F1 Вести

НОВИТЕ ПРАВИЛА ДОБИВААТ ФИЗИОНОМИЈА

Турбо моторите се враќаат во Формула 1

Светскиот совет за мотоспорт на ФИА донесе конкретни решенија за промена на правилата во 2011 година

На својата седница одржана во Париз, Светскиот совет на мотоспорт на ФИА донесе конкретни одлуки околу промените на правилата во Формула 1. Усвоено е дека моторите што ќе се користат од 2011 година ќе бидат со зафатнина од 1300 до 1500 сантиметри кубни, но ќе имаат турбо полнач. Се очекува истовремено аеродинамичките решенија да бидат унифицирани од страна на Федерацијата, со што ќе се постигне ефект од 40 проценти помала аеродинамичка ефиканост, со цел болидот што сака да престигне друг болид пред себе, да не биде спречен од турбулентниот воздух на претходникот.

Залагајќи се за зачувување на животната средина, ФИА најави дека ќе го намали и потрошеното количество на гориво за 50 проценти, кое во моментов изнесува 70 литри на 100 километри. Во оптег се уште е и варијантата за рефундирање на загубената енергија низ сопирачките со која што ќе треба да се постигне ефект од 20 проценти зачувана енергија која е развиена од моторот, но како топлински ефект се губи низ наглите притискања на сопирачките. Најавено е дека нема да има ограничување на вртежите на моторот.

Vtoriot den od testiranjata na SPA Massa najbrz po vodenata staza.

Znaci Ferrari povtorno brzi