Мерак

 

Марихуаната можеби содржи состојки кои го забавуваат губењето на меморија кај заболени од Алцхајмер, се тврди во новата студија, која ги поздравува сите останати истражувања што покажале дека канабисот има благотворни дејства врз мозокот.

Стари глувци, кои биле третирани со синтетичка состојка слична на Тетрахридроканабинол или ТХЦ (состојката што се „тражи у добар грас“), станале попаметни.

„Состојката значително ја подобрила меморијата кај старите глувци. Тие биле во состојба да ги запаметат клучните детали на зададениот проблем. Глувците што не биле третирани, ја немале таа способност.“, се вели во извештајот на ко-авторот на студијата, Гери Венк.

Изгледа дека лековитоста лежи во анти-воспалителните својства што ги поседува марихуаната.

„Воспаленијата во мозокот се дел од стареењето“, вели Венк. „Ни се случува скоро на сите кога старееме. Во некои случаи, овие воспаленија излегуваат од контрола и предизвикуваат сериозни оштетувања.“

Венк потсетува дека други студии покажале дека лицата што редовно пушеле трева во 1960-ите и 70-ите, многу поретко заболувале од Алцхајмерова болест. Се разбира, медалот има и друга страна. Истражувањата исто така покажале дека години на хронична употреба на канабис, што би се дефинирало како 4 или повеќе џоинти неделно, можат да ја оштетат меморијата, донесувањето одлуки и способноста за обрнување внимание на повеќе од една работа истовремено.

„Не користиме марихуана во експериментите затоа што се обидуваме да пронајдеме состојка што не е психоактивна“, објаснува Венк.

Користената квази-марихуана што се користела во студијата им помогнала и на младите и на старите глувци полесно да се извлечат од зададен лавиринт.

Друга независна студија, објавена претходно овој месец, открила дека психоактивната компонента на марихуаната е одлично средство против згрутчување на лоши протеини во мозокот, кое всушност претставува фундамент на Алцхајмеровата болест.

pa ne mislev bas na ova..........