личноста која во повеќе ситуации ви покажала дека има искрени чувства за вас. Во текот на јули можно е да дојде до расправии со партнерот или да имате повик од минатото кој никако нема да ве остави да дишете.

Скорпија

Време е да научите нешто од Близнаците и нивната енергија, посебно ова лето. Не се затворајте во себе, дружете се и размислете дали конечно дојде време да ѝ кажете „Да“ на личноста која долго време ви ги покажува искрените емоции. Јули е вистински месец да ставите крај на поранешната љубов, но и на работата која повеќе не ве прави среќни и не ги задоволува потребите. Не се плашете ова лето да направите радикални промени во вашиот живот.

Стрелец

Едвај чекате летото да дојде за да ја покажете вашата дива природа. Иако јуни ќе ви делува здодевно и мирно, уште од првата половина на јули ситуацијата ќе се промени и нема да можете да ја одберете најдобрата понуда (професионална или љубовна). Личност во знакот на Бик отворено ви ги покажува сопствените намери, а на почетокот на јули може да се развие и нешто повеќе. Почекајте до крајот на август за да ја одберете вашата дестинација за одмор.

Јарец

На ваша среќа ова лето сè ќе ви се сврти на задоволствата и игрите. Нема да можете да ги задоволите вашите љубовни желби и ќе бидете во дилема кого да одберете. Внимавајте да не ги повредите туѓите емоции. Јули е резервиран за одмор и донесување на важни планови за иднината. Ако веќе долго време планирате да заминете за странство, уште од август активирајте се.

Водолија

Зафатените припадници на овој хороскопски знак овој јули ќе уживаат во наклонетоста на саканата личност и дефинитивно ќе размислуваат за заеднички живот или проширување на семејството. Не дозволувајте плановите да ви ги уништи некој од минатото со кој не сте расчистиле. Идеален период за одморање е почетокот на септември кога ќе ги завршите сите професионални обврски и конечно ќе можете да се релаксирате.

Риби

Малку сте отсутни во последно време, се согласувате? Не се грижете заради тоа, бидејќи веќе од крајот на јуни ве очекуваат многу поволни работи. Јули ќе биде идеално време да испланирате некој вид на бегање од реалноста, прегледајте ги сите дестинации, резервирајте и уживајте во малку одмор. Не мора да биде далеку на некое екстравагантно место, важно е само да ви годи. Можна е фатална средба токму во текот на одморот со некој огнен знак.

Оган, Земја, Воздух и Вода – тоа се 4 основни принципи кои даваат печат на нашиот карактер и карактеристики кои ги имаме како личност. Дополнително, тие влијааат и на нашата физичка конституција. Секој од овие елементи опфаќа по 3 хороскопски знаци кои иако се разликуваат меѓусебе, сепак спаѓаат во група каде делат повеќе слични карактеристики.

Припадноста кон еден од  знак или група на знаци значи дека со тоа е одреден и темпераментот на личноста. Според филозофите и психолозите, темпераментот делува на нашата конституција, но и на нашите специфични карактеристики.  Базирано на тоа, групата во која припаѓате може да посочи на одредени здравствени состојби кон кои сте наклонети.

Холеричен (раздразлив тип) 

Ако припаѓате на еден од огнените знаци (Овен, Лав и Стрелец) или поголем број од планетите ви е во овие знаци, вашиот темперамент е холеричен, односно раздразлив, бидејќи реакциите на вашето тело на лековите, болестите и стресот во основа се брзи, акутни или моментални. Вашиот метаболизам го карактеризира интензивна активност : брзо конзумирате и брзо согорувате.

Вие исто така, располагате со огромна виталност и физичка енергија, која мора да научите да ја совладате. Нервозни сте и помалку иритирани, со брзи и груби потези, наклонети кон брзо лупање на срцето, висок крвен притисок и забрзан пулс. Според вашата конституција, повеќето претставници на овој тип се слаби, бидејќи брзо ја согоруваат внатрешната енергија. Обично сте расположени и полни со волја, не плашејќи да се соочите со реалноста и потешкотиите. Доколку е потребно, храбро и свесно го прифаќате своето патење.

На доктор одите само кога се чувствувате навистина лошо и кога ви е неопходна лекарската помош. Во таквите ситуации не ви се потребни зборови на утеха: вие едноставно само сакате да го знаете начинот како подобро да оздравите и што да направите. Поради тоа и ги следите докторските совети.

Ваши слаби точки се органите кои се директно вклучени во создавање и пренесување на енергија, како на пример : системот на циркулација кој го потпомага крвотокот. Ако научите да управувате со вашата енергија на позитивен начин, да се контролирате и да не го ставате своето тело на различни видови напорни тестови, можете да сметате на добро здравје и длабока старост.

Меланхоличен (нервозен) тип

Елементот на Земјата е поврзан со знаците Бик, Девица и Јарец. Тоа е симбол на стабилноста, цврстината и отпорноста. Ако повеќето планети во вашето соѕвездие се во овој знак, вашиот темперамент е меланхоличен. Лицата кои припаѓаат на овој тип, претежно се слаби и само на изглед кревки, бидејќи во суштина располагаат со моќни одбрамбени механизми. Нивните физички реакции се побавни, поради тоа што најчесто склони на хронични отколку на акутни заболувања.

Ако припаѓате на овој тип, не сте премногу наклонети кон социјалните дружби и повеќе сте песимистични и затворени во себе. Склони сте кон поставување прашања врзани за егзистенцијата во широки, светски размери поради што неретко сметате дека сте несфатени и се повлекувате во својот свет. За да ги контролирате своите емоции, често се одлучувате да ги потиснете со желба да се посветите на рационални нешта, со што ризикувате да станете анксиозни.

Вашиот метаболизам е бавен и кај вас многу лесно можат да се создадат наслаги во организмот: може да ви се случи да патите од камен од жолчка или насобрана нервна тензија која на крајот резултира со грчеви и болка во мускулите. Поради  тоа, вашиот темперамент се нарекува и нервозен, поради преовладувањето на нервниот систем над останатите органи.

Вашите најслаби точки се кријат во репродуктивните органи, а особено и во органите за варење и скелетната конституција. Кога ќе се разболите, имате обичај да се консултирате со голем број на доктори преку практични совети кои се во центарот на вашиот интерес. Но, кога ќе наидете на препреки, вие најбрзо ги преминувате од останатите.

Сангвиничен тип

Елементот Воздух е поврзан со родените во знакот на Близнаци, Вага и Водолија. Сангвиничниот темперамент се разликува од останатите по тоа што постојано обрнува внимание на дишењето и бубрезите, бидејќи тие најмногу се поврзани со надворешниот воздух.

Доколку припаѓате на овој тип на темперамент, вашиот карактер не е комплициран: вие сте друштвени, но и малку површни. Потребно ви е постојано да сте во движење, да сте обземени со емоции и различни стимуланси, кои ве одржуваат во живот. Вашиот граден кош е добро развиен, вашите телесни линии хармонични, иако често знаете да претерате со исхраната.

Не ви се допаѓа да се консултирате со докторите и често тврдите дека тие не ви се ни потребни, дури и тогаш кога ќе се разболите. Дури и кога ќе ги консултирате, при првите знаци на подобрување, вие заборавате на нивните совети.

Флегматичен тип

Водата е поврзана со флегматичниот темперамент. Доколку сте родени во знакот на Рак, Скорпија или Риби, вашата личност се карактеризира со овој темперамент. За вашата физичка рамнотежа, од најголемо важност се расположението и телесните течности се од најголема важност, а во најголема опасност се вашите органи за варење.

Во суштина, вие сте многу емотивни и рецептивни, па поради тоа сте наклонети кон психосоматски болести. Кај вас постои мала забавеност на ендокриниот систем и функционирањето на хипофизата, вашите раце често се потат, бледи сте во лицето, а вашите мускули се опуштени. Пулсот има тенденција да биде послаб, додека пак притисокот и температурата на телото, пониска од нормалната. Патите од анемија и имате поголем број на бели крвни зрнца од вообичаено.

Вашиот метаболизам е бавен, а вие многу тешко поднесувате физичка болка. На вам е многу лесно да се влијае, поради психоаналитичките техники, но не обрнувате многу внимание на методите за лечење.

Ако верувате дека се е запишано во ѕвездите, погледнете го астролошкиот приказ на 12-те хороскопски знаци и дознајте како се однесуваат кога се вљубени и кои методи на заведување ги применуваат.

Овен

Тој: Како роден осовојувач, не заобиколува многу а очите му светнуваат веднаш штом ќе забележи потенцијален „плен“. Не бира ниту место, ниту време, затоа што е премногу нетрпелив, па тргнува во напад во истиот миг штом ќе ве забележи. Директен е, шармантен, а ќе ве засмева со вицови и детали од сопствената биографија, се додека не прифатите повторно (уште истата вечер) да се видите со него.

Таа: Исто така е директна и секогаш е подготвена да го заведе и да го освои оној што ќе и падне во очи. Ќе го фати за краватата (ако ја носи) или за брадата, нежно ќе го привлече и ќе му каже со најшармантната насмевка во светот: „Ти си мој!“. ако додворувачот и’ се допаѓа, ќе го пушти малку да „се пржи на тивок оган“, а потоа ќе му дозволи да ја освои. Доколку сте и’ здодевни, тоа недвосмислено ќе ви го даде до знаење, така што со неа секогаш ќе бидете на чисто.

Бик

Тој: Просто обожава да ве мерка, да ве заведува, да ви се додворува и така да ве освојува – полека. Задолжително ќе ве однесе на ручек или во неговиот омилен ресторан каде сите го познаваат, ќе ги избере најквалитетните специјалитети и најдобрата сорта вино, а цело време нема да го трга погледот од вас, па на крај ќе му „јадете од рака“. Околу вашата маса ќе ги собере музичарите што ќе свират и ќе ги пеат вашите песни, а од продавачите на цвеќе ќе ги купи сите ружи, само за вас.

Таа: Бира кому ќе му дозволи да се труди за неа, да ја зваеде и да ја освои. Неговиот изглед, шарм, став, однесување и џентлменските манири нема да ја остават рамнодушна, но затоа на оној што и додева ќе знае така да му покаже каде му е местото, што и самата ќе се зачуди. За да и’ се допаднете, треба да имате исто толку самодоверба, колку што имате и пари, а притоа и да знаете како да ја заведете – со поглед и со допир.

Близнаци

Тој: Неодоливо забавен, шармантен и толку информиран за се, што ќе ви дојде да го земете за рака, да го однесете дома и да го претставите пред семејството за и нив да ги воодушеви, како што тоа го направил со вас. И додека вие го доживувате како занимливо домашно милениче, тој веќе завршил работа во својата ноншалантна заводничка дејност: додека вие насмеани ја читате пораката на вашиот мобилен телефон, веќе сте во неговата прегратка.

Таа: Изгледа како девојче, а често и така се однесува кога сака да ве заведе и да ве освои. Како камалеон го прилагодува сопственото однесување, облеката, па дури и ставовите на вашите или приближно на оние што вам ви се допаѓаат. Флертот е составен дел на нејзиниот карактер, иако бро губи интерес кога ќе забележи дека сте „загризале“. Ако постојано и’ бегате, жената Близнак ќе трча по вас.

Рак

Тој: Ракот им се допаѓа и на вашата мајка и баба (а за другарките и сестрите да не говориме), а низ вас струи прекрасно чувство кога само ќе ве погледне со неговите очи на верно куче што ќе ви се радува секој пат кога ќе ве види. Навистина, ќе се изнаслушате приказни за неговото детство, за бабите и за дедовците, за тетките и за колачите, што нема да му пречи, додека ги раскажува, занесено да зјапа во вашето деколте. И кога со друштвото ќе наздравува во кафаната, бидете сигурни дека и тогаш размислува за вас.

Таа: Знае како со секој маж, може да заведе и да освои кого ќе посака, само ако сака. Таа е женствена и грижлива, предизвикувачка и полна со разбирање во исто време, а ќе се потруди да уживате во погледот на неа колку што ќе уживате додека се ситите со тортата и колачите што таа ги подготвила само за вас. Кога ќе ви раскажува за децата на нејзината сестра и за нивните игри, ќе сфатите дека таа е вистинската жена за вас.

Лав

Тој: Лавот ќе се потруди да ве воодушеви уште на првата средба со приказните за неговите успеси на училишните натпревари, на спортскиот терен и со воодушевувањето што го предизвикува кај децата во соседството. Ако случајно го прашате што е во хороскоп, бидете сигурни дека ќе ви одговори: Зарем не се гледа!? Џентлменските манири и чувството дека сите погледи се свртени кон вас кога сте со него, ќе направат покрај Лавот да се почувствувате како да сте на врвот на светот.

Таа: Плени со нејзината атрактивна појава, позата и ставот во кој ќе препознаете помалку глума и блеф, а неодоливо ќе ви се допадне до таа мерка што задивени ќе го слушате дури и тропкањето на нејзиниот накит. Сеедно дали ја собрала косата или ја пуштила слободно да и паѓа на рамењата, таа ја држи главата како на неа да има круна. И тоа со леснотија како тоа нешто да е сосема природно. Иако ужива во воздишките на додворувачите и обожавателите, ќе ви дозволи да ја освоите само ако таа процени дека сте вредни за нејзиното внимание.

Девица

Тој: Девицата уште на првата средба ќе се потруди да ве воодушеви со познавањето на поголемиот број теми од областа на науката, стопанството, економијата, автомобилизмот, градежништвото, но и со практични детали од секојдневниот живот. Ќе ви објасни дека е нешто најнормално на светот и дека коцката мраз што случајно ја допирал додека ви ја ставал во чашата неможе да биде извор на зарази поради ниската температура. Внимателно ќе ве слуша додека кукате поради малата плата, големиот обем на работа и неразбирањето од страна на шефот, па така брзо ќе сфатите дека верната Девица секогаш ќе биде тука кога ви е потребна.

Таа: Слатка е, зборлеста, помалку воздржана што ја прави интригантна за спротивниот пол, често манекенски градена, па лесно ги заведува и ги освојува мажите кај кои се раѓа желба да ја зачуваат само за себе си. Знае долго и внимателно да ве слуша додека и говорите за било што, а особено е чувствителна на туѓата мака и проблемите, па со неа секогаш ќе имате раме за плачење.

Вага

Тој: Пред било каков заводнички потфат или совојувачки поход тој пред се ќе се потруди косата да му биде беспрекорно чиста, а облеката доволно, па макар и спортски, елегантна. Затоа што тој нема да се чувствува дека е доволно симпатичен да ве заведе, ако не е задоволен со сопствениот одраз во огледалото. Со него, секогаш ќе се чувствувате како вистинска дама, а секогаш џентлменски ќе ви ја бакне раката, ќе ви го придржи палтото, ќе ви ја отвори вратата од автомобилот, ќе ви подарува бомбоњери и цвеќе и постојано ќе ви дели комплименти.

Таа: Како родена заводничка задоволна е ако забележи деки при првата средба не тргате очи од неа, затоа што Вагата ужива во тоа сите да и се воодушевуваат, иако често глуми воздржаност. П
оради вродениот шарм, мажите ги освојува со леснотија, па често и’ е непријатно кога треба да одбие некој нетрпелив, здодевен или наметлив додоврувач. Невоспитаноста и вулгарноста не ги поднесува, па често знае на општо изненадување да возврати со иста мерка.

Скорпија

Тој: Заведува со погледот и допирот и нема жена што неможе да ја освои, само ако го сака тоа. Затоа што неговата желба е посилна од сите препреки, непремостливи околности и можни ситуација, па дури и она што би го попречувало, за нив да биде предизвик. Ниту нивниот изглед, па ниту нивните години никогаш немаат врска со нивната моќ на заведување и освојување, затоа што Скопријата е вистински магнет за жени: доволно галантен, доволно таинствен и доволно упорен, па ретко која припадничка на спротивниот пол може да му одолее.

Таа: Избира, заведува, освојува и оди понатаму штом и на миг ќе престанете да ги задоволувате нејзините строги, пред се еротски критериуми. Опасна и досетлива, страсна и возбудлива, жената Скорпија сака мажот што ќе го избере да биде нејзина сопственост, но ако проблемот се јавува кога има повеќе од еден таков маж. Не се залажувајте дека вие тогаш ќе ја оставите неа, затоа што таа не чека да биде оставена.

Стрелец

Тој: Навистина го сака ветерот во косата, избледен џинс, брзо возење и гласна музика, па уште кога на патот ќе се најде некоја згодна автостоперка, еве авантура или романса. Без разлика на тоа колку има години мажот Стрелец секогаш е подготвен да ве заведе, а во освојувачките походи тргнува кога е на одмор или кога е доволно далеку од дома.

Таа: Тие се младолики, ведри, елоквентни, влеваат доверба до таа мерка што се чувствувате како да ја познавате отсекогаш, а нејзината потреба со интелектуална полемика ве импонира без оглед на нивото на вашето образование. Истовремено, жената Стрелец дрско ве заведува со своите прекрстени исончани нозе што некако секогаш ги исфрла во прв план, планира патување со вас, иако сеуште добро не ве познава, а вие сето тоа воодушевено го прифаќате… А кој не би прифатил?

Јарец

Тој: Гори од желба да седи во вашата близина, само да ве гледа и да ужива, затоа што ќе поцрвенее уште при случајниот допир на вашата кожа. Незнаејќи како да ви покаже дека сте го завеле ќе биде неспретен и помалку трапав, но неговите вистински заводнички способности ќе дојдат до израз кога ќе допрете до било која тема што има врска со образованието. Тогаш вие ќе гледате во него со обожавање и со стравопочит и потајно ќе размислувате како се бакнува.

Таа: Таа е вистински оган под мраз, баш затоа што е толку префинета и женствена, што мажите во нејзината близина во почетокот ги збунува почитта што таа ја буди кај нив. Жената Јарец без разлика дали носи минуи здолниште или подвезици под романтичниот фустан знае да ја разбуди имагинацијата на секој маж што има доволно трпение и упорност да ја заведе, освои и да ја победи нејзината срамежливост.

Водолија

Тој: Толку е ноншалантен, шармантен и лежерен, што при првата средба воопшто немате чувство дека ве заведува, освојува или било што слично. Тоа што ви пали цигара, достава пијалак во чашата, замислено молчи и не го симнува погледот од вас додека разговарате, ги одбива разговорите на мобилниот телефон – сето тоа ви одговара, а не сте ни свесни дека сте се „фатиле“. Кога ќе се разделите тој нема да ви каже ништо, но брзо ќе ја видите неговата порака на мобилниот телефон.

Таа: Пресметана е толку колку што и е важно да знаете да ги следите нејзините идеи и начинот на размислување. Затоа жената Водолија бира партнер сличен на нивото на образование, ставовите и однесувањето, без оглед на врежаното мислење за нејзината ексцентрична природа и потребата за слобода. На нејзината суета и’ годи машката упорност и подготвеност се да направите за неа, па затоа никогаш не отстапувајте ако сакате да освоите жена Водолија, а таа за возврат ќе ви биде верна.

Риби

Тој: Не знае како да почне да ви се додворува,па делува помалку неспретно што уште на првата средба предизвикува симпатии кај спротивниот пол. Ако е оженет во друштвото поради околината што може да го „издаде“ кај сопругата ќе глуми верен сопруг, но штом ќе остане насамо со вас ќе почне директен напад. И тоа секогаш со стил што подразбира внимание, сочуство и галантност.

Таа: Ужива во заведувањето уште при самата помисла на мажот што и’ се допаѓа, иако ретко (или никогаш) нема да му признае. Ќе направи се за да ве заведе (романтична вечера, миризливи свеќи, секси облека, поглед пред кој мажите ретко остануваат рамнодушни), а потоа таинствено ќе ви даде до знаење дека можеби сте успеале да ја освоите. И така до недоглед.