F1 Вести

Болидот на Ферари е најдобриот кој сум го возел

Шпанецот Фернандо Алонсо изјавил дека новиот болид на Ферари е најдобриот кој го возел во досегашната кариера.

"Нема причини да бидам песимист. Ова е најдобриот болид кој сум го возел до сега. Претходните два дена имавме и среќа со убавото време на тренинзите во Ксерез. Задоволен сум од сработеното." - изјавил Алонсо.

Алонсо им порачал на ривалите дека треба да се плашат од Ферари сезонава.

"Ред Бул, Мекларен и Рено ги покажаа своите карти веќе на тренинзите, додека ние криеме уште некои адути." - додал двократниот шампион на светот.

Новата сезона во Формула 1 стартува на 14 март со трката за Големата награда на Бахреин во Манами.

Хајдфелд стана "резервист" на Мерцедес!

Ник Хајдфелд ќе го комплетира германскиот "супер-тим" покрај сонародниците Михаел Шумахер и Нико Розберг во Мерцедес ГП тимот во 2010 откако неговиот менаџер потврди дека тој стана тест-возач на тимот и можеби се стави крај на кариерата на еден од најдобрите возачи кои немаат победа во Ф1.

Хајдфелд дебитираше во формула 1 со Прост ГП тимот во 2000 со одлична репутација како актуелен Ф3000 шампион (сега ГП2 серија). Но, со слаб болид во својата деби сезона, неговата репутација не достигна високо ниво, а следните кратки авантури со Заубер и Џордан го оставија во незавидна положба. Во 2005 година тој покажа дел од тоа што се очекуваше со него во Вилијамс, а во четирите години поминати со БМВ Заубер од 2006 до 2009 оствари осум пласмани на подиумот, но ниту една ГП победа. Еден од најпостојаните возачи во светот, кој го има рекордот за 41 едноподруго завршени трки, и 18 завршени трки во една сезона во 2008, ќе остане како еден од најпотценетите Ф1 возачи. Неговата слабост беше што не можеше да се навикне на квалификациските гуми на Бриџстоун во 2008, што неговиот тогашен колега Роберт Кубица го искористи за доминација во сезоната.

Во 2009 двојката беше израмнета, и Квик Ник имаше 19 поени во споредба со 17-те на Полјакот. Но, тогаш дојде одлуката на БМВ да се повлече од спортот и возачот од Менхенгладбах мораше да пронајде нов тим. Поврзуван со празното место во Рено покрај Кубица, Скудерија Торо Росо и на крајот Мерцедес, на крајот стана јасно дека во германскиот тим се чува место за некој поважен, кога дојде Михаел Шумахер.

Хајдфелд токму со производителот од Штутгарт работеше во поголемиот дел од јуниорските денови, но тие го преферираа тогашниот колега од Заубер Кими Раиконен како замена за Мика Хакинен во тимот на Мекларен Мерцедес. Тој момент можеби беше одлучувачки во кариерата на Хајдфелд, момент во кој стана од "талентиран млад возач" во "просечен возач".

Тој ќе биде официјално претставен денес, кога Ф1 болидот на Мерцедес за 2010 ќе биде презентиран, што значи дека на 32 години престанува да биде активен возач.

"Ник ќе се концентрира на поддршката на главните возачи на Мерцедес како нов резервен возач на тимот. Ник бараше место во еден од големите тимови, но на крајот не успеавме да најдеме такво место", призна неговиот менаџер Андре Тојерцајт.

Шумахер се фокусира на долги патеки

Иако се шегува дека ја пронашол тајната за "вечна младост", седумкратниот светски шампион Михаел Шумахер подвлече дека неговиот фокус е на долги патеки, а не само на сезоната 2010 со тимот на Мерцедес ГП. Шуми признава дека осма титула е можеби нереално во неговото деби со Мерцедес, но дека во тригодишниот договор со Мерцедес би требало да стигне до целта. Тој не сака да прави предвидувања и продолжува да ги намалува сопствените шанси во изјавите велејќи дека ќе биде тешко да се продолжи каде што застана во 2006 година.

"Нашата долгорочна цел со Мерцедес е многу јасна. Сакам да станам светски шампион повторно. Тоа можеби нема да се случи во 2010, но реално е да се смета на таков развој на настаните во трите сезони", изјави 41-годишниот Германец.

Тој се врати зад воланот на ГП2 тестот во Херез минатата недела, иако дождот ги попречи двата дена тестирање.

"Очигледно успеав да го откажам ефектите на стареењето. Мора да имам добри гени! Можев да возам многу на последниот ден тестирање и се помина совршено. Се чувствувам подготвен за сезоната", вели Шуми.

Стирлинг Мос, најпознатиот британски возач без светска титула, кој се повлече на свои 32 години по несреќа во 1962 година, вели дека му се восхитува на храброста на Шумахер, но се сомнева дека може да освои нова титула.

"Мислам дека е храбар што се враќа, и тоа е добро за спортот. Отиде во најдобриот тим, но тоа не значи дека ќе победи. Да биде подобар од луѓето како Фетел и Алонсо мора да направи нешто спектакуларно", вели Мос.

И Џони Херберт, поранешниот Ф1 возач, вели дека на Шумахер ќе му биде тешко.

"Луѓето како Хамилтон, Фетел и Батон се сосема поинакви и имаат поинаков менталитет од поранешните ривали на Михаел. Тогаш имаше аура околу Шумахер, но сега сите ќе му се на вратот", изјави Херберт

Од друга страна, еден од поранешните ривали на Германецот, Дејвид Култхард верува дека младите момци во Ф1 ќе бидат изненадени од ветеранот.

"Мислам дека младата генерација ќе биде изненадена колку Михаел може да биде безмилосен за да ги оствари своите цели. Тоа најмногу го чекам - да видам дали се уште го има убиствениот инстикт од порано", изјави Култхард.

Ферари ветуваат дека ќе го победат Шумахер!

Михаел Шумахер може да зажали за заминувањето од тимот на Ферари, бидејќи Фернандо Алонсо е во совршена позиција да го совлада Германецот за светската титула повторно, вели шефот на Скудерија, Стефано Доменикали. Седумкратниот светски шампион, 41-годишниот Шумахер се враќа од пензија да се трка со новиот Мерцедес тим заминувајќи си од консултантската позиција во Ферари, кои го донесоа двократниот светски шампион Алонсо од Рено. Шпанецот го совлада Шумахер за титулите во 2005 и 2006, кога Шумахер возеше за Ферари, и Доменикали вели дека е сигурен дека новиот возач може да го повтори успехот.

"Да не заборавиме дека Фернандо е единствениот возач во формула 1 кој во својата кариера го совладал Михаел за светската титула. Фернандо има се што е потребно да го победи Шуми", изјави Доменикали на Врум фестивалот на Ферари во Мадона Ди Кампиљо.

Фановите на Ферари низ целиот свет беа вознемирени од заминувањето на Шумахер, посебно откако тој за малку ќе се вратеше во Ферари минатата сезона како привремена замена за повредениот Бразилец Фелипе Маса. Ниту Доменикали не го заборавил тоа.

"Секако, добро е да не се заборави дека тоа што тој го направи остави траг. Но, сега мораме да ја свртиме страницата. Мораме да му покажеме на Михаел дека ова е силен тим. Сакаме да победуваме. Помисливме на него минатата година бидејќи се работи за неверојатно силен возач. Но, Фернандо и Фелипе можат да го совладаат", додава Доменикали.

Ферари ќе го претстават својот болид на 28 јануари во седиштето во Маранело, по што ќе се започне со тестирањето во Валенсија на 1 февруари.

"Не верувам дека првите тестови во февруари ќе можеме да знаеме колку имаме конк*рентен болид. Ќе бидеме силни, но ќе треба да почекаме да видиме дали ќе победуваме", вели Доменикали.

Незнам како и ќе го прифатат неговото извинување во Ферари...но зашто баш во Мекларен

Ne izdrza srce junacko...Shumaher se izvinuva na navivacite na Ferrari