ЕКОЛОШКА СЛОБОДНА (МУАБЕТ) ТЕМА....

ПРИРОДАТА ЈА СПАСУВА ОД ЗАГАДУВАЊЕ..

А СЕМЕЈСТАВОТО ОД ГЛАДУВАЊЕ......

ЕКОЛОШКА МИСИЈА НА ЅВОНКО...

Не е срамота тоа што егзистенцијата за семејството ја обезбедувам собирајќи отпад, срамота е ако децата ми бидат гладни и без облека, вели прилепчанецот Ѕвонко Митрески

Откако му здодеало да работи како автомеханичар на вересија, прилепчанецот Ѕвонко Митрески одлучил да се зафати со работа со која природата ќе ја спасува од пластичен отпад, а семејството од гладување. Сега, вели, од ѓубрето обезбедува храна за себе, сопругата и за двете деца. Тој пред една година од Прилеп се преселил во куќата на своите предци во селото Старо Лагово, чиј двор сега е претворен во пункт за отпадна пластика, најлон, искршени пластични гајби...
- Тоа е лебот за мене, за мојата петгодишна Мартина, тригодишниот Виктор и за сопругата Делфина. Живееме од собраните шишиња од реките и од разни депонии, дури и од депонијата кај Алинци. Се откажав да бидам автомеханичар во див дуќан, од кој секојдневно ме гонеа инспектори во Прилеп, а за муштериите работев на „жими мајка“ дека ќе ми платат во некои „подобри времиња“ - вели Ѕвонко Митрески.
Тој признава дека работата не е лесна, уште помалу хигиенска, но со вложениот напор се вади за пристоен живот. Заработувачката, вели, не е мала, ниту преголема.
Неговата 22-годишна сопруга Делфина е помошник во бизнисот. Таа е задолжена за подготовката на шишињата за транспорт во фабриката во Велес, откако сопругот ќе ги донесе во дворот.
- Јас им ги вадам капачињата, оти тие се од друг вид пластика, која не треба да се меша. Шишињата ги одделувам по бои. На една страна проѕирните, на друга кафеавите, набашка зелените. На крајот им ги вадиме хартиените етикети за Ѕвонко да ги мине со автомобил за да се изгмечат поради намалување на волуменот и за пакување во големи вреќи. Пипава и гнасна работа, ама мора да се работи - вели Делфина.
Семејството Митрески има редовен откуп на суровината, а откупуваат пластика и од други муштерии.
- Од класичните пластични шишиња од литар и пол за килограм суровина се потребни 21 парче, а килограм се плаќа по седум денари. Некои прилепчани што разбрале за бизнисот доаѓаат и тргувам по малку колку што имам пари, зашто исплатата ми стигнува со мало задоцнување - вели Ѕвонко.
Младиот жител на Старо Лагово размислува како да пронајде мала рачна мобилна машина за сечење на пластиката на местото каде што ја пронаоѓа, за да го намали габаритот и полесно да ги донеси шишињата до дома.
- Ќе смислам некое машинче. Ќе се снајдам, ако не најдам соработка со некои еколошки друштва заеднички да бараме донатори за машина. Имам сознанија дека и локалната самоуправа во Прилеп ќе подготвува проект за собирање шишиња. Затоа очекувам да најдеме заеднички интерес со нив да ја чуваме загрозената околината и да обезбедуваме живот, не само за нас, туку и за повеќе невработени луѓе. Со тоа ќе го подигнеме и нивото на еколошката култура кај граѓаните. Сметам дека со кампања за одделување на пластичниот отпад од другиот уште од местото на создавање, во семејствата, ќарот ќе биде за сите поголем, а природата почиста - вели Ѕвонко Митрески.......БРАВО ЗА ЅВОНКО

Изметот на китовите може да и помогне на светската клима, тврдат австралиските научници објаснувајќи дека со порастот на популацијата на китови расте и површината богата со алги кои успешно апсорбираат CO2.

Научниците од организацијата Australian Antarctic Division заклучија дека изметот на китовите, кој претежно е составен од преработена количина на ракови со кои се хранат, е одлично ѓубриво за растот на морските растенија.

- Кога китовите консумираат ракови, кои се богати со железо, голем дел од оваа супстанца се екстрадира назад во водата и на тој начин повторно се започнува синџирот на исхрана, изјави Стив Никол.

Истражувањата покажуваат дека со зголемување на бројот на китовите расте и бројот на подморските растенија, а  со тоа се зголемува способноста на океанот да го апсорбира јаглерод диоксидот, одговорен за глобалното затоплување.

Железото е клучен елемент за размножувањето на алгите кои го користат јаглерод диоксидот додека растат, а јужните океани станаа навистина анемични. Една третина од светските океани има многу ниско количество на железо, покажа истражувањето на Antarctic Climate and Ecosystems Cooperative Research Centre.

Научниците додаваат дека китовите консумираат неколку тони ракови секој ден, а откриваат дека посебно ги изненадило количеството на железо во нивниот измет, кое е 10 милиони пати поголемо од концентрацијата во морињата околу Антартикот.

• 
• 
  
• Контрола над течението на вода – Не пуштајте ја водата беспотребно да тече кога не ви е потребна во моментот, на пример меѓу миење на нешто, запирајте ја. Постојат нови направи, поточно нови видови на славини со аератор со низок тек кој во течението на водата додава воздух, со што се заштедува на вода, а воедно не влијае врз притисокот на истата.
• Вашата машина за миење на садови – Можеби ќе ве изненади тоа што кога ја користите машината за миење садови, се троши помалку вода отколку кога тоа го правите рачно. Пуштајте ја машината да ги мие садовите само тогаш кога е целосно полна. Наместо да го употребите греачкиот систем за сушење на садовите, изнесете ги влажни надвор и оставете да се исушат по природен пат.
• Сменете го детергентот за садови – Постојат голем број на продукти кои се денес достапни, кои се еколошки пријатни и не ја загадуваат животната средина. Вообичаените детергенти содржат фосфати кои го создаваат својот пат во водните патишта на вашата средина и предизвикуваат растење на алги, кои се директна закана за дивиот свет. Многубројни детергенти ќе пропуштат и количества на хлор.
• Научете да создавате ѓубриво – Ако не живеете во град, тогаш можете да научите од отпадокот (се разбира од природно потекло) да правите ѓубриво за вашата градина. Отпадок како лушпи од јајца, банани или сл., кога правилно се ракува со нив, се добива нутрицистичко ѓубриво за вашата земја.

• Поголемо не значи подобро – Малите апарати штедат многу повеќе енергија од големите. Ако готвите мали порции храна или затоплувате остатоци, користете тостер или микробранова. Ако имате потреба да зовриете вода, обидете се со употреба на електричен котел кој употребува многу помалку енергија отколку шпоретот.....