ПРИЈАТЕЛИТЕ НА ФЕНИКСОТ

У М И Л К У В А Њ Е

Ќе ги отпретам сите горештини од мојата глава,

Ко суво дрво на сува рида реките ќе ги заковам,

Ќе те претплатам на вечна љубов и вечни

                                                                   Времиња

И ќе те љубам и губам и во пости и пред гости

Само да ме сакаш.

Ќе ги поткупам сите човечки сетила и патила,

Сите светлосни преѓи песијазол ќе ги врзам,

Сите денови и ноќи на својот почеток

                                                      Ќе ги вратам,

Ќе ти дадам се што е солено и молено

Само да ме сакаш.

Ќе спијам во движење,сенката своја

                                                            Ќе ја прескокнам

Ќе ги затнам сите извори,се што гори ќе отворам

Ќе направам да не се знае кај е лево и десно,

Ќе ти наберам ѕвезди,ќе ти влепам шлаканица

Само да ме сакаш.

Ќе ги шпионирам сите крадци на твоите часови.

Ќе ги исфрлам од употреб астраните на светот

И светот по црна ноќ,одмижанка ќе го истрчам

И ќе те фалам и кудам под сите небеса

Само да ме сакаш.

Кај ќе стасам ќе разделам топло и студено,

На шеќерот ќе му забранат да се споредува

                                                                Со тебе

Не ќе оставам растојание што ќе биде меѓу нас,

Со ова што го велам е слепо и глуво ќе исцелам

Само да ме сакаш