F1 Вести

Ралф Шумахер изјави дека Германија се уште ќе ја биде будно заинтересирана за Формула 1 иако неговиот постар брат веќе нема да биде таму. Тој заклучок Ралф го поткрепува со фактот дека ќе има четири активни возачи и уште три како тестери, па со седум имиња можеби ќе има и поголема армија на навивачи.

- Исто е во секој спорт. Ако некоја земја има добар спортист во еден спорт, сите се интересираат за него, а кога тој ќе се повлече, некои од фановите се повлекуваат заедно со него. Но, ние сме повеќемина сега, па ако победуваме, повеќе ќе не гледаат. Не треба да се заборави дека Германија се интересираше за Ф1 и пред да се појави Михаел.

02.02.2007

Фелипе Маса ја даде првата јавна оценка за Кими Раиконен, откако на почетокот од зимата го пречека Финецот во Ферари со порака да не очекува дека ќе му биде втор возач. Иако се заедно само чифт месеци, Маса е задоволен од тимскиот колега.

- Тој е поинаков карактер од Михаел Шумахер, не зборува многу и своето го чува во себе. Ми изгледа многу фер, а не тип што игра политички игри. Со него е добро да се работи, па сигурен сум дека ќе се согласуваме и нема да имаме проблеми. Најважно е што и тој работи за тимот и дека и двајцата ќе имаме најдобри болиди на располагање.

Тој застана во одбрана на инженерите кои го подготвија новиот болид велејќи дека тоа се истите оние кои работеа на ланскиот болид, па нема причина зошто не би ја повториле добрата работа. Тоа што нивниот болид се разликува од конк*рентските не е многу битно, туку е битно каков резултат ќе имаат на патеката.

- Луѓето не заборавиле како се прави болид во текот на оваа зима. Ако тој е поинаков, тоа е затоа што сме сметале дека така ќе биде подобар,- изјави Маса.