ИЗБОРИ 2009 - генерална дискусија

Електронско гласање - тема на утрешната лидерска средба

Ќе имаме ли општини во кои граѓаните за својот фаворит на локалните и претседателски избори ќе гласаат по електронски пат?

На утрешната лидерска средба Груевски ќе предложи во некои општини да се спроведе пилот проект граѓаните на пролетните избори да не гласаат повеќе со заокружување на гласачко ливче.

Од партијата на Премиерот велат дека за воведувањето на ваквата новина добиле препорака од меѓународната заедница и дека сега засега ќе иницираат само расправа. Не откриваат кои општини би влегле во ваков проект.

За социјалдемократите поважно е да се разговара за создавање на услови за фер и демократски избори.

„Да ги видиме кои се препораките на Владата, кои се идеите на Владата, па потоа ќе го кажеме нашиот став“, вели Јани Макрадули, СДСМ.

ДУИ начелно ќе го поддржат секој чекор со кој ќе се гарантираат фер и демократски избори и со кој ќе се намали можноста за манипулација на гласовите. Но, велат дека треба да се види колку електронското гласање е возможно и во кои општини има услови за тоа.

„ДУИ ќе присуствува, претседателот Ахмети ќе биде на лидерската средба“, рече Рафиз Алити, ДУИ.

Присуството на утрешната средба го потврдија и лидерите на СДСМ Зоран Заев, и на ДПА Мендух Тачи.