Hуклеарна централа во Турција

Турскиот претседател Абдула Ѓул го потпиша законот за изградба на нуклеарна централа во Турција, пренесе турската телевизија НТВ.

Законот беше ратификуван по десетдневно разгледување на текстот, по што сега ќе почне процесот на објавување на тендерот за изградба на нуклеарката.

Турската Влада ја почна работата врз законот во 2006 година. Законот предвидува во следните три и пол години да биде создаден пробен реактор со моќност од 100 мегавати, а во 2012 година тој да биде вклучен во експлоатација во нуклеарна електрична централа во округот Синоп на Црно Море.

Според проектот, се предвидува до 2015 година да бидат изградени најмалку три нуклеарки со вкупен капацитет од 5.000 мегавати.

Законот за изградба на нуклеарна електроцентрала во Турција, турското Собрание донесе и претходно, но проектот беше вратен на повторно разгледување откако поранешниот турски претседател Ахмет Неџат Сезар стави вето врз него.   МИА