Високите потпетици – исплатлива инвестиција 

 Нови чевли, еднаш месечно можат да си дозволат дури 47 проценти од жените, а четири од десет жени имат најмалку пет пара чевли кои ги носеле само еднаш.

Дека носењето високи потптетици за жените претставува огромно задоволство и дека во нив се чувствуваат секси, покажуваат и овие истражувања според кои жените во просек имаат по 39 пара чевли во орманот. Дури 27 проценти од жените признале дека поседуваат колекции со преку 50 пара чевли, а секоја 10 – та жена изјавува: Што повисоки, тоа подобро.

Истражувањето на MSN порталот, покажа дека 86 проценти од испитаничките патат заради носење на омилените обувки, но повеќе од половина од жените признаваат дека би ја истрпеле секоја болка во чевлите во кои изгледаат добро.

За 44 проценти од жените високи потпетици се исплатлива инвестиција, поради фактот што во нив се чувствуваат поатрактивно.