Денес е петок 13, денот кој многумина го сметаат за несреќен или баксузен. Суеверните лица го дочекуваат со претпазливост и страв и го поврзуваат со морничави приказни, легенди и несреќи, а останатите гледаат на сето тоа со потсмев и го етикетираат како бесмислица.

Во која група спаѓате вие?

Еве што кажува хороскопскиот знак за вашата суеверност:

ОВЕН

Овните ги исполнуваат критериумите за да бидат наречени суеверни. Родени како лидери во хороскопот, тие секогаш се борат да стигнат први до целта, но веруваат дека лошата среќа може да го попречи нивниот пат. Ако не успеат да исполнат одредена цел, побрзо ќе го насочат прстот кон некој или кон нешто отколку кон себе.

Огнените овни не сакаат кога црна мачка ќе го пресече нивниот пат и веруваат дека некој зборува за нив секогаш кога нивните уши ќе се вжештат.

БИК

Биковите се приземни и реалистични личности кои нема да поверуваат во ништо пред да им дадете доказ. Сепак, суеверноста кај нив е поврзана со храната. Не се изненадувајте ако претставник на овој знак ви каже да не пеете додека јадете или да не седите на аголот од масата.

Како земјен знак, тие се силно поврзани со природата и најчесто ги прифаќаат суеверијата поврзани со неа. Најверојатно никогаш нема да видите бик како турка гнездо на ластовици.

БЛИЗНАЦИ

Логиката е втемелена во размислувањата на близнаците, па претставниците на овој знак никогаш нема да се наречат себеси суеверни, но нема ни да одречат колку се важни соништата за нив. Често ќе ги најдете како пребаруваат по соновниците за да откријат што значат нивните соништа.

Комуникативните близнаци често ќе ги слушнете како пренесуваат одредено суеверие, но не затоа што веруваат во него, туку затоа што знаат дека тоа се популарни теми меѓу луѓето.

РАК

Раковите можеби се емотивни и имаат меко срце, но најчесто се подготвени со тешки зборови да „плукаат“ по суеверијата. Екстремно тешко е да ги убедите дека потковицата носи среќа или дека бројот 13 е несреќен број. Но, како „колекционери на хороскопот“, може да ги слушнете како тврдат дека фрлањето на стари работи носи несреќа.

Раковите се приврзани за домот, па ако воопшто забележите суеверност кај нив, тоа ќе биде поврзано со местото на живеење. Од нив може да слушнете дека скршеното огледало значи седум години несреќа или дека ќе се случи нешто лошо доколку отворите чадор во затворена просторија.

ЛАВ

Лавовите се самоуверени личности кои сакаат да ја имаат контролата во свои раце и не веруваат дека случувањата во нивниот живот зависат од пресекување на патот од црна мачка или од петок 13. Во дискусиите за суеверијата, тие се секогаш жестоки противници кои укажуваат на важноста на логичкото размислување.

Голема е веројатноста да ги чуете со потсмев како велат дека треба да се јаде крајчето од лебот за да ги сака свекрвата или пак дека со поминувањето под скала се повикува неволја.

ДЕВИЦА

Иако нема да ви признаат, девиците се експерти кога станува збор за суеверијата. Но, и покрај тоа што ги знаат сите бабини деветини, сепак кога се во друштво, кај нив преовладува логиката и аналитичкото размислување.

Најчесто нивните суеверија се поврзани со чистотата, па нема да пропуштат да го исчистат домот пред голем празник, никогаш не би го треселе чаршафот по зајдисонце и не би го метеле подот додека нивен близок е на пат.

ВАГА

Вагите не се суеверни, но како личности кои се стремат кон хармоничен живот, може да имаат одредени ритуали кои им помагаат за сѐ да се движи во посакуваниот правец. Можно е во лошите моменти да чукнат трипати во дрво, или пак, да ги прекрстат прстите за среќа кога нешто силно посакуваат.

Како „романтичари на хороскопот“, вагите веруваат во суеверија поврзани со свадбата. Ќе ги слушнете како кажуваат дека зетот не треба да го види фустанот на невестата пред свадбата или дека невестата не треба да се сретне со друга невеста на големиот ден.

ШКОРПИЈА

Шкорпиите се кралици на суеверието. Тие веруваат дека сè во природата има некакво значење и дека ако нешто не работи во нивна корист, најверојатно ќе работи на нивна штета. Најчесто нивните суеверија се поврзани со здравјето. Можно е да ги видите како им облекуваат на своите деца нешто наопаку за да ги заштитат од уроци.

Исто така, многу претставници на овој знак носат накит со кристали и камења за кои веруваат дека имаат посебни моќи и влијаат на душевната состојба и среќата во животот.

СТРЕЛЕЦ

„Авантуристите на хороскопот“ се спонтани, ретко планираат и ретко се суеверни. Сепак, би купиле потковица за да го декорираат својот дом со скриена надеж дека ќе им донесе среќа и пари или би го поддржале истурањето на вода кога некој тргнува на пат или пред важен настан.

Како љубители на природата, стрелците најверојатно веруваат во суеверија поврзани со неа – „ако те чешаат ушите, ќе врне“ или „детелината со четири листа носи среќа“.

ЈАРЕЦ

Јарците се разумни личности кои не веруваат и немаат време да веруваат во суеверија. Тие не ги сакаат личностите кои веруваат во нешто за кое ни самите немаат логично објаснување и се трудат по секоја цена да ги избегнат. Подобро е пред јарците да се избегнуваат темите на разговор поврзани со суеверија.

Оние малубројни суеверни претставници на овој знак не би оставиле чанта на подот за да не им „летнат“ парите и потајно веруваат дека ќе им стигнат пари кога ги чеша левата рака.

ВОДОЛИЈА

Водолиите се личности кои не ги сакаат правилата, ниту пак суеверијата и редовно ги исмејуваат. Но, иако нема да признаат, бабините деветини ја будат љубопитноста кај нив, па можно е да ги „тестираат“ истите за да видат дали во нив се крие вистина. Водолиите никогаш нема да ве послушаат ако им речете да направат нешто поради суеверие.

Можно е да ги слушнете како се шегуваат дека ќе им дојдат гости ако видат бубамара, дека најдобро е да се станува на десна нога или дека омиленото парче накит секогаш им носи најмногу среќа.

РИБИ

Суеверијата одат рака под рака со животот на рибите кои веруваат во предодредена судбина и често се потпираат на интуицијата при донесувањето на одлуки. Можно е насекаде да носат свое „среќно“ пенкало за потпишување на важни документи, полагање на испити и сл., да не излегуваат од дома без амајлија или да имаат среќна модна комбинација за важните настани на кои е потребно да ги прати среќа.

Соништата се многу важен аспект од нивниот живот, па често ќе ги слушнете како прераскажуваат што сонувале претходната вечер или како толкуваат нечиј сон.

ФОТО: Маникир за секој хороскопски знак

Креативното трио, составено од астрологот Сузан Милер, кралицата на лаковите Дебора Липман и талентираната Мис Поп, стои зад уникатни маникири кои ги рефлектираат карактерот и преференциите на секој знак од зодијакот. Погледнете ги нивните идеи:

ОВЕН

Како претставници на знакот управуван од огнената планета Марс, овните ја обожаваат црвената боја, па најдобро се чувствуваат кога таа преовладува во нивниот маникир. Смелата црна боја може да послужи за да се потенцира нивниот борбен дух, а белата за да се истакне оптимистичкиот карактер кој го поседуваат родените во овој знак. Графичките линии на интересен начин можат да ја потенцираат силата и бестрашноста на овенот.

БИК

Биковите ја сметаат зелената боја за свој заштитен знак, но тие никогаш не се задоволуваат со едноставност. Додавањето на црни детали ја покажува нивната сила. Како и за сè друго во животот, биковите го сакаат само најдоброто.

БЛИЗНАЦИ

Жолтата, бојата на интелигенцијата, совршено одговара на рацете на остроумните близнаци. Тоа е воедно и нивната омилена боја, заедно со небесно сината. Овие светли бои го потенцираат веселиот дух на родените во овој знак.

РАК

Раковите ги обожаваат боите кои можат да се најдат на школките (сива, бела и сина), па маникирот кој ги спојува деликатните морски нијанси е совршениот украс за нивните нокти. Поради нивната емотивна и романтична природа, на раковите најмногу им одговараат нежните дезени со заоблени линии.

ЛАВ

Лавовите го обожаваат луксузот и кралските бои како црвена, жолта, златна и виолетова. Кралски маникир со црна и златна боја би ги задоволил пребирливите лавови. Тие неретко сакаат ноктите да ги украсат и со минијатурни бисери и кристали.

ДЕВИЦА

Родените во овој знак повеќе од кој било друг го сакаат чистиот изглед на ноктите и се задоволуваат само со перфектен маникир. Во него треба да биде вклучена барем една од нивните омилени бои – зелена, тегет или чоколадно кафеава. Францускиот маникир е одличен начин за да се задоволат преференциите на девиците за среден, но скромен изглед, а играњето со боите во него е одлична варијанта за да се додаде модерен шмек.

ВАГА

Вагите се деца на Венера, па нивниот маникир мора да биде нежен и деликатен. Тие на ноктите обожаваат бебешка сина, пастелна розова, кремова, сончево жолта... Сребрените детали можат да се искористат за да му придадат минималистички шарм на маникирот.

ШКОРПИЈА

Шкорпијата е најсексапилниот знак во хороскопот, но само зад затворени врати. Надвор од спалната таа привлекува со среден, деловен изглед. Црната боја ја одразува мистериозноста на шкорпиите, па најчесто таа преовладува на нивните нокти. Со вметнувањето на белата боја се постигнува побалансиран изглед.

СТРЕЛЕЦ

Иако омилената боја на стрелците е сината, сепак црвената одлично ја рефлектира желбата и страста за авантури на родените во овој знак, а златната го одразува нивниот стремеж за уживање во животот. Карираните шари совршено им одговараат на стрелците.

ЈАРЕЦ

Кафеавата и сите нејзини нијанси ги привлекуваат јарците. Но, неутралните нијанси како карамел, кремова, златна и бакарна на прекрасен начин ја одразуваат нивната елеганција. Поигрувањето со симетријата докажува дека неутралното не мора секогаш да биде здодевно.

ВОДОЛИЈА

Водолиите ги обожаваат сината и тиркизната боја, но неонските нијанси се совршен начин да се потенцира нивната уникатност. Како верни следбеници на модата, никогаш не забораваат да ги сместат најновите трендови на своите прсти. Белата боја го покажува оптимистичкиот карактер на водолиите.

РИБИ

Рибите се обожаватели на сината боја и јасно е зошто, па таа мора да биде дел од нивниот маникир. Исто така, рибите ги обожаваат светките, но само кога се употребени умерено, бидејќи тие никогаш не се претенциозни.