Танушевци вчера и денес?

orlov напиша: - Ако по Танушевци шетаат само медиумитееее, и така и така. Но, каде се косовските и македонските затвореници- припадници на некогашната  ОВПМБ, УЧК, ОНА, АНА?? Нека повелат! Сега сме побогати со едно воинствено искуство. Ние сме домаќини и во западна и севрна Македонија, па овој пат ќе се покашеме како доста добри домаќини на својата територија. Мислам дека и Снежана Лупеска после нејзината богата Одисеја по тие терени, со мене ќе се сложи во целост. Сепак е храбра.

Село на прекрасни и сочни капинки, голем број компирови насади, но и на калашникови. Тоа е Танушевци. Расфрлано на стотина куќи низ пространите падини на Скопска Црна Гора, на неколку километри од границата со Косово, Танушевци годинава повторно потсетува на мрачните времиња од 2001 година. Вооружени групации не можат да се забележат, но може да се видат млади луѓе облечени во маскирна војничка облека и со автоматски пушки во рацете како слободно шетаат низ селото. Покрај неколку куќи можеа да се забележат и реденици со муниција за автоматско оружје како се „печат“ на жешкото сонце. Македонската гранична полиција тука веќе неколку месеци не патролира. Пристапот &“38; е забранет откако во акцијата за заплена на нелегално оружје го предизвика гневот на локалното население. Водач на гневните селани е Џезаир Шаќири, познат од 2001 година како командант Хоџа. Шаќири беше и пратеник во Собранието од партијата НДП, а сега е потпретседател на партијата Демократска национална унија на Хисни Шаќири, поранешен пратеник и учесник во борбите во 2001 година. Тој како член на ДПА во 2001 година се одметна во редовите на паравоената ОНА, за потоа да стане пратеник на ДУИ, која исто така ја напушти и формира нова партија. Џезаир Шаќири-Хоџа вчера не го затекнавме во неговото родно село, но тука беа неговите роднини, пријатели и соработници. Релативно млади луѓе, на возраст од 25 до 35 години. Некои беа вооружени, а некои не. Велат не биле задоволни од односот на македонските власти и обвинуваат дека селаните на Танушевци биле постојана цел на малтретирања на македонската полиција. Беа собрани во дворот на една семејна куќа, пред чиј трем лежеа неколку реденици муниција за пушкомитралез. Тука, покрај редениците со муниција, си играа две мали девојчиња. - Живот ли е ова, постојано со калашников во рацете? Не е живот, ама овие деца мора да пораснат (замавнува со главата кон двете девојчиња). Танушевци е слободна територија. Тука нема место за македонската полиција, а зошто е тоа така најдобро знаат политичките партии и македонските државници. Поради нивниот однос кон луѓето од овој крај состојбата е ваква каква што е - револтирано вели еден од жителите. Во Танушевци нема ништо освен гол живот, а и тој сакаат да ни го одземат, револтирано зборуваат луѓето од групата. - Струја немаме и принудени сме на диво да ја крадеме. Ако е човек болен, слободно може да си умре оти лекар со години не стапнал во селото. Ако тргнеме кон Скопје, стануваме цел на македонската полиција, која редовно не малтретира, и тоа посебно старите и снеможени селани. Се прашуваме каде живееме и дали е ова Македонија. Очигледно дека не е и затоа ќе се ориентираме кон Косово и тоа никој не може да го спречи - вели еден од младите луѓе. Тие ги повторија ставовите на нивниот водач Хоџа дека ќе организираат референдум за отцепување на Танушевци и негово припојување кон косовска територија. Според Џезаир Шаќири, селаните така одлучиле затоа што македонската влада немала никаков интерес за да им помогне да си ги решат основните проблеми. Хоџа изјави дека повеќе од половината жители живеат како емигранти на Косово. Како посебен проблем тој ја посочи македонската полиција, која, според него, постојано ги малтретирала селаните. Полицијата веќе три месеци не влегува во Танушевци поради отворената закана дека ќе биде нападната. Во МВР вчера не го коментираа присуството на вооружени групи во Танушевци. - Полицијата редовно ги спроведува своите професионални обврски и секојдневни задачи во тој реон - кратко изјавија од МВР.