Како да му кажете дека сте бремена?

“Јас сум бремена” тое е една клучна фраза во животот на секоја жена, заедно со  “ДА” и уште неколку, кои па и не се толку важни како овие две.

Како што мажите внимателно бираат како ќе ви предложат брак така и вие внимателно треба да изберете како на најнезаборавен начин да му ја кажете најубавата вест.

Ви предлагам испитани и сосема реални начини да му кажете дека ќе си имате бебе:

Ако наскоро има роденден, почекајте и направете му подарок - тест за бременост со позитивен резултат, спакуван во многу хартии и во голема кутија.

Можете да го ставите тестот под пазуви како топломер и да го замолите да види дали имате температура.

Можете да го изненадите со торта на која горе ќе има нацртано штрк - само внимавајте да не е денот на пролетта - може да ја згреши симболиката на штркот.

Ако е први април кажете му “во декември нема да имаме бебе”.

А ако пак на први април разберете дека сте бремена со близнаци кажете му “ние ќе си имаме едно бебенце”.

Ако наближува Божиќ наместо чорапи, под елката ставете детски чевличиња.

Ако сакате да му направите изненадување - тип сувенир тогаш ставете ја првата екографска слика во рамка и закачете ја на зидот.

Ако сте решиле да купувате автомобил кажете му дека ќе ви треба некој со поголем багажен простор и нафрлете дека може да го служите за бебешка количка на пример.

Ако не се гледате многу често дома, можете да му ставите слика на штрк во фрижидерот - таму сигурно ќе ја види.

Ако сакате на изненадувањето да му дадете доза еротика направете му стриптиз на некоја детска песничка.

А ако пак не сте сигурни во неговата реакција тогаш прво кажете му на постарото дете. Така ќе имате соучесник и веста ќе биде полесно прифатена и првичниот шок ќе помине кога ќе дојде време вие да му го кажете тоа сериозно.

Ако сакате по нешто кое никогаш нема да го заборави ниту тој ниту пак јавноста, пријавете се во “Све за љубав” и наместо да се појавите вие, покажете му ја првата ехографска снимка.

Ако сакате на колегите да му ја кажете веста на еден не традиционаолен начин кажете им дека сте си нашле нова работа со работно време 24 часа на ден, 7 дена во неделата и без право на одмор.

И еден многу важен совет. Пред да и кажете на баба ви, бидете сигурни дека го има испиено апчето за притисок.

А како да и кажете на мајка ви - едноставно нема смисла да и кажувате - таа веќе знае.