Конечно чиста влада

   Груевски нема да коалицира со партија со нелегитимни мандати

Гоце Михајлоски      Коментари (0)   

13.06.2008 16:49

Никола Груевски

ВМРО-ДПМНЕ нема да коалицира со партија која освоила нелегитимни мандати, макар и да нема албански партнер во идната Влада, се закани денеска премиерот Груевски.

Доколку активистите на ДПА и ДУИ и нивните ментори се обидат на прегласувањето во недела да го повторат сценариото од 1 јуни, рече Груевски, државните органи ќе реагираат најенергично.

„Доколку сепак некој се уште верува дека може повторно на ист начин да добие гласови, сакам уште еднаш да потенцирам дека не само што ќе се прегласува на тие места повторно и пак нема да го постигнат посакуваниот ефект со тоа, туку навистина не би сакал да сум во кожата на тие луѓе што ќе се осудат да го прават тоа“, изјави Никола Груевски, премиер.

Целиот состав на полицијата ќе биде во приправност, информираше министерката Јанкуловска.

На сите избирачки места ќе има голем број на униформирани полицајци, а на патиштата што водат до нив контролни пунктови со специјалци. За првпат ќе бидат ангажирани и хеликоптери.

Гордана Јанкуловска

„Овојпат одиме и со ангажирање на припадници на полицијата од одделот за криминалистичка техника, кои со помош на видео-опрема ќе вршат дополнителен надзор на ризичните места и ќе се овозможи на тој начин да имаме дополнителни докази, кои доколку се јави потреба, ќе бидат презентирани пред надлежните институции“, рече Гордана Јанкуловска, министер за внатрешни работи.

Освен Јанкуловска и Груевски, сите останатите функционери од ВМРО-ДПМНЕ в недела ќе бидат распоредени како набљудувачи на гласачките места.

Милошоски ќе биде во Зајас, Ставрески и Јанакиески во Желино, Славески во Тетово.

Директорот на Управата за заштита на културното наследство, Паско Кузман, пак, ќе го набљудува изборниот процес во Боговиње.

Внеси реплика	страница 12 >
Tweet