Прилеп

За Првпат во Прилеп во организација на Агенцијата за вработување и Локалната Самоуправа е организиран Форум на работодавачи на кој беа презентирани остварените резултати преку проектите за активни мерки за намалување на невработеноста.

Од 24.000 бројката на невработени за 7 години во градот е намалена на околу 18.000 но помалку парадоксално звучи податокот дека и покрај вака големата невработеност постојат околу 410 непотполнети работни места главно во приватните фирми. 

Работодавачите задоволни од организаицјата на форумот како еден од настаните и активностте за изнаоѓање на начини за ангажирање на потребниот профил на работници. Но потребите на фирмите за работници не секогаш соодветствуваат со квалитетот на кадарот и нивниот интерес за работа, смета Дражен Котески од прехрамбената фирма ,,Дониа,,: 

-Се работи за работна сила која би била искористена во процесот на производство. Доколку во овој сегмент фирмите имаат проблем да најдат потребен профил на работна сила тогаш можеме само да дискутираме што значи потребата од профили на повисоко ниво-на менаџерски функции. 

( вработените во гореспомнатата фирма Дониа,добиваат 5-6000 денари  месечна плата од кои 3000 денари се во бонови кои пак мораат да ги истрошат во дуќанчето кое е во сопственост на фирмата Дониа и во кое патем сите цени се за 30% повисоки од останатите продавници за храна....заради тоа фирмата Дониа секогаш кубури со работна сила а не заради интерес за работа или неквалитет на кадар...впрочем 5000 денари плата не е ни плата)

Кај младите има аверзија кон приватните фирми и владее перцепцијата дека во преден план е вработувањето во јавниот, а не во приватниот сектор, смета косопственичката на ,,Комфи ангел,, Ирена Јакимоска:

-Од старт треба да се менува менталниот склоп. Единствен начин да се остварат сопствените работни праваи да се развие едно општество е приватниот сектор каде имаме изработка на дополнителна вредност. Јавните институции се тука за да прават база на тој приватен сектор, да изработтат инфраструктура и логистика за истиот да биде реализиран.

( Госпоѓицата пак Ирена која патем е прогласена за годинешен најуспешен менаџер во градот, во својата фирма во еден месец од 30 дена има 45 работни денови за плата од некои 11 000 денари...кобајаги солидна плата ако не знаете да прерачунате по колку би му дошла дневница)

Од општината и Агенцијата за вработување ја поздравија идејата загатната од дел од бизнисмените за иницирање на промени во образовниот процес кој треба да ги следи потребите за едуцирање на кадри за потребите на бизнис секторот, со констатација дека на следните форуми треба да се вклучат и претставници на средните стручни училишта и на синдикатите.

Инаку,во Прилеп има едуцирани кадри ама се помалку се оние кои се желни да ги задоволат потребите на бизнис секторот-да работат 40 дена за 6000 денари плата(а 40 дена во месец од 30 дена добивате кога саботите и неделите се исто така работни ,башка имате сабајле прва смена па истата група вечер е трета смена,па утре втора смена и така со ред

Да не зборувам за притисокот под кој работат луѓето во 8 или 10 саати дневно,понекогаш и 12,зависи колкав е апетитот и потребата на "менаџерите",па потоа  добар дел од "платата" трошат на Диазепами,Лексилиуми,Хелекси и сл...