Офтопик

Пивото спречува срцев удар, чоколадата се бори против рак?

Иако многу пати се споменати во негативна смисла, неколку работи кои генерално се нарекуваат „лоши“ се всушност многу полезни за нас. Проследете го одбројувањето и единствено конзумирајте ги лошите работи во умерени количини

10. Пиво

Многу често пивото се заменува со неговите посилни алкохолни роднини. Но, за пивото е докажано дека конзумацијата на умерени колучини всушност допринесува за подобрување на кардиоваскуларната функција. Е сега, да можат научниците да ги откријат и здраствените придобивки од месото на скара.

9. Гнев

Ако вие сте една од оние личности која има навика да го собира гневот, за во еден момент да експлодира – епа немојте да го собирате повеќе. Докажано е дека изливите на гнев се всушност добри за здравјето, и се подобар механизам од стравот и иритацијата. Но мора да споменеме дека како и со другите работи, практикувајте го гневот во умерени количини, во обратен случај може да доведе до сериозни нарушувања на здравјето.

8. Ларви

Иако тие се лигави, морничави и изгледаат гнасно, овие црви можат да ви го спасат животот. Во 2003 година, овие ларви се признати како единственото живо медицинско помагало. Ставени на сериозни рани, црвите се хранат од бактериите и мртвото ткиво со што помагаат во заздравувањето и спречувањето на инфекции.

7. ЛСД

Дефинитивно не рекламираме употреба на дрога. Но, научно е докажано дека мали дози од ЛСД помагаат да се победи алкохолизмот и да се спречат повторување на алкохолизмот. Ова се податоци од медицински истражувања кои се спроведени во строго контролирана клиничка средина каде пациентите не се напиле ниту голтка алкохол со години после терапијата. Но секако - не го пробувајте ова дома.

6. Сончева светлина

Изложувањето на сонце е неопходно за преживување, но исто така тоа може и да не убие (во форма на канцер). Сончевата светлина е одлична за подигнување на расположението. Докажано е дека сончевата светлина помага на луѓето кои работат во затворени канцеларии. Но сепак нема изговор на неконтролираното „печење“ на сонце, тоа може да доведе до сериозни последици.

5. Кафе

Кафето е една од најдискутираните супстанции во светот. Дали е корисна или штетна? Сепак во последно време консензусот е во полза на оние кои преферираат утринска доза кафе – тоа е голем извор на антиоксиданси и намалува ризик од дијабетис. Исто така кафето помага во регенерацијата на црниот дроб, што е уште една добра вест за оние кои сакаат да лудуваат по цела ноќ.

4. Марихуана

Ова е лек, сериозно. Марихуаната често се поврзува со загуба на паметењето, но од друга страна помага во борбата со крајната форма на загуба на паметењето – Алцхајмеровата болест. Исто така марихуаната се препорачува на луѓе кои имаат терминални форми на канцери за полесно справување со болката. Кога треба да почнете со превентивната терапија? Ве советуваме да почекате додека марихуаната стане легален лек.

3. Црвено вино

Со векови наназад е позната лековитата моќ на црвеното вино. Тоа има силни анти – канцерогени способности и исто така ги штити и артериите. Исто така содржи антиоксиданси кои се наоѓаат во лушпата на црвеното грозје кои се многу корисни за организмот. Белото вино пак, се прави откако ќе се одстранат лушите од зрната и затоа има помали лековити способности.

2. Чоколада

Радост за љубителите на ова слатко задоволство: постојано се докажуваат позитивните карактеристики на чоколадата, содржната на антиоксиданси кои спречуваат одредени форми на канцери и помагаат во одржување на артериите. Овие силни супстанции го зголемуваат приливот на крв до мозокот со што помагаат во спречување на деменција. Задржете се на чоколадите со најголем процент на какао – црната чоколада. Останатите видови се само полни со шеќер што воопшто нема да ви помогнат.

1.Секс

Науката постојано ги докажува корисните последици од сексот, настрана од благодетите за продолжување на видот. Освен очигледните еволутивни цели, со задоволство можеме да ги проследиме советите дека сексот е лесен начин за намалување на стресот, намалување на холестеролот и подобрување на циркулацијата низ целото тело. Како да ви треба подобар изговор!