Случај Коњановски и 12-те директори од РЕК Битола

Пријава против Коњановски за РЕК

Пријавата е дополнување на случајот со директорите во РЕК, осомничени дека го оштетиле комбинатот за седум милиони евра, објаснуваат од Обвинителството

До Основното јавно обвинителство во Битола деновиве е поднесена кривична пријава против актуелниот министер за одбрана, Зоран Коњановски, за настани од времето кога бил директор на РЕК „Битола“. Јавниот обвинител Петар Аневски изјави дека се работи за анонимна пријава, која веќе е прифатена и за неа ќе одлучуваат деновиве. Од таму велат дека таа е дополнение на случајот со кривичните пријави против 12 раководни лица од РЕК, осомничени за злоупотреба на службената положба. За предметот веќе се води истрага во Основниот суд во Битола, зашто постојат сомневања дека на комбинатот му е направена штета од седум милиони евра. Анонимната пријава за министерот прво била доставена до СВР, а од таму препратена до Обвинителството. 

- Известувањето стигна пред Нова година, но според формата заклучуваме дека е кривична пријава. Таа е во врска со настаните за кои беа поднесени кривични пријави против 12 лица од РЕК и доаѓа како дополнување, односно пријава за триенаесетто лице. Мора да ја прифатиме и во следните денови ќе се постапуваме по неа и ќе информираме како ќе одлучиме - изјави обвинителот Петар Аневски. 

Министерот Коњановски рече дека за пријавата дознал од новинарите. 

- Немам коментар додека обвинителството не излезе со официјален став. Јас останувам достапен, па нека проверат - ни рече Коњановски.

Од полицијата тврдат дека не поднеле пријава против поранешниот директорот на РЕК, Коњановски. Објаснуваат дека секој граѓанин може да поднесе кривична пријава против некој за кого се посомнева дека направил кривично дело. Во таков случај обвинителството преку полицијата ја испитува веродостојноста на наведеното во кривичната пријава. Ако не се утврдат злоупотреби, пријавата се отфрла како неоснована. Но, ако постои основано сомневање за кривично дело, полицијата поднесува посебен извештај до Обвинителството во кој предлага кривично да се гони одредено лицето.

Битолската полиција лани летото поднесе кривичните пријави против 12 поранешни и сегашни директори и раководители во РЕК, осомничени дека во 2008 година потпишувале фактури со фирми изведувачи при ремонти за суми поголеми од договорените. Уште тогаш опозицијата јавно праша зошто меѓу осомничените не е и генералниот директор во тоа време, Зоран Коњановски, сега министер за одбрана

Изменето од Анастеа - 23.Март.2011 во 12:53

Внеси реплика	страница 12 >
Tweet