Тетоважата како доживотен белег!!

 

 

" Момчето ни кажа дека ова е краткотрајна тетоважа, која по некое време самата се брише. Користеше чепкалка и игла. Тој не убедуваше дека се' е стерилно и дека нема никаква опасност заздравјето."
 Не  е до ЧЕПКАЛКАТА , него е до глупите родители кои си го дале своетео 13 годишно дете да се тетовира на ПЛАЖА , на тезга и после другите им се криви. Да, добро ќе биде да нема сида и да остане со двете раце прикачени за тело. Морони..

Истетовирана пеперутка зарази девојче

Скопјанката прима терапија ,во Клиничкиот центар нејзините родители готват тужба, а лекарите предупредуваат дека  девојчето можело да добие и сепса

Тринаесетгодишно девојче од Скопје скапо ќе ја плати пеперутката што на десната рака и' ја истетовирале на плажа пред еден од охридските хотели во минатата недела. Девојчето добило тешка инфекција од нечиста игла за тетовирање, а за малку можела да добие и сепса (труење на крвта), ако навреме не се јавила на лекар. Санитарните и здравствените инспектори велат дека лицата што тетовираат „на диво“ не се нивна надлежност и упатуваат на МВР.

Девојчето, кое било на летување во Охрид со своите родители, посакало да има украс на раката, па избрало да и' се истетовира пеперутка во боја на десната надлактица. „Уметникот“ било момче кое на диво тетовирало на плажата недалеку од Охрид.

- Момчето ни кажа дека ова е краткотрајна тетоважа, која по некое време самата се брише. Користеше чепкалка и игла. Тој не убедуваше дека се' е стерилно и дека нема никаква опасност за здравјето. Прво забележавме дека раката и пазувите почнаа да отекуваат, но мислевме дека тоа е нормално поради тетоважата и дека ќе исчезне. Но, бидејќи отокот не се намалуваше, ја однесовме на лекар. Од памет се извадивме кога ни кажаа дека оваа наивна детска желба за украс на раката можела дури и фатално да заврши ако подоцна реагиравме - раскажуваат од семејството.

Девојчето е под засилен лекарски надзор и во дневна болница во Клиничкиот центар во Скопје. Таа веќе пет дена прима антибиотска терапија преку инфузија.

- Девојчето има црвенило и отоци на раката, инфекција што настанала од нечиста игла. Инфекцијата можела да се искомплицира и ако навреме не дојделе на лекар, девојчето можело да добие и сепса. Таа ќе мора да прима лекови откако ќе заврши болничкото лекување, а очекуваме инфекцијата да се смири во наредните пет дена - велат лекарите.

Тие предупредуваат тетовирањето во никој случај да не се врши кај несигурни лица, кои немаат дозвола за работа.

- Тетоважите мора да се изведуваат во овластена установа, која редовно ќе се контролира од инспекторите. За тоа мора да постои и строга законска регулатива, а не да тетовира кој како ќе стигне. Младите отпрвин не водат многу сметка каде се тетовираат, а потоа се чудат од каде добиле инфекција. На овој начин тие може да се заразат и со хепатитис (жолитица) Б и Ц - велат специјалистите за кожни болести.

Санитарните инспектори слегнуваат со раменици и велат дека „дивите“ тетовирања не се нивна надлежност.

- Ние контролираме здравствени установи, а не лица што не се пријавени никаде, а вршат тетоважи - изјави вчера директорот на Државниот инспекторат, Шемси Муса.

Револтираните родители најавуваат тужба за лицето што тетовира во Охрид.

- Да знаевме што ќе се случи, никогаш немаше да дозволиме ќерка ми да се тетовира - порачуваат родителите.