РАКОМЕТ - новости

Нема друга опција освен прво место

Македонскиот сениорски тим последните два тренинга пред стартот на квалификациите ќе ги одработи во салата каде што ќе се играат натпревари, во Адана.

Машкиот тим вчера отпатува за Адана, а на 15 месецов ќе го има првиот квалификациски тест од новиот циклус. Литванија е противник на македонскиот состав, ден подоцна силите ќе ги одмериме со организаторот на групата, репрезентацијата на Турција.

Новоизбраниот селектор Љубомир Савевски нема да го има на располагање идеалниот тим, но ги има клучните играчи и состав со кој има само една опција - првото место и пласман во финалните квалификации.

Од играчите кои ги посакуваше, Савевски нема да ги има Димовски, Ѓоргоноски, Стојановиќ, Ангелов, Ангеловски, Пецаковски...

Ако малку подлабоко се анализира, ќе видиме дека овој состав е многу сличен на тимот кој играше на Светското првенство во Хрватска. Брестовац или Митревски место Ангелов, Златко Мојсоски и Милан Левов место Александар Јовиќ и Гоце Георгиевски и Стојан Стоилов и Левко Наумоски место Горан Ѓоргоноски и Ванчо Димовски.

Позициите кои ја креираат играта, бековската линија, останува сосема исти. Стоилов, Маркоски, Филип и Кирил Лазаров, Миркуловски и Мојсоски. Сето тоа минус Макалоски.

"Тие повреди ќе се одразат малку на нашиот тим. Гледавме доста снимки од натпревари на Литванија и на Турција и мислам дека добро ќе бидеме подготвени за тие два натпревари. Ние имаме подобар рејтинг од двата противника, но доколку си дозволиме луксуз да ги потцениме, тогаш ќе имаат и тие свои шанси. Ако одиграме максимални сто насто, така како што знаеме во одбраната и стрпливо во нападот, би требало да се пласираме. Но, сепак, со доза на резерва и со доза на внимателност ќе патуваме за Адана. Ќе се обидеме на двата тренинга кои ќе ги имаме таму да ги довршиме работите кои ги работиме овде. Што треба да се игра во напад, што во одбрана и мислам дека 100 насто подготвени ќе го дочекаме стартот на квалификациите. Се надевам дека в недела од Адана ќе се вратиме како победници", изјави најискусниот репрезентативец Стевче Алушевски.

Со ваков состав Македонија сосема успешно парираше на европските велесили, да не споменуваме дека ги победивме Русија, Полска и Јужна Кореја.

Литванија и Турција не би требало да бидат пречка пред која би потклекнал овој тим, посебно затоа што и самите играчи знаат колку штетно би се одразило на нив самите да ги нема во ниту една комбинација до наредните квалификации, плус пад на рејтингот (што носи потешки противници во следниот циклус) итн. Токму на ова и се темели комплетната внимателност во изјавите на македонските играчи. Влогот е голем, улогата на фаворит носи притисок кој не би требало, односно смеело да е проблем. Едноставно, треба таму, во Адана, да се одигра на ниво и да се потврди тоа што сите го знаеме - дека Македонија има посилен ракометен тим од Литванија и Турција.

Литванците имаат тим кој на овие квалификации нема што да загуби. Релативно непознат тим на легионери кои главно печалат во послабите и просечните шпански клубови.

Нивните голмани се нивното најсилно оружје и најубаво би било Македонија на овој меч посебно внимание да обрне на својата одбрана за да овозможи ситуација да се постигнуваат лесни голови и да се неутрализираат нивните чувари на мрежата.

Турција е веќе познат тим, играат помалку диво, недостигот од техничка-тактичка природа се обидуваат да го надополнат со инспирација. Многу лесно паѓаат доколку противникот им направи разлика, но никако не смее да се дозволи да се растрчаат да го подигнат нивото на играње на тензичност, на еуфоричност. Доколку се игра бавно, доколку се држи топката колку што е можно повеќе во посед, тогаш нема ни да можат да ја направат хаотична играта, што, секако, им одговара како домаќини, бонус во таква (бавна) игра се гледа секој фаул, се гледа евентуална груба игра и тие не би можеле да профитираат од домашниот терен на начин на кој секако би посакувале.

Македонија има одбрана која може да го одигра тоа што треба со Литванија и со Турција, а нападот во кој се Кирил Лазаров и Наум Мојсоски, не би требало да има проблем со дефанзивните формации на овие два тима. Единствено што би можело да ги спречи нашите играчи во своите намери се тие самите. Не бидат ли на вистинско ниво, не ја задржат ли концентрацијата и дисциплината во играта, ќе им дадат можност на противниците да ја видат и бркаат својата шанса, а тогаш е многу потешко да се игра и секој резултат би бил можен.

Судиите се од Германија и штом не се викаат Мете и Мете, тогаш нема премногу причини да се сомнева дека нема да биде се како што треба. Тоа што Турците побараа нереална сума за ТВ пренос, може да се протолкува дека не сакаат сигналот да дојде до македонските гледачи, што барем кај нас се практикува кога нешто не треба да се види. Не мора да значи, но внимателност во овој поглед никогаш не е вишок.

Nema da ima prenos ama ne e kriva makedonskata televizija, turcite baraja 25 000 evra ako sakame da vrsime prenos, a bese dogovoreno za bez pari na pocetokot. Kako za ilustracija samo da znajte deka osmina, cetvrt, polu i finaleto vo Liga Sampioni vo rakomet kosta 25 000 evra. Se plasea nasite deka mozi i mestena da e so sudii.

додека во битола нема спорт нема да има ни во македонија

Vardar1947 напиша: Da najde bas kaj da ima sport! Sto ima Bitola be za da imaat dobar sport?! Skopje ako nema nigde nema da ima...

јас така мислам не се буни ти па одма аман

Вардар Про гостува кај Колдинг, а Металург кај Трембле викендов во ракометните еврокупови

Двете најквалитетни македонски ракометни екипи утре имаат свои настапи во еврокуповите.

Шампионот Вардар Про од 16 часот и 15 минути гостува кај Колдинг во Данска во рамките на 8. коло од Д групата на Лигата на шампионите. „Црвено – црните“ се на дното на табелата со само еден бод колку што има и Амичитиа, додека утрешниот ривал атакува на третата позиција.

Во Д групата прва е Барселона со 12 бодоови, пред Кил со 11, Адемар има 9, а Колдинг 8.

Покрај дуелот Колдинг – Вардар Про утре играат и Барселона – Амичитиа, а в недела е дуелот Адемар – Кил.

Реванш натпреварот од 1/8 финалето од Купот на куповите утре вечер го играат и ракометарите на Металург. Тимот од Автокоманда за Франција замина со два гола предност против Трембле оставрени во неделата во Скопје. Дуелот почнува во 20 часот.

Извлечени двојките за 1/4 финалето во ракометната ЛШ

Во седиштето на Европската ракометна федерација во Виена денеска со жрепка беа одредени двојките за четвртиналната фаза од Лигата на шампионите.

Во германската пресметка ќе се сретнат Реин Некар и Кил. Рускиот претставник екипата на Чеховски Медведи ќе игра со францускиот шампион Монпеље. Третиот германски тим кој обезбеди место меѓу осумте најдобри, Хамбургер, ќе игра со бранителот на трофејот во ова натпреварување Сиудад Реал. Втората екипа која доаѓа од Шпанија, тимот на Барселона за противник во четвртфиналето го доби унгарскиот првак Веспрем.

Првите натпревари се планирани да се одиграат во периодот од 21 до 25 овој месец, а реваншите ќе бидат седум дена подоцна.