До сега во повеќето  нешта имаше моја подршка ама сега кај мене се јавува сомнеж бидејки колку и да е во право Владата со одлуката за екстерното оценување, ниеден премиер, ни една влада не смее да ги крши законите односно да не го почитува уставот кога тоа од народот го бара. Уставот не се менува со амандмани како што се менува кошула која не е во тон. Уставот не смее да се стави во дневно политички цели. Премиерот сега само треба да се повлече, да формира тим кој ќе ги надмине тешкотиите на кои наидоа со неправилното водење на проектот Екстерно оценување. Премиерот не смее  да има суета и тоа јавно да покажува дека е навреден од одлуката. Никој не е над државата.

Уставниот бара екстерното веднаш да запре

Дописот од Судот дека привремената забрана за екстерното тестирање важи и без објава во „Службен весник“ бил доставен преку к*рир, а министерот за образование тврди дека не го добил и тестирањето продолжи и вчера

Уставниот суд решението до надлежните институции го доставил уште завчера, но Министерството и вчера продолжи со тестирањето

Екстерното тестирање мора да прекине веднаш. Уставниот суд уште завчера им го доставил на Собранието, Владата, Министерството за образование, Државниот просветен инспекторат и Бирото за развој на образованието решението за поведување постапка за екстерното тестирање и за изречената мерка со која привремено се забранува неговото спроведување. Министерот Перо Стојановски тврди дека не добил ништо.

„Привремената забрана за спроведување на екстерната проверка влегува во сила, односно обврзува од моментот на приемот на решението на Уставниот суд, без да се објави во ‘Службен весник’“, пишува во дописот на Уставниот суд.Иако судот информира дека решението до овие институции го доставил уште завчера и не по пошта туку по к*рир, Министерството и завчера и вчера молчеше дека го добило и продолжи со тестирањето. Вчера осмоодделнците полагаа странски јазици, хемија и физика.

- Одговорно тврдам дека не сум го добил решението на Уставниот суд. Кога ќе го добијам, ќе се изјаснам што понатаму. Како Министерството ќе го спроведуваме тестирањето се' додека решението не се објави во „Службен весник“ - изјави вчера министерот Стојановски. Не Министерството за образование, туку независно тело треба да прави анализи од екстерните тестови за (не)успешноста и слабите точки во образованието во секое поединечно училиште. Само така ќе се избегне опасноста и можноста ваквите тестови наместо за подобрување на квалитетот на образованието да се употребуваат за политички и други вид пресметки и притисоци врз наставниците и директорите, а на грбот на децата. Ова е став на педагозите со кои вчера разговаравме. Впрочем, така е во другите земји каде се спроведува ваков вид екстерна, надворешна проверка на знаењата на учениците, работата на наставниците и воопшто квалитетот на наставата.

- Министерството не може да оценува, ниту Државниот просветен инспекторат, бидејќи е орган на управа. Ако Уставниот суд не реагираше и се дозволеше Министерството да го прави тоа, можеше да се случи тоа да се искористи за политичка пресметка меѓу партиите, при што ќе настрадаа наставници. Со продолжувањето на екстерното тестирање и покрај времената забрана од Уставниот суд Министерството сака да си го оправда проектот - вели Никола Петров, професор по Педагогија.И директори на училишта и наставници сметаат дека овластувањето Министерството да врши оценување ќе значело „чистка“ на непожелниот наставнички кадар од училиштата.

- Тоа можеби немаше да се случи веднаш по првиот тест, но сигурно ќе се изведеше постапно во текот на две години. Директор на основно училиште, кого го назначува општинската власт, која е со одредена политичка определба, може да деградира наставници од спротивниот политички табор. Особено ова ќе беше видливо во основните и во училиштата во помалите градови. Не е доволно само да постои независно тело за спроведување на тестирањето, туку тоа треба да ги сумира резултатите од тестовите. Министерството не смее да ги сумира и анализира тие резултати бидејќи повторно ќе има простор за манипулации - вели директорот на едно скопско средно училиште, кој сака анонимност токму поради можни политички консеквенци.

Тестирање ќе има, но со корекции

Екстерните тестови ќе се спроведуваат и во иднина. Ако законот падне на Уставен суд Владата ќе ја промени спорната одредба за да може и идната година да се спроведуваат екстерни тестови, изјави премиерот Никола Груевски вчера при посета на Теарце.

- Се додека нема законска забрана ние како Влада и Министерство за образование ќе продолжиме со екстерните тестови. Дури и ако Уставниот суд го укине делот кој е времено запрен, со корекција на законот екстерното тестирање ќе остане и идната година ќе продолжи - рече тој. (И.Ц.)

sikter напиша: Го подржувам Груевски во сите работи?  koj li kreten ja osnoval temava?  ja sretnav vo aktivni korisnici i si vikam da ja izvadam ......

Ај па и ти колега, што се 10%. А биле а не биле

evangeline напиша: sikter напиша: Го подржувам Груевски во сите работи?  koj li kreten ja osnoval temava?  ja sretnav vo aktivni korisnici i si vikam da ja izvadam ...... Па не гледаш дека има прашалник?

pa da vidish  i ne go vidov .

Изменето од sikter - 20.Февруари.2014 во 23:30