Македонска Ибица на Градиште

   Популарната охридска плажа Градиште од оваа летна сезона ќе стана
македонска Ибица. Плажата е реновирана од корен и ќе биде опремена со
нов модерен ентериер. Ќе биде опремена со шанкови, неколу бини,
лежалки, тобогани. Организаторите најавуваат големи ноќни и денски
журки, пена парти,многу забава и музички изненадувања . Првата плажа ќе
биде плажа-ресторан-дискотека зад кој ќе стои најпознатит битолски
ресторан "Буре". Втората плажа ќе биде летен клуб, кој ќе наликува на
популарната шпанска Ибица. На втората плажа секој ден ќе се менуваат
најмалку по пет диџеи и ќе биде вистинска, летна денска забава. Третата
плажа, зад која најмногу се споменува името на Франц од "Нокаут" ќе
биде мирна плажа на која ќе може да се пие кафе, да се чита книга и да
се ужива во летното сонце. Деноноќно на сите плажи постојаните чувари
ќе бидат надополнети со класично обезбедување, кое треба да придонесе
во комплетното уживање на летувалците. 

Свеченото отворање на
плажата за туристите ќе биде на 25 јуни. Летните шеми на "Самер бич
клаб Градиште" ќе почнат на 14 јули. Таа вечер музика ќе пуштаат
диџеите Марко Настиќ и Лука. Денската шема ќе стартува со атрактивната
диџејка Вилма Вилок од Скопје која ќе пушта хаус-техно на журката
наречена "Валијантик бич парти". 

Забавите на плажата Градиште
ќе се емитуваат и на музичкиот канал "Плеј тв" . Првата журка ќе биде
на 28 јули со "Плеј тв самар бич" кога ќе настапи и македонскиот
бенд"Ареа" и познатиот диџеј Метју Дикеј. Се планира и концерт на
групата "Нокаут". Потоа следува и фестивалот "Парадајс клаб - Флаинг
фром Миконос" кога на 21 јули музика ќе пуштаат дваесетина диџеи.
Збратимувањето на плажите "Спејс Ибица" на Ибица и Градиште официјално
ќе биде на 3 август кога ќе настапат "Пластик фанк" и вокалот Суа Амоа.
Организатори на журките се неколку промотерски организации, " 3Д "
продукција, "Плеј тв", "Сити радио" "Клуб фм" и други.