Радев го потпишал договорот за распарчување на Македонија во Букурешт 1913 година

Споменик на Симеон Радев, автор на „Градителите на модерна Бугарија“, е поставен во Скопје, на горниот дел од зградата на македонското Министерство за надворешни работи. Веста прва ја објави бугарската агенција Фокус, со оцена дека Радев е најновата бугарска историска личност која е прогласена за македонска. Во таа група Фокус ги стави цар Самуил, Гоце Делчев, Дамјан Груев, Методија Шаторов и Методија Андонов-Ченто. Македонија веќе постави спомен-плоча за Радев во Париз, поточно за весникот „Македонско движење“ што го уредувал и издавал тој од 1902 година. 

Овој познат дипломат, писател и публицист е роден во Ресен, но јавно се декларирал како Бугарин. Се смета за најголем бугарски дипломат, бидејќи бил прв претставник на Софија во Друштвото на народите и нејзин амбасадор во Хаг, Анкара, Вашинтон, Лондон и Брисел. Тој, исто така, бил во составот на бугарската делегација која во Букурешт во 1913 го потпиша договорот за распарчување на Македонија, а неколку години подоцна заедно ќе ја договори и капитулацијата на Бугарија. 

Божидар Димитров, директор на бугарскиот Национален музеј на историјата, вчера преку „Фокус“ му честиташе на МНР за потегот.

„Кога слушнав, не можев да верувам, но тоа ми создаде голема надеж во срцето дека еден ден моја биста ќе биде поставена пред Музејот на Македонија во Скопје. Одлуката да се постави споменик на Симеон Радев – автор на „Градителите на модерна Бугарија“, а не на „Градителите на модерна Македонија“, и долгогодишен дипломат во бугарско, а не во македонско МНР значи само едно нешто - дека Македонците тајно признаваат дека се Бугари и дека нивното Министерство за надворешни работи е разгранок на бугарското“, искоментирал Димитров. (Н.Р.)

Што можат кутриве вмровци...уште им работи она бугарското од времето на Љубчо....