Тетоважата како доживотен белег!!

ок

Борбата продолжува,поробениот за слобода а слободниот за совршенство

Пак Он топк

Еве еден мал извадок за значењето на тетоважите

Зад цртежите на телата стојат животни приказни, кои носат пораки и претставуваат сеќавања, но и лудости на нивните сопственици
НБА тетоважи
Пред десет години, единствениот НБА играч со тетоважи вреден за споменување беше Денис Родман. Него во тоа време сите го сметаа за чудак, но денес половина НБА лига е истетовирана. Некои имаат тетоважи бидејќи мислат дека тоа е "кул", други затоа што тоа ги потсетува на нешто, а трети бидејќи со тоа, на своите поклоници сакаат нешто да им порачаат или да поделат нешто лично со нив.

Некои познати кошаркари како Реј Ален или Коби Брајант одлучија да немаат тетоважи. Но, Коби по обвинението за наводно силување, сепак го промени мислењето, па на десниот бицепс го избоцка името на изневерената сопруга Ванеса, на која, како и на целиот свет и го призна неверството. Такво нешто, на Даг Кристи, бекот на Сакраменто Кингс никогаш не би му паднало на памет. Тој е семеен тип, ја обожува својата животна партнерка, а тоа се гледа и по неговите истетовирани раменици - на едното е сликата на сопругата и ќерката сместени во срце, а на другото новородениот син со анѓелски крила.

"Се дружам со спортисти, оженети момци, кои се впуштаат во неверство. Не ги осудувам поради тоа, но јас едноставно одлучив да бидам верен", вели Даг, кого често го задеваат поради таа нагласена верност кон сопругата, во светот во кој необврзниот секс се нуди на големо.

Брајан Грент од Мајами, на сопствената кожа ја избоде сликата на својот музички и духовен идол. На десното рамо може да му се примети портретот на Боб Марли со потпис "Пророк". По своето прво заминување на Јамајка, Грент стана фанатичен следбеник на покојниот мајстор на регето и проповедник на растафаријанизмот

Со 14 тетоважи, бекот на Вашингтон, Лери Хјуз е еден од најисцртаните во НБА лигата. Заминувајќи во својот омилен салон за тетовирање, Хјуз во 2001 година побара да му се избоцкаат шест стихови на псалм 23. Откако цртачот го премисли од таа луда идеја, Хјуз се одлучи текстот да го скрати само на: "Па да ми е да поминам низ долината на смртта, не се плашам од злото, бидејќи ти си со мене". Поголемиот дел од цртежите на неговата лева страна зборуваат за пеколот кој поминал, додека оние на десната страна се со рајска содржина. На стомакот, пак, има молња на торнадо, но и двоглав змеј

Џејсон Вилијамс е уникатен и играчки и карактерно. За него велат дека е белец, кој игра како црнец. Луцидниот Џејсон го има истетовирано "Њхите Боѕ" на прстите на рацете, а неговата бизарна колекција на цртежи на телото го вклучува и третото око на градите, како и натписот на јапонски, за кој и самиот вели дека на него пишува "Еб... се сите".

Кошаркарот кој на многуте црномурести соперници им е идол, но не и по квалитетот на играта, туку по нашараноста на телото е Чироки Паркс. "Кога седам на клупата, а тој е во игра, постојано гледам во неговите неверојатни тетоважи, признава неговиот соиграч Џеф Меккинис. И многу други црномурести играчи му завидуваат на центарот на Лос Анџелес Клиперс, на чија бела кожа очигледно подобро се гледаат тетоважите отколку на црната. Парк стана зависник од бодење на иглата за тетоважи и се зборува дека ги има околу дваесетина. Дури ги има и на глуждот, па и на стапалата.

"Некои му говорат дека во иднина ќе зажалам поради тетовирањето. Тоа би се случило само доколку го истетовирав името на мојата девојка, да кажеме Сузи. Тогаш ќе морав да се потрудам Сузи да остане покрај мене цел живот, или секоја следна да се вика исто", зборува Паркс, кој се уште не планира да застане, бидејќи неговата сестра има повеќе тетоважи од него

Дека баш и нема смисол за бизнис, со своите тетоважи покажа и двократниот победник на Ол-стар натпреварот во забивање, Џејсон Ричардсон. Иако има договор до "Рибок", него повеќе му се допаѓа логотипот "Енд 1", кого го има истетовирано на бицепсот.

Од бившите југословенски играчи во НБА, прв тетоважа стави Дино Раџа, во 1994 година, кога на рамото си дозволи да нацрта далматински колаж, камбаната на Светиот Дује, Пољуд, пехарот на Купот на шампионите, галеб, море, сонце... сето тоа во еден "букет". Тони Кукоч, пак, има истетовирано морско куче на левото рамо, а градите му ги краси далматински грб.