Британското издание на „Elle“ си постави за цел да покаже зошто Кендис Сванапул е еден од најплатените модели. 25-годишната убавица од Јужна Африка позираше пред објективот на Каи Зи Фенг во креации од Прада, Луј Витон, Стела Мекартни, Дрис ван Нотен и Баленсијага.

Кендис, која оваа година ќе го носи милионскиот градник на Victoria’s Secret, во интервјуто за списанието признала дека ѝ било особено тешко да работи како млад модел во Европа, затоа што била далеку од дома.

Синооката манекенка е „откриена“ на 15-годишна возраст. Од фарма во Јужна Африка се пресели во Милано од каде го освои светот. Денес поседува два имоти во Њујорк, постојано патува низ целиот свет и соработува со некои од најголемите имиња во модната индустрија, но сè уште ѝ е тешко да свикне на новиот стил на живот. „Лудо е. Никогаш не си ни замислував дека ќе стигнам дотука“ – изјавила таа.