Вампири

Откриена 700 години стара гробница на „вампир“

Во градoт Храдек над Нисоу во северниот дел на Чешка, археолозите во ѕид на една црква што ја реконструирале, пронашле ретко откритие  - 700 години стар скелет на жена, која според начинот на кој е погребна, укажува дека луѓето од тоа време ја сметале за вампир или вештерка.

Како што јави дописникот на МИА од Прага, дека се работи за жена која ја сметале за вампир, според експертските мислења, говори положбата на скелетот кој покажува дека телото е погребано со  лицето кон земјата, а не како што е вообичаено за христијаните кога мртовецот е поставен на грб.

Во прилог на теоријата дека во тоа време жената ја сметале за вампир или вештерка е и тоа што за тој период била невообичаено висока, околу 170 сантиметри.

Локалните власти планираат скелетот да го изложат во градскиот музеј.