40 годишниот дефанзивец во неделата против Рома го имаше последниот натпревар на Сан Сиро бидејќи по крајот на сезоната ќе се пензионира.

Во трчањето на почесниот круг се појавија пароли на кои имаше навредлива содржина за Малдини. На едниот банер пишуваше: “Благодариме капитену. На теренот беше неуморлив шампион но немаше почит кон оние кои те направија богат.”

Исто така имаш и парола на која пишуваше “има само еден капитен” алудирајќи на Франко Бареси.

“Навистина не знам (зошто тие ја уништија забавата).” – рече Малдини за Gazzetta dello Sport. “Секогаш сум бил искрен, сум ги следел моите идеални и сум ги почитувал сите.”

“Не сум бил постојан посетител на местата каде што одат фановите, но не бидејќи сум сноб, туку бидејќи секогаш требаше да покажам нешто поради презимето кое го носам.”

“Сакав да бидам суден само за она што го правам на теренот. Има некои кои можат да го видат ова како форма на почит кон фановите и клубот.”

“Но има и такви кои можат да го оценат ваквото однесување како непристојно.”

Малдини потоа беше запрашан што најмногу го разочарало: “Молчењето на клубот. Не ми се допадна фактот што тие одбија да завземат позиција.”

“Нема ниту еден коментар. Од председателод, до директорите никој не кажа еден збор. Можеби сум идеалист но верувам дека клуб како Милан треба да се огради од одредени настани.”

Малдини одговори на протестите веднаш по натпреварот кога на новинарите кратко им рече: “Горд сум што не сум еден од нив.”

“Тоа беше инститивна реакција, и можеби грешка. Бев повреден човек. Немав можност подобро да размислам.”

“Тоа беше одговор на акција која беше однапред смислувано со денови, месеци или можеби години. Јас сум човек со чувства и слабости.”

Малдини ќе стави крај на својата кариера овој викенд откако освои 26 трофеи во својата кариера и помина околу 25 години во фудбалот.