НАЈГОЛЕМИ ПРЕДАВНИЦИ

Поубаво на име и презиме да се задржиме

Кандидатот за кмет на Благоевград го врати македонскиот пасош

Зад кандидатурата на Кирил Пендев за кмет на Благоевград застана Љупчо Георгиевски. Пендев е познат во Македонија – 11 години беше директор на Балканска банка во Скопје (сегашна УНИ банка). Првото вработување на актуелниот премиер Никола Груевски беше токму во Балканска банка, а оттогаш датира и нивното пријателство

Бугарските закони не дозволуваат двојно државјанство, па Кирил Пендев се откажа од македонскиот пасош

Гордана Дувњак

Поранешниот генерален директор на Балканска банка во Скопје Кирил Пендев цели седум години бил македонски државјанин, а пред неполни два месеца самиот побарал да го врати нашиот пасош и да се откаже од правото да биде Македонец. Главната причина за тоа е неговата кандидатура за градоначалник на Благоевград и бугарските прописи, кои не дозволуваат двојно државјанство за идните функционери.

Кирил Пендев е познатa личност во македонските банкарски кругови, а неговото име од неодамна почна интензивно да се споменува откако се дозна дека зад неговата кандидатура отворено застанале поранешниот македонски лидер Љупчо Георгиевски и неговата сопруга Снежана и ексградоначалникот на Струмица Кирил Јанев.

Брачната двојка Георгиевски, која пред две години доби бугарско државјанство, е дел од 207-члениот Иницијативен одбор на поддржувачи на независната кандидатура на нивниот личен пријател, која е објавена на 2 август. Целиот список со имиња неодамна беше објавен во бугарските пишани медиуми, каде што Љупчо и Снежана се заведени под број 144 и 188, а во графата професија им стои политичар и литератка.

Кирил Пендев ужива голема поддршка и од актуелниот софиски градоначалник Бојко Борисов, како и од неговата се' повлијателна партија ГЕРБ. При неодамнешната еднодневна посета на Скопје, Борисов на средбата со Груевски дојде придружуван од Пендев. Неофицијалните информации говорат дека, наводно, на средбата одржана на 30 јули оваа година била побарана и мала услуга од премиерот Груевски: да посредува во забрзувањето на добивањето отпус од македонското државјанство за Пендев.

Ваквата информација ја демантираат од македонското МВР со тврдење дека немало потреба од никаква интервенција, бидејќи постапката за Пендев била завршена во предвидениот рок. Бугарските медиуми и дел од македонските официјално објавија дека повод за средбата било влегувањето на ГЕРБ во Унијата на европски народни партии, како и помошта која оваа политичка сила сака да и' ја даде на ВМРО-ДПМНЕ.

Интересен момент е и тоа што зад кандидатурата на Пендев застана и бугарскиот историчар Божидар Димитров, актуелен директор на бугарскиот Национален историски музеј, познат по антимакедонските ставови. Тој е познат како еден од најжестоките негатори на македонската нација, кој своевремено цинично изјавуваше: „Ќе му дадам пари на секој што ќе ми донесе доказ за постоење на македонската нација“. Димитров е главен советник по историја и на бугарскиот претседател Георги Прванов.

Педесет и четиригодишниот магистер по финансии Кирил Пендев 11 години беше директор на Балканска банка во Скопје (сегашна Уни банка), а сега работи како експерт во инвестицискиот фонд „Елана“. Првото вработување на актуелниот премиер Никола Груевски беше токму во Балканска банка, а оттогаш датира и нивното пријателство. Бугарскиот ексбанкар во Македонија има сопствен стан од 127 квадратни метри во Скопје на улица „Водњанска“ број 60/1 - 2, како и сто декари лозови насади во Неготино, од кои произведува и сопствена марка вино „весела марија“.

Фактот што пред самиот почеток на изборната трка Пендев имал и македонско државјанство предизвика вистинска медиумска бура во бугарската јавност, која излезе со наслови како оној во софиски „Труд“ од 4 август, кој пишува: „Македонски политичар прави избори кај нас“. Весникот „Струма“, пак, во прилично остриот текст околу кандидатурата на Пендев забележува: „Ќе избираме ли кмет на Благоевград или, пак, на Скопје“. Коментаторот јавно прашува во текстот: „Дали зад појавата на современите Македонци во Бугарија не се крие поддршката на Скопје“.

Потенцијалниот кмет на Благоевград своевремено се правдаше во бугарските весници дека бил принуден да земе македонско државјанство, најмногу поради притисок од Народна банка. „Немаше начин да го избегнам добивањето македонски пасош, бидејќи, според тамошните закони, шеф на банкарска институција мора да има државјанство“, изјави за истиот весник во изданието од 18 август.

Во интервју, објавено на цела страница во весникот „Струма“ од 7 август, самиот ги открива своите македонски корени, наведувајќи дека по мајчина линија е од село Владимирово, Беровско. Како што е познато, од истото село потекнува и Снежана Георгиевска. Пендев уште признава дека не случајно избрал да ја промовира својата кандидатура на 2 август, наводно, затоа што неговиот прадедо и самиот бил учесник во Илинденското востание.

Според официјалните информации од МВР, Пендев поднел барање за стекнување македонско државјанство на 23 март 1999 година. Постапката целосно била спроведена во согласност со член 11 од Законот за државјанство („Службен весник“ - 67/ 97), кој предвидува странец што наполнил 18 години да може да стекне македонско државјанство доколку тоа претставува посебен, економски, културен и национален интерес, а посебно за сите Македонци по потекло што живеат надвор од границите на Македонија.

По претходно прибавените мислења, МВР на 27 март 2000 година му издало решение за упис во државјанство, кое Пендев го подигнал на 4 април истата година. На 27 јули оваа година Пендев повторно поднесува барање од МВР, но овој пат за отпус од македонското државјанство. На 16 август веќе му престанало важењето на македонското државјанство. Овие факти ги демантираат тврдењата на Пендев, кој изјавуваше дека отпишување од македонско државјанство побарал уште пред шест месеци, а не непосредно пред почнувањето на кандидациониот процес за локалните избори закажани за 3 октомври.

Во МВР тврдат дека редовната процедура за отпус од македонско државјанство трае најмногу два месеца доколку нема потреба од доставување дополнителни документи.

„Во конкретниот случај за барателот Пендев немало потреба од никаква интервенција отстрана, затоа што постапката е завршена во предвидениот рок“, потенцира Иво Котевски, помошник на министерот за односи со јавност во МВР. Тој вели дека решението на Пендев му е врачено лично, без да прецизира дали документот му е доставен или тој самиот го подигнал од МВР.

двоен предавник

Най големите предатели в Македония са онези дето продадоха Македония на Титова Югославия. Сърбоманщината е доста силна в Македония , но както знаете ВМРО БНД няма да остави нещата така. Не всички в Македония са забравили българският си корен.

Мисирков що не сте го нема тука описан?

въх недумай

http://www.kroraina.com/knigi/bugarash/misirkov/misirkov22.jpg

Азъ незная, съ какво право
ние можем да искаме църковна
и училищна автономия за Маке-
дония и за другите поробени
български покрайнини ако бъл-
гарското училище игнорира рели-
гиозното възпитание

от К. МисирковЪ


азъ - jас
искаме - сакаме
игнорира - негира

Boogie напиша: (...) На потфрлањето дека само со една српско-бугарска спогодба за Македонија би можело да се ликвидира и прашањето „на националната свест на Македонците воопшто“, Мисирков одговара: „...не само една спогодба меѓу првите министри на Југославија и на Бугарија, туку и едно полномислие меѓу софиските и белградските универзитети по прашањето на македонската култура, не се во состојба да го ликвидираат македонското прашање и она - за македонската култура.

                                                               акад. бЛаже Ристовски


Ристовски и Ристевски?

при нас е Христов - от Христос


Изменето од m__g__ - 24.Септември.2007 во 09:22

Boogie напиша: Македонец без Македонско државјанство е само Бугарофил,Гркофил или Србоман ама никако Македонец - да беше жив Делчев денес ова ке беше негова парола

Изменето од Boogie - 24.Септември.2007 во 09:34