Жените дефинитивно одат по парите!

...  на богатството на партнерот!

Податоците од студијата за љубовни состаноци откриваат дека луѓето не го смениле многу однесувањето од времето на Неандреталците.

Така, мажите ќе се обидат да ја заведат најатрактивната жена што ја гледаат и покрај тоа што знаат дека со некоја помалку атрактивна ќе поминат „полесно“.

Жените пак, ќе се обидат да најдат маж чиешто богатство го сметаат за еднакво на нивната физичка атрактивност.

Ова се конечните заклучоци објавени во денешното издание на „Proceedings of the National Academy of Sciences“, до кои низ заедничко истражување дошла група научници од повеќе универзитети низ целиот свет.

При истражувањето, вршена е анкета со учесниците, а потоа било набљудувано и нивното вистинско однесување.

Научниците увиделе дека она што луѓето го зборуваат не соодветствува со тоа што навистина го правеле.

При анкетирањето, субјектите одговарале дека сакаат да најдат партнер којшто е сличен на нив. Меѓутоа подоцна, мажите тргнале по убавина, а жените по богатство.

Било забележано и дека жените повеќе се држат до овие правила, додека мажите биле пофлексибилни.