Закон за забрана на пушење на јавни места

И покрај тоа што инспекторите викендов спроведоа контроли на локалите досега не е изречена ниту една казна........

Во чајџилниците во скопски Чаир цигари се палат какo воопшто да не е стапен во сила законот, а келнерите не ги предупредуваат гостите дека пушењето е забрането.........

При вечерната шема на 1 и 2 јануари во Скопје во кафулињата "Чао" и "Сегафредо" и покрај предупредувањата од персоналот и обезбедувањето можеа да се затекнат гости што пушат во тоалетите.

Кафулињата во скопско Дебар Маало го почитуваат законот, а на масите неможат да се затекнат ниту пепелници.

И во кафитеријата "Фонтана" во трговскиот центар Мавровка, каде најголемиот дел од гостите се студенти законот се почитува неодложно. Угостителите од Мавровка се жалат на намален промет и протестираат против воведувањето на законот. Во т.ц. Бисер и Три Бисери во Аеродром гостите излегуваат надвор од локалите за да запалат цигара.....

сопствениците сите се пожалиле на пад во прометот.....

Забраната за пушење не се почитува ниту во чајџилниците во Куманово. 

Од друга страна во едно од култните кумановски кафулиња “Кенди” кое работи веќе 20-ина години, велат дека строго се почитува законот но се соочуваат со голем пад во прометот, а бројот на гостите се намалил за 30 отсто.

Сопственик на кафулето "ИН" од Куманово се жали дека дел од гостите арогантно се однесуваат и палат цигари и покрај истакната забрана за пушење.

Во т.ц. Палма Трејд во Тетово, во недела попладне во дел од локалите можеа да се забележат гости кои пушат. Во кафулето "Емпориум" се пушеше без забрани.

Информациите од теренот говорат дека забраната повеќе се почитува во помалите градови. .... од Велес, Кичево,Кочани, Кавадарци и Охрид велат дека законот се почитува без исклучок.

Велес  во најзагадениот град во земјава 100% ја почитуваат забраната за пушење. Во кафулињата "Ескејп", "Капри", "Мурано", "Аквариус" и "Прего" викендов неможеше се види дим од запалени цигари. Иста слика затекнавме и во ноќниот клуб Ноктурно.

Во кичевските ноќни клубови „Стефано“,„Гламур“ и кафе-барот „60’ѕ“ луѓето  забавата ја следеа од надвор, со пијалаци во рака и нивното страсно задоволство, цигарата. Ова е доказ дека законот се почитуваше со тоа што во затворените простории изминатиов викенд кичевчани не запалија цигара. Исто така, во ресторанот „Амбасадор“ каде присуствуваа гости од повеќе возрасти, законот не беше прекршен.

Речиси исто се одвиваа работите и по кочанските кафулиња,  „Нокс“, „ Фри“, „Манеус“,  и во пицеријата „Пјаца“ гостите  мораа да излезат надвор за да си го дозволат своето задоволство.

При направените контроли на инспекцијата во кафулињата во Кавадарци, не било регистрирано ниту едно прекршување на законот. Кафулињата "Круна", "Рома", "Експрес" и "Пикасо", како и ноќниот клуб К7  истотака осамнаа без запалени цигари.

Во Охрид забраната за пушење во затворени простории се почитува речиси секаде. При посетата на локалите "Џез", "Кадмо", "Ликвид" и "Галерија", неможеше да се забележат задушени простории како што беше случајот пред пет дена. контролирани биле и  тоалетите каде исто така е забрането пушењето.

Дел од угостителските објекти почнаа експресно да се навикнуваат на законот и вработуваат дополнителен персонал кој ги опоменува гостите дека пушењето е стриктно забрането. Ваков е случајот со кафулето "Форца" во Скопје.

Угостителите во повеќе наврати предупредија дека последиците од законот може да бидат затворање на дел од локалите  како и отпуштања од работа.

Од друга страна новоименуваниот директор на Државниот пазарен инспекторат Виктор Дерманџиев изјави дека ќе бидат ригорозни кон сите оние што го прекршиле законот, а казните се движат од 150 до 300 евра за физички и од 2.500 до 4.000 за правните лица.

-Инспекторите направија дневни контроли на 2 и 3 јануари во Старата скопска чаршија и на улица “Македонија”. Освен во Скопје контроли имаше и во Велес, Струмица, Штип, Кавадарци и Неготино. Беа направени вкупно 109 инспекции и не е поднесена ниту една пријава. Контролите продолжуваат, а освен дневни контроли засилено ќе се прават и во вечерните часови. ..............