Зависност од интернет

   Современите психијатри предлагаат интернет зависноста да се вброи меѓу менталните болести, затоа што предизвикува компулзивно-импулзивно пореметување.
Четири основни карактеристики на болеста се:
-претерано користење на компјутер т.е. интернет, што се поврзува со губење осет за време или занемарување на основните потреби (за спиење, храна, тоалет...)
-“кризирање“ т.е. чувство на гнев, напнатост или депресија кога компјутерот (или интернетот) е недостапен
-постојана потреба за што подобра “машина“, понапреден софтвер или потреба што повеќе време да се поминува пред компјутер
-разни видови негативни последици - кавгаџиство, лажење, лоши резултати на работа или во училиште, недруштвеност, умор...

Во една студија на британски “Observer" беше објавено дека властите во Јужна Кореја ја класифицираат зависноста од интернет како проблем број 1 за здравјето на луѓето во земјата. Околу 210.000 деца во Ј. Кореја патат од ова пореметување: кај 80% од нив потребно е примена и на терапија со лекови, а на една четвртина дури и болничко лечење.

Психијатрите објаснуваат дека се работи за еден вид врска која корисникот ја ствара со својот компјутер. Емоциите кои би можеле да се искусат во стварниот свет, се трошат на компјутерот на различни начини: праќање е-меилови, играње онлајн игри, муабетење со пријатели, гледање порнографија... Доколку од таквите корисници се побара да ја прекинат “врската“, се чувствуваат како да изгубиле најдобар пријател. Реакциите варираат од длабока депресија до неконтролирани изјави на гнев.

Како да се победи зависноста? Психијатрите советуваат формирање групи за самопомош и замена на групите на онлајн пријатели, со група на стварни пријатели, од крв и месо.

Ако на повеќе од 5 прашања од следниот тест одговорите со „да„ би требало да се загрижите:

1.Дали сметате дека сте преокупирани со интернет? (размислете за тоа што се извршувате преку интернет или што следно ќе направите кога ќе се конектирате?)
2.Дали ви е потребно да поминувате се’ повеќе време на интернет за да се чувствувате задоволни?
3.Дали во повеќе наврати безуспешно сте се обиделе себеси да си го ограничите времето поминато на интернет или дури и да престанете да го користите?
4.Дали сте вознемиреми, депресивни или раздразливи кога се обидувате да се воздржите од користење интернет?
5.Дали, по правило, се задржувате на интернет подолго отколку што сте имале намера кога сте седнале пред компјутерот?
6.Дали некогаш сте се довеле себеси во опасност да поради претерано користење на интернет изгубите сакана личност, пријател, работа, прилика за напредување во кариерата?
7.Дали некогаш сте излажале член од семејството, терапевт или било кој друг, кога ви било поставено прашањето: колку време поминувате на интернет?
8.Дали интернетот го користите кога сакате да побегнете од некои проблеми (на пример, чувство на беспомошност, вина, анксиозност, депресија)?

Па...?
Какви се вашите размислувања за оваа модерна болест и дали се вбројувате во интернет-зависници, сте зависни ама сооооосем малку или успевате да му дадете  “корпа“ на интернетот, без никакви последици по вас и пошироката околина?

Внеси реплика	страница 12 >
Tweet