Војна на медиумите или Зинго VS Велија!

Деновиве сме сведоци на жестока медиумска војна помеѓу двете најголеми национални медиумски куќи А1 и Сител и дневните весници Време и Шпиц VS Вечер која е зачинета со разни пикантерии кои искрено речено и на сите нас ни се горе-доле познати, но никогаш вака гласно не се проговори за сите афери и матни игри кои се поврзуваат со газдите на овие медиуми. 
Почнаа да се вадат прљавите алишта и политичк0-медиумски  пикантерии..."филантропот" Велија против кметот Зинго.
Што всушност е позадината на оваа војна и што беше тоа што ги натера овие транзициски нуспојави да се закрват до толку, кои патем и партиципираат и се полтрончиња на власта.
Дали на повидок е поголем скандал од овие скандалозни обвинувања и дали на нив ке се реагира адекватно од разноразните владини комисии и адекватната институција неговото величество Шврговски?

Ке ве молам за ваше мислење...

... site znaat kako treba , ama nikoj nishto ne prezema...
Билјана Петковска, директорка на Македонскиот институт за медиуми, вели дека оваа ситуација само потврдува колку длабоко е навлезена политиката во работата на медиумите.

„Станува збор за злоупотреба на медиумите, за остварување конкретни политички цели и со таквото однесување се нанесува штета врз угледот на новинарската професија и на функцијата на средствата за јавно информирање. Прашање е колку од објавеното е во интерес на јавноста и е примерна комуникација со јавноста што е правило во новинарството“, вели Петковска. Таа предлага формирање независно тело на медиумска саморегулација која би реагирала во ситуации кога се прекршуваат правилата и стандардите на професионалното однесување.

„Во една културна и цивилизациска смисла ова личи на медиумска праисторија, во која има постојана негативна константа. Во овој случај ни се продаваат вести кои се далеку од слободата на изразување и професионалност и објективност. Ова е типична плукачка активност со меѓусебни навреди, клевети и пристрасно новинарство, а нема ништо од професионализмот“, смета комуникологот Климе Бабунски.

И Петковска и Бабунски сметаат дека во ниту еден случај Советот за радиодифузија не смее да стои настрана и на ова молкум да гледа, бидејќи во тој случај медиумската сцена ќе го загуби и кормиларот и компасот.
...Sovetot za radiodifuzija...smeshki vo boja. Koj bre moze da im zeme koncesii? Koj moze da gi trgne od novinarskata fela novinarite koi kotiraat visoko tokmu zaradi povrzanost so odredeni politicari i odredeni tajkuni...

borbata ke e dolga ...ama nie ke pobedime...a tie neka praat so sakaat ...i taka nema humoristicki program po tv

a cumu?

Во војната меѓу Велија и Зинго се приклучи и експерот Сабина  која даде стручен коментар во кој застана на страна на кметот затоашто магационерот имотот го спечалил со харам за разлика од овој другиот кој го спечалил со халал.

... vojna li e... ne e li...na videlina izlegoa bajagi raboti... Ke cekame razvrska... eve shto velat zemjodelcite za Vreme....
Како да бидеме регистрирани земјоделци, кога сме во карпи и во камења, кога нема земја. Земјиштето е кај Ѕинго, со илјадници хектари. Ние бараме да ни се даде земја и нам. Нека се поделат барем 100 хектари, нека има 100 семејства од нешто да живеат. Ние бевме регистрирани земјоделци ама се откажавме бидејќи нема земја “ рекоа повеќемина земјоделци од Кратово. Еден од присутните нагласи дека ваквата состојба го довела дури и до казна од државата. - Се надевав дека ќе имам шанси да дојдам до некое парче земја. Јас имам механизација и се регистрирав како земјоделец. Но, кога до земја не дојдов, престанав да ги плаќам давачките како регистриран земјоделец и сега дури 3 години сум казнет да не можам да се пријавам во Завод за вработување поради што останав без никаква здравствена заштита “ раскажува кратовчанецот. Кратовско како изразито ридско-планинско место има многу малку рамници. Оние неколку најплодни полиња, кои се покрај река, се во рацете на „Земсил“, фирма-ќерка на „Силекс“, во која доминантен сопственик е социјалистот Љубисав Иванов- Ѕинго. Во книгата отпечатена за профилот на општина Кратово, зад која стојат советот, градоначалникот и тим за локален економски развој, јасно стои дека „Силекс“ има 1.000 хектари земја. Во одбрана, Министерството за земјоделство тврди дека фирмата на Ѕинго има само 700 хектари, но на дополнителните прашања, кои и официјално ги поставивме во согласност со Законот за пристап до јавни информации, се уште за јавноста нема одговори за тоа колку вкупно земја, пасишта и шуми има „Силекс“. На официјалниот веб-сајт на „Силекс“ се уште стои информацијата дека оваа фирма има 25.000 хектари плодно и обработливо земјиште под житни култури, градинарски култури, овошни и со лозови насади.

...retko dobar komentar... srocena tragicna vistina na nashata momentalna mediumska i politicka realnost...
Јавноста во челуста на медиумски ајкули

До скоро мислев дека ние Македонците сме народ што најмногу се јаде меѓу себе, меѓутоа имав можност да научам дека науката открила оти ајкулите почнуваат да се јадат уште во утробата на мајката, рече еднаш еден пратеник во Собранието, веројатно, не претпоставувајќи дека наскоро ќе биде една од двете медиумски ајкули што ќе почнат валкана битка кој кого да изеде во утробата на јавноста. Двете ајкули се ендемски примероци - едната исплива од водите крај последниот феудален остров во балканскиот океан од глупости, другата - бизнисмен, а во слободно време и експерт за буџет, земјоделство, урбанизам, минимаркети, автопазари, Мисирков, замрзнати американски батаци, автопазари и од неодамна за Блаже Конески.

Притоа, исфрлаат отрови од кои се труе и се „замајава“ целата јавност, а сето тоа минува без да реагира никој во државата. Кои ајкули го можат тоа, дами и господо? Наравно, Ѕинго и Велија.Овие двајца деновиве ја имаат улогата на религијата во марксистичката теорија. Тие се опиум за народот. Зошто народот да се занимава со своите вистински проблеми, кога може да ја гледа гатачката Сабина како му ги колне парите на Велија до осмо колено или да гледа по три прилози дневно како Кратовци не можев земју да си копат од тај мангуп Ѕинго? Зошто публиката да се занимава со маргинални теми како економската криза, закочените евроинтегративни процеси или проблематичните демократски тенденции, кога може да се соживува со новинарката на „А1“ која пожртвувано секој ден изиграва легнат полицаец пред пајак-службата и пред „градежната машинерија на Трифун“?

Зошто да се малтретира со пратениците што живеат во егзил, а земаат државна плата, кога може гледачот да се јадосува што не е кратовец, па не може да ја потпише петицијата против изборот на Велија за почесен граѓанин на Кратово? Конечно, зошто професионално новинарство, кога може да се водат хајки против секој што не ги разбира бројките на Велија што ги рецитира качен на некоја гајба пред локалната кооперација (пред која само што не никнал и споменик на Крсте Петков Мисирков) и против секој што ќе се дрзне да чепне во вилаетите на Бојо и на Ѕинго?

А во меѓувреме, додека народот се „забавља“, Велија продолжува да не плаќа даноци, печатници и новинари, а Ѕинго и понатаму си господари со пашалакот Кратово, каде што се дозволи бончето да биде паралелна валута на денарот, и каде што ќе ви ја исклучат водата и со платена сметка ако сте у немилост куде газду.

Нивната кловновска битка е циркус што би го посакала секоја власт. Зашто правејќи еден од друг дворски шутови, го одржуваат и спокојот во дворот. Дали и до кога јавноста ќе ја трпи оваа комбинатско-кванташка тортура ќе покаже времето. За среќа, граѓаните поседуваат нешто што ниту Велија ниту Ѕинго може да им го одземат - далечински управувач, и имаат право да го променат каналот. Барем додека оваа постапка не стане казнива со закон. Кога медиумските тајфуни, пардон тајкуни, ќе се судрат со вашиот далечински управувач, веројатно, ќе сфатат дека јавноста, за среќа, не е ниту кесичка со смоки произведена за маркетите на Хеди, ниту стока за размена со бончињата од Силекс.

Таа е нешто многу повредно од битката за пари, медиумска моќ и редно бројче за влез во пештерата наречена дебело црево на власта каде што од сталактитите капе земјоделското денарче, а од сталагмитите растат стипендии за приватни универзитети.А ние, чекајќи медиумските магнати да престанат да бидат магнети за лепешки, ќе прашаме дали комбито на „А1“ и тракторите на „Сител“ треба да се паркираат пред Јавното обвинителството, за јавниот обвинител Љупчо Шврговски да се сети дека валканите алишта што си ги извадија завојуваните ајкули, освен евтина занимација за публиката, треба да бидат и сериозна занимација за него.

Сашо Кокаланов- Dnevnik