Зеленчуци без кои не смеете

ЗЕЛЕНЧУЦИ БЕЗ КОИ НЕ СМЕЕТЕ

Во лето не изобилуваат само вкусни овошја, туку и разновидни зеленчуци кои се помалку или повеќе заборавени. Еве по неколку збора и за нив...

"Тања Турунџиева - специјалист, нутоционист"

Идеална замена за спанаќот

Блитвата е зеленчук кој идеално може да го замени спанаќот. Богата со балансирани супстанции кои се најдобри сојузници на нашата цревна слузница и цревна флора. Тие целулозни влакна ги врзуваат за себе водата, маснотиите и отровите, го забрзуваат преминот на храната низ цревата, а со тоа ја регулираат столицата и го елиминираат затворот.
Блитвата изобилува со висока концентрација на калиум, железо, магнезиум и витамин Ц. Постои и лековито дејство на блитвата. Имено, таа ги оживува мозокот и нервите, а со тоа делува како витализатор. Дејствува и при нервоза, ја подобрува концентрацијата, го елиминира заморот, делува на елиминирање на отровите од цревата, го јакнее имунолошкиот систем, срцето и мускулите, ја штити лимфата во целиот човечки систем, ги јакнее забите и коските, го поттикнува создавањето на црвените крвни зрнца, ја решава анемијата и помага во хормоналниот баланс.
No, мора да се напомене и дека блитвата содржи оксална киселина (оксалати) која го врзува калциумот во цревата. На тој начин го спречува биолошкото искористување на калциумот, кој пак е важен за коските. Оние со проблеми како камен и песок во жолчката, не треба да конзумираат блитва.

Лековита брокула

Брокулата кај нас не се одгледува во големи количини, но сепак е еден од најздравите зеленчуци. Во последно време има третман на „ин“ зеленчук. Таа изобилува со магнезимум - потребан за работата на мускулите, срцето, нервите, како и за произведување на хормони. Високото количество на балансирани супстанции во брокулата придонесуваат да се отстрани тромоста на цревата, ги јакнее цревните ресички и слузницата на цревата, со што се спречува појавувањето на цревни болести, вклучувајќи го и канцерот.
Нејзиното лековито дејство е од широк спектар. Најпрвин, го јакне имунолошкиот систем, спречува инфекции, помага при затвор (опстипација), помага при несоница, немир, депресија, го јакне срцето и крвотокот, а кај жените ги ублажува и менструалните тегоби. Брокулата може да се конзумира и во свежа форма.

Антибактериски целер

Целерот како зеленчук по малку е заборавен на нашата трпеза. Во себе содржи големи количини на етерични масла, заради што го има тој пикантен и специфичен вкус. Етеричните масла од целерот имаат долготрајно антибактериско и антимикротично дејство и ги уништуваат габичните инфекции). Лечи и смалува натеченост во организмот, како и проливи и затвори. Целерот делува и при воспаление на мочните канали и при бубрежни исуфициенции. Во целерот ги има пакетот Б12 и сите Б витамини урамнотежена концентрација и е како створен за сите кои имаат недостаток од Б витамини. Ги содржи и Б2 и Б6 кои се од суштинско значење за организмот. Има уште и дезинфекциско дејство и ги отстранува отворите од слузницата во усната шуплина и грлото, делува антибактериски, диуретски, смирува кашлица, помага при настинка, ги јакнее нервите, срцето мозокот. Целерот е извор на важни хранливи состојки за здрава кожа, коса, црн дроб и очи.

Енергетска бомба

Црвената зелка во нашите краеви има долга традиција, а сега е време токму за неа. Таа изобилува со селен кој има широко терапевтско дејство. Имено, идеално го регулира зголемениот крвен притисок, создава антитела при вродените генетски недостатоци, неутрализира отрови од тешки метали, делува превентивно против неплодноста кај мажите (на тој начин што селенот ја поттикнува активноста на спремата). Селенот ја штити градната жлезда, која е основа за нашата младост и добар имунитет.
Но, во црвената зелка нема само селен. Изобилува и со нијацин (Б3 витамин), фолна киселина и цинк.
Благодетите на црвената зелка се огромни: го јакне имунолошкиот систем, го намалува притисокот, помага при затвор и ја регулира столицата, ги отстранува отровите од цревата, го елиминира вишокот вода од организмот и помага при слабеење. Понатаму, ја обновува цревната флора, го зголемува либидото и потенцијата, поттикнува создавање на сперма.
Со енергијата која црвената зелка ја дава, таа ве подмладува, го ревитализира мозокот и го подобрува расположението. Со еден збор – црвената зелка е вистинска енергетска бомба!

Тоа е неколкуте зеленчуци кои можеби ќе бидат позастапени на Вашата трпеза сега откако прочитавте што се можат тие да направат за Вас. Уживајте во секој момент со свеж зеленчук и во вкусната здрава храна.