МИТИНГ за ИМЕТО Македонско!!!

Под мотото „Македонија, македонски, Македонци“ вечерва на плоштадот „Пела“ во Скопје се одржа мирен собир против промената на уставното име на Република Македонија и за заштита на македонскиот национален и културен идентитет.

Протестот почна со интонирање на македонската државна химна. Пред насобраните граѓани се обратија студенти - членови на „Младите знаат“, кои заедно со група интелектуалци беа организатори на собирот.

- Никој не смее да се дрзне да го предаде овој народ, оваа земја, името Македонија. Оваа земја се викала, се вика и ќе се вика Македонија. Оваа генерација нема право да се откажува од вековното име Македонија, беа главните пораки од протестот на плоштадот „Пела“.

На учесниците на собирот им се обратија актерот Тони Михајловски и музичките ѕвезди Тамара Тодевска и Ламбе Алабакоски.

Протестот мина во мирна атмосфера, без никакви инциденти. Поголемиот дел од учесниците носеа македонски државни знамиња и транспаренти за зачувување на уставното име.

Причина за собирот, како што велат организаторите се „досегашните поразителни резултати од преговорите со Метју Нимиц“. Според нив, нема ништо порадикално од обидот за преговарање за промена на идентитетот на една нација.

Тие се  оградија од какви било провокации и евентуални уфрлени провокатори кои би сакале да го сменат карактерот на собирот. Посочија дека одговорноста за можни инциденти ќе ја понесат политичарите кои го иницирале прашањето и го наметнале проблемот.

Министерството за внатрешни работи ги презеде сите потребни мерки. Засилно полициско обезбедување имаше пред Канцеларијата за врски на Грција во Скопје. Како превентива забрането беше одвивањето на сообраќајот на улицата пред Канцеларијата.

Апел за одржување мирен и достоинствен протест, без насилства и инциденти упатија Македонската православна црква и политичките партии.

Сличен собир во организација на „Младите знаат“ беше одржан и минатата недела во Скопје. Сенка на мирниот протест на плоштадот „Македонија“ тогаш фрлија дел од учесниците кои предизвикаа инциденти пред  грчката амбасада во Скопје.

Полицијата спречи млади луѓе во намера да протестираат пред грчката амбасада

Група млади луѓе по завршувањето на собирот на плоштадот „Пела“ се упатиле кон грчката Канцеларија за врски во Скопје.

Откако биле спречени во намерата  од полицијата заминале кон пазарчето „Буњаковец“ на улица „Партизански одреди“, каде што предизвикале инцидент. Како што јави Т.В. „Сител“ повреден бил фоторепортер на весникот „Вечер“. Запалени биле и неколку контејнери.

Протестот под мотото „Македонија, македонски, Македонци“ што се одржа вечерва на плоштадот „Пела“ во Скопје мина во мирна атмосфера и без инциденти .

BRAVO DECHKI!!!!!!    ZNACHI MU ODOLEAVTE NA DUSHMANOT!!!!

A znae li nekoj kolkava beshe brojnosta (vo priblizna brojka)????