Македонските училишта се нормализираат

Додека македонските ученици снимаат филмови со експлицитна содржина, нивните другарчиња од над 20-процентната етничка заедница се убиваат во училиштата. Седмоодделенец со нож уби една година постар соученик.

Милјаим Шакири (15) денеска бил убиен од А.А. (14) во дворот на Основното училиште „25 Мај“ во скопското предградие во с. Сингелиќ, јавува Макфакс.

Убиството се случило пред почеток на првата смена во училиштето во 8 часот, по кавга на двајцата ученици, по што А.А. извадил нож и го усмртил својот соученик.

Директорот на Градска болница потврди за МТВ дека претпладнето кај нив било донесено 15 годишното момче, но веќе било мртво, бидејќи убодната рана била во пределот на срцето.

Двете момчиња според првичната истрага на полицијата се скарале уште вчера при фудбалска игра во училиштетот, по што А.А. тогаш ја изрекол заканата за убиството.

Детето убиец е во просториите на училиштетот и со него разговараат полициските инспектори во присуство на психолози и родителите.

Убиениот учел во 8 одделение, додека А.А. во 7 одделение на основното училиште.
Досега во Македонија не се случило убиство на ученици во основно училиште. Минатата година имаше убиство во погорните класови во една кумановска гимназија, кога ученик уби соученик поради кавга за девојка.