Брзи пирошки

400гр. брашно
1 пециво
1 јајце
200 мл. млеко пресно ( не сум ги пробала со јогурт или кисело млеко)
200 гр. рендана салама
200 гр. дробено сирење

Се’ заедно се замесува.

Се зема по малку од смесата, се прават прво топчиња па после во форма на стапчиња со пречник околу еден сантиметар и се пржат во врело масло. Пред секоја следна пирошка се брашнат дланките( да не се лепи за раце тестото).
По желба може да се валкаат и во брашно,јајца и презла иако јас ги правам само со набрашнување на дланките.
Брзи се ептен, а вкусни мхм,мхм,мхм...
Идеални за доручек или вечера...со кисело млекце или јогурт

На ова можеби и не му е тука место..кој знае...ама еднаш гонзо ме праша што е тарана ...па си викам...во солени спаѓа...ај нека го има и ова во темава


    Тарана


Потребни состојки:

5 кг. ирмик
2 кг. брашно
15 јајца
3 л. млеко
Сол

Брашното и ирмикот се ставаат на синија за месење (или во подлабок сад). Се прави смесата од јајца, млеко и 1 лажица сол и постепено се додава во брашното и ирмикот. Се замесува поцврсто тесто и за време на месењето неколку пати се кини на поситни парчиња за полесно да се измесе. На крај ситно искинатите парчиња тесто се ставаат на сонце да се сушат, а потоа се рендаат на метален дрмоњ (превртен наопаку). Изренданата тарана се досушува на сонце, на чисти чаршави, а потоа се собира во платнена вреќа. Се чува на суво и темно место и вака собрана тараната може да стои неколку месеци.

(тараната со малку масло за јадење се пржи на оган за малку да зарумени, а потоа се додаваат вода и сол по вкус. Тараната е готова откако ќе ја впие водата односно откако ќе омекне)


е сега..ова дрмоњ...некој го вика е дермон...кој знае...
ама тоа е ова...

Ма­ка­ро­ни во сос од сар­ди­ни

Пот­реб­но:

300 г ма­ка­ро­ни
сол
За со­сот:
 800 г (1 кон­зер­ва) лу­пе­ни до­ма­ти
 1 ла­жич­ка ше­ќер
 2 ла­жич­ки за­чи­нал
 3 ла­жи­ци мас­ли­но­во мас­ло
 3 чеш­ни­ња лук
 1 ла­жич­ка сит­но сеч­кан маг­до­нос
 400 г сар­ди­ни

При­гот­ву­ва­ње: ма­ка­ро­ни­те сва­ре­те ги во со­ле­на, ври­е­на во­да и ис­це­де­те ги. Сар­ди­ни­те ис­чис­те­те ги, отс­тра­не­те им ги гла­ви­те и сред­на­та ко­ска. Во заг­ре­а­но­то мас­ло про­пр­же­те ги фи­ле­ти­ра­ни­те сар­ди­ни, до­да­де­те ги во нив до­ма­ти­те од кон­зер­ва­та, ис­тол­че­ни­от лук, ше­ќе­рот, за­чи­на­лот, па се­то тоа дин­стај­те го око­лу 15 ми­ну­ти. На крај сар­ди­ни­те со со­сот по­си­пе­те ги со сит­но сеч­ка­ни­от маг­до­нос. Топ­ли­те ма­ка­ро­ни из­ме­шај­те ги со сар­ди­ни­те и со­сот и пос­лу­же­те ги.

Похувани филети од пастрмка

Потребно:

1 кг филети од пастрмка
2-3 лажици лимонов сок
1 лажица ситно сечкани зачински билки
масло за пржење
сол
Смеса за панирање:
50 г брашно
2 јајца
50 г рендан ементалер
50 г трошки

Приготвување: филетите измијте ги и исушете ги со хартиена салфета. Испрскајте ги со лимоновиот сок, посипете ги со ситно сечканите зачински билки и со сол, па оставете ги да отстојат околу 20 минути на ладно место. Маринираните филети испрпелкајте ги во брашното, потопете ги во изматените јајца и испрпелкајте ги во трошките измешани со ренданиот ементалер. Пржете ги во загреано поголемо количество масло од секоја страна по околу три минути.

Ролат од спанаќ

Похувана шницла "слоново уво"

Потребно:

800 г свинско месо од бут
150 мл минерална вода
1 лажица зачинал
масло за пржење
За панирање:
100 г брашно
3 јајца
100 г лебни трошки

Приготвување: свинското месо исечете го на шницли, па добро исчукајте го, за секоја шницла да има размер од 20 см. Месото малу посолете го, посипете го со зачиналот и оставете го да отстои околу 2 часа во минералната вода. Шницлите исушете ги со хартиени салвети, испрпелкајте ги во брашното, изматените јајца и лебните трошки. Пржете ги во загреаното масло од секоја страна по 3 минути.

Маринирани тиквички со моцарела

Потребно:

* 1 кг тиквички
* 4 млади кромитчиња
* 200 г моркови
* 125 г моцарела

За преливот:
* 50 мл вода
* 1 лажица балзамико оцет
* 3 лажици масло
* 2 лажички зачинал

Приготвување: тиквичките и морковите измијте ги и исечете ги на долгнавести, тенки парчиња. Исчистенотио младо кромитче исечете го на тркалца, а моцарелата на коцкички. За преливот измешајте ги зачиналот, водата и балзамико оцетот, па оставете ја смесата да отстои 10 минути. Потоа сипајте го маслото, добро измешајте ја смесата, па прелијте ја врз зеленчукот. Салатата оставете ја да се маринира 15 минути, а пред да ја послужите, врз тиквичките распоредете ја моцарелата.