Како разводот делува на децата?

Разводот неколкупати по ред беше на дневен ред. Секогаш завршувавте со заклучокот дека најдобро е за сите да се разделите. Децата беа најголемиот водич во одлуката. Всушност тоа го правите за нив. Не сакате веќе да ги будите средe ноќ со своите кавги, а уште помалку сакате да пораснат во огорчени суштества што не веруваат во љубов.

ЗАЕДНО СМЕ ПОСИЛИНИ...

Направете една вежба пред да ги викнете децата на разговор. Обидете се да го визуализирате моментот. Нема да штети и да имате подготвено реченици што ќе ги кажете и како ќе се однесувате со сопругот. Но, никако не правете го тоа сами. Децата многу полесно ќе ја прифатат вистината ако ја слушнат од двајцата. Прегрнете ги и потсетете ги дека сè ќе биде исто само што ќе се гледате во различни куќи.

ФАКТ Е: Ваквиот настап дефинитивно ќе има поблаг ефект за разлика од тоа да им кажете сама или уште полошо да го обвините сопругот дека тој е виновен за сè. Без разлика што разделбата беше гадна, заборавате на својата гордост и мислете на децата.

ДЕЦАТА ИМААТ ПРАВО ДА ЗНААТ...

Многу родители се разведуваат и не даваат никакво објаснување за своите постапки под изговорот дека децата се мали и нема да разберат. Можеби не разбираат, но и тоа како чувствуваат. Секое дете има право да чуе одговор на прашањето: „Каде замина тато"?

Најдете соодветни реченици што ќе одговараат на нивната возраст и обидете се да им објасните зошто отсега ќе живеат посебно и кога и каде ќе може да се дружат со нивниот татко. Не заборавајте да им кажете дека вие и понатаму исто ги сакате и дека тие немаат никаква вина за тоа што се случило.

ЗАБРЕНЕТО ВИ Е ДА:

ДА СЕ КАРАТЕ...викање еден на друг, меѓусебни обвинувања, тоа е слика што целиот живот ќе ја паметат за вас. Во иднина нека зборуваат: „Моите не се поднесуваа, но се разделија како луѓе и до ден-денес се почитуваат".

ДА ИМ ДАДЕТЕ НАДЕЖ...бидете отсечни во зборувањето, не заобиколувајте бидејќи така нема да им помогнете. Само ќе ги натерате да си помислат дека сè уште има шанси да ве видат заедно.

ДА ИМ ДАДЕТЕ ПОГРЕШНА ПРЕТСТАВА...да расчистиме, и најмирниот развод не е добар. Мора да бидете внимателни што им сервирате на децата, особено додека се мали. Не смеат да добијат претстава дека разводот е нешто добро и дека во животот може да се откажат од бракот без борба.

.....Unique....