Постдипломски студии

SeXY напиша: Истово е и на економски

Секаде е така, за жал... Не знам дали сте го погледнале новиот предлог закон за високо образование? Па таму какви нелогичности има... погледнете го...

stranicata e MON (во образование, па одите на Високо)

samo sto vo momentov stranta na predlog zakonot ne se otvara...

Изменето од Julija - 19.Април.2007 во 12:47

Се предвидува законов да се донесе по брза постапка (ме изненадува зашто има доста противречности и нелогичности).

За оние што имаат магистрирано можеби е најдобро што побргу да пријават тема за докторска дисертација... Прочитајте ги деветтата глава и преодните одредби, посебно членовите 165, 170 и 177...

polikarp напиша: lugevo po svetot pocnaa da pravat post-doktorati  i toa ne po eden tuku po pveke.Nie ovde zboruvame za post-diplomski.Mislam deka sekoj koj sto ima  moznosti treba da uci kolku sto moze poveke i kako sto spomnav ne samo magistratura, tuku i doktorat pa duri da prodolzi i so post-dok zatoa sto vo obrazovanieto e idninata.

Moram da odgovoram na ova:

Сегашните магистерски и докторски не одговараат на магистерските и докторските што се на запад.

Имено, тамошното звање не е магистер туку мастер, а магистер е појака работа од мастер. Мастер студиите траат 1 или 2 години во зависност од тоа какви студии сте одбрале и се во склоп на редовните студии (нешто како кратко продолжение). Тука магистратурата одговара на малку појака дипломска работа.
Докторските студии одговараат на сегашните магистерски студии, со задолжителни оригинални резултати и придонес кон областа што се обработува, а постдокторските на сегашните докторски студии кои генерално се од менторски тип.

Некој би рекол, нема голема разлика, но не е така. На овој начин се девалвира системот вредности што кај нас е утврден од многу одамна.



Изменето од Julija - 20.Април.2007 во 21:52

polikarp напиша: Мислам дека Јулија ги помешала малку работите но тоа е така затоа што не ги разбира доволно.Можеби некаде слушнала но не разбрала .И нешто напишала за неаков систем на вредности што постои кај нас во Македонија ама јас неможев да го разберам тој дел.Немојте да мислите дека ние Македонците сме најпаметни и дека се во светот е полесно и само нашето е најдобро!!!!!!!!!!!!Јас како човек кои се занимава со наука и кој бил на пост-дипломски студии во Македоника а сега сум во станство слободно можам да кажам од искуство дека постои разлика но камо среќа и кај нас да ја имаше истата организираност па младите да имаат шанса на 26-27 да бидат доктори на науки а не уште студенти или пост-дипломци.

И јас велам... Камо среќа да беше така... Ама не е... И нема да биде...

Па да, најверојатно и не ги разбирам работите најдобро и можеби направив слаба аналогија, но знам дека она што сега се случува овде, врска нема со она што е на запад (еве конкретно кај тебе).

Не знам дали си го погледнал новиот предлог закон, но тоа е таква каша-попара, којашто нема никаква врска со тоа што е во странство, ниту пак тежнее кон тоа. И досега беше неорганизирано (посебно во поглед на постдипломските студии) и се учеше сешто (и што треба и што не треба), а на моменти човек и се оддалечуваше (со километри) од темата што треба да ја работи, а сега ќе биде уште понеорганизирано, зашто во недостаток на добра програма за постдипломски студии, ќе биде применета старата (се обложувам дека тоа ќе се случи на 70% од факултетите), само што ќе бидат ставени кредити, а згора на тоа ќе имаме докторски студии, каде што наместо да се фокусираме на докторската теза, повторно ќе мораме да полагаме испити. Ете, тоа ќе се случи во наредниве 2 години, дури да тргне работата...

Се сеќаваш на онаа народната: прво скокни па речи оп!
Овој закон што се предлага прво вели оп!, а после ќе скокаме... каде? не се знае...

И немојте со такви коментари.Дајте еднаш да почнеме да работиме и да се средат рабитите а не да се залажувате дека кај нас има некаков систем на вредности.

Ти си во странство. Како мислиш да ги средиш работите овде? Никако... Некој друг ќе ги вади жешките костени од огнот...




    

Изменето од Julija - 22.Април.2007 во 01:34

"Сегашните магистерски и докторски не одговараат на магистерските и докторските што се на запад. "

Да, не одговараат, заради тоа што "на запад" за да магистрираш треба да истражуваш и пишуваш, а во Македонија е доволно да се купи и научи книгата што ја објавил професорот или пак да се преведе семинарска што некој веќе ја напишал (кој ќе те фати кога 70% од професорите воопшто не знаат англиски.

"Имено, тамошното звање не е магистер туку мастер, а магистер е појака работа од мастер."

Магистер=Мастер, и двата збора доаѓаат од латински и значат "познавач, учител."

Инаку, постдипломските студиите траат 1-2 години + пишување магистерска теза или полагање државни испити. Така е насекаде во светот, така е и во Македонија. Тоа што кај нас не се завршуваат за предвиденото време е заради тоа што професорите си го сметаат предавањето за споредна дејност, а не заради тоа што македонската магистратура била подобра.

"Мастер студиите траат 1 или 2 години во зависност од тоа какви студии сте одбрале и се во склоп на редовните студии (нешто како кратко продолжение)."

Од каде ти е оваа информација?  Во склоп на факултетот, односно дипломирање + магистрирање за 5 години  имало/има во екс-комунистичките земји (малку му доаѓа како влијание на Русија), ама е редок случај "на запад."

"На овој начин се девалвира системот вредности што кај нас е утврден од многу одамна. "

Колку одамна е утврден системот? Колку што знам, во Мк немало магистратура до пред педесетина години. И дали се девалвира заради  тоа  што некој смета (со право) дека Мастер=Магистер? Тоа да му беше проблемот на македонското образование...




Изменето од Miriam - 25.Април.2007 во 04:55

Јулија, не ме разбирај погрешно, со најдобра намера пишувам.  Зошто мислиш дека тоа што треба да спремаш еден испит подолго време е систем на вредности?

Не е систем на вредности, туку лоша организација. Не твоја, на универзитетот.

Штом имаш научни трудови и презентации, сигурно си свесна и самата дека не си полоша од луѓето што го прават истото во странство. Можеш ли со чисто срце да кажеш дека никогаш не ти станува мака што нешто што можеш и треба да го завршиш за 2-2.5 години треба да ти одземе двојно повеќе?

Не ми е јасна опсесијата во Мк дека ако нешто не е тешко, не треба да го вреднуваме. Смислата на постдипломските не е да ти го отежнат животот, туку да ти дадат повисока квалификација (знаење и вештини). Ако до исто место можеш да стигнеш по две патеки, пократка и подолга, која ќе ја избереш? И дали ако ја избереш пократката (што само по себе не значи ниту дека е полесна, ниту потешка, само различна) значи дека немаш систем на вредности?




Изменето од Miriam - 25.Април.2007 во 17:40

Miriam напиша: Јулија, не ме разбирај погрешно, со најдобра намера пишувам.  Зошто мислиш дека тоа што треба да спремаш еден испит подолго време е систем на вредности?Не е систем на вредности, туку лоша организација. Не твоја, на универзитетот. Штом имаш научни трудови и презентации, сигурно си свесна и самата дека не си полоша од луѓето што го прават истото во странство. Можеш ли со чисто срце да кажеш дека никогаш не ти станува мака што нешто што можеш и треба да го завршиш за 2-2.5 години треба да ти одземе двојно повеќе? Не ми е јасна опсесијата во Мк дека ако нешто не е тешко, не треба да го вреднуваме. Смислата на постдипломските не е да ти го отежнат животот, туку да ти дадат повисока квалификација (знаење и вештини). Ако до исто место можеш да стигнеш по две патеки, пократка и подолга, која ќе ја избереш? И дали ако ја избереш пократката (што само по себе не значи ниту дека е полесна, ниту потешка, само различна) значи дека немаш систем на вредности?

Очигледно дека не се разбираме... Испитите долго се полагаат зашто се три или четири во еден...А да не зборуваме и што се учат и работи коишто не ти се од потесната област што сакаш да ја работиш... Никој не рече дека овде во Мк е подобро... А ко божем за да биде подобро еве ќе одиме кон запад со новиот предлог закон за високо образобвание...

Предлог законот вели: ај да биде како што е на запад (што е според мене ОК), ама не мора плановите и програмите веднаш да се готови, ами до 2009/2010. А за тоа време, законов кога ќе стапи во сила, тие што магистрирале не можат да пријават тема за докторска, туку мора да ги чекаат програмиве од докторските студии, кои BTW ќе бидат готови на крајот од 2008....И така човек се наоѓа во еден празен о'д од година-две, кога ниту може да пријави теза, ниту може да конк*рира на студии.

А уште полошо, докторските студии се со испити многу слични на оние од постдипломските магистерски, од кои ти признаваат само 60 кредита, а другите 120 треба да си ги дополагаш.

Е па до кога бе ќе полагаме само испити? Човек ќе побели дури да почне културно да се посветува на она што треба да го работи...

Сета работа е толку неорганизирано замислена, што немам зборови да го опишам мојот гнев во врска со сето тоа...

Само да знаете колку забелешки имаше Ректоратот на УКИМ за сева оваа работа... Може да се видат на веб страната

УКИМ

kaj Забелешки на законот за високо образование...

За оние што ги интересира.


Изменето од Julija - 25.Април.2007 во 21:38