"Здравстената дејност" на Фондот за здравство

Лекарите во Македонија немаат доволно познавање за болеста Цистична фиброза, одредени симптоми ги препишуваат на друга болест.

Поради тоа дијагностиката во земјава не е на завидно ниво, беше константирано на првата Балканска конференција за Цистична фиброза.

Академик Ефремов смета дека најточна дијагноза за болеста може да се добие во МАНУ, каде до 2007 година овие пациенти не плаќале за испитувањето, но поради немање дозвола за изведување на здравствена дејност Фондот за здравство го раскинал договорот со оваа институција, и оттогаш пациентите за дијагностика на Цистична фиброза плаќаа по 18.000 денари.

Министерот Османи најави повторно воспоставување на договор со МАНУ, за користење на нивната лабораторија.

Во земјава околу има околу 100 млади луѓе кои боледуваат од Цистична фиброза. Болеста најчесто е наследна и се манифестира со постојана кашлица, чести инфекции на белите дробови, проблеми со воспоставување на нормален раст и телесна тежина, цироза на црниот дроб. Лекарите велат дека не се манифестира со физички и психички деформитети.

-------------------------------------------------------------------------------------------

Нешто што го привлекува вниманието е ова   поради немање дозвола за изведување на здравствена дејност Фондот за здравство го раскинал договорот со оваа институција.

Значи место да се издаде дозвола за изведување здравствена дејност и да се помогне на пациентите, некој го ’решил проблемот’ по кратка постапка, односно ја ’срушил дивоградбата’ и со тоа оштетил многумина кои ја имале потребата од дијагностицирање на одредена болест која не може да се дијагностицира на друго место.

Еден убав момент од ова конференција  е решителната изјава на Министерот Османи кој најави повторно воспоставување на договор со МАНУ, за користење на нивната лабораторија.

Останува отворено прашањето, за што плаќаме данок, на кого треба да му служи фондот за здравство?

Темава ја ставам тука, а не во здравство од една единствена причина дека очигледно политичарите-министрите со својот ангажман можат многу да ја подобрат  "Здравстената дејност" на Фондот за здравство. И некогаш навистина се прашуваме, за кого постои Фондот за здравство?