Европско првенство во ракомет Србија 2012

»Wenn ein Deutscher einen Zug ausrauben möchte, kauft er sich als erstes eine Fahrkarte.« :) (Lenin 1917)

   Илјадници граѓани ги дочекаа ракометарите

Повеќе илјади граѓани на плоштадот “Македонија“ ги дочекаа ракометарите кои од Србија се вратија како петта европска ракометна сила. Капитенот Кире Лазаров е убеден дека историскиот успех ќе се повтори на Летните Олимписки игри во Лондон, а селекторот Шундовски кажа дека Европа сега ја смета Македонија за европска велесила.
Индира Кастратовиќ, најдобриот женски ракометен стрелец во светот, му врачи на Лазаров Плакета во име на сите граѓани за постигнатиот успех и за титулата најдобар стрелец во историјата на Европските првенства.
“Леле што направивме“, Лазаров ги повтори зборовите на кошаркарската легенда Влатко Илиевски што ги изговори кога македонската кошаркарска репрезентација минатата година го освои четвртото место на ЕП во Литванија.
“Уште многу години да ги повторуваме овие зборови. Не само во кошарката и ракометот, туку и во фудбалот и во одбојката. Спортот е амбасадор на нашата држава. Ние само преку спортот може толку добро да ја промовираме нашата држава. Сакам од мое лично име да им се заблагодарам на сите мои колеги. Ова не е само мој личен успех, ова е успех на цела Македонија, на моите другари лавови кои беспоштедно се бореа и ги даваа последните сили во борбата со најголемите европски репрезентации“ рече Лазаров видно возбуден од пречекот на плоштадот.
“Данци доаѓаме во Лондон. Данци ќе ви го вратиме долгот. Одиме напред, ни остануваат три месеци да останеме цврсто на земја, скромни како и до сега со добра подготовка, одиме кон нови победи. Само скромни и цврсто на земја нашиот сон ќе се оствари, а тоа е Лондон 2012“, рече капитенот на ракометната репрезентација.
Лазаров беше искрен и рече дека не го очекувале успехот што го постигнаа.
“ Се надминавме. Македонци, се надевам дека со лични карти не, но со пасоши и без визи ќе одиме во Лондон. Спремете се од сега“, им порача Лазаров на граѓаните.
Селекторот Звонко Шундовски рече дека сега Македонија во Европа ја сметаат за велесила и од македонската фаланга сега се плашат сите, и репрезентациите и нивните навивачи.
Голманот Борко Ристовски, кого на шала го викаат министер за одбрана, рече дека на секој наптревар давале 100 отсто и дека му е мило што успеале да ја израдуваат Македонија.
Наумче Мојскоски рече дека најмила му била победата против домаќинот Србија.
На прославата на плоштадот присустуваа и премиерот Никола Груевски и претседателот Ѓорѓе Иванов.

Европско првенство во ракомет Србија 2012

Илјадници граѓани ги дочекаа ракометарите

Срам за ЕХФ: Лазаров не е во идеалниот тим

Срам за ЕХФ: Лазаров не е во идеалниот тим

Срам за ЕХФ: Лазаров не е во идеалниот тим

Внеси реплика	страница <1 8 910
Tweet