Времето оваа недела _дожливо_24 до 30 Март

– Под влијание на циклонска активност, од утре, недела, 23-ти март, а особено во текот на следната недела, во периодот од 24-ти, па се’ до 30-ти март, ќе бидеме под влијание на длабок циклонски систем кој ќе се развие југозападно од нас, односно над Медитеранот, информираат од Управата за хирометеоролошки работи на Република Македонија (УХМР).

– Во ваква ситуација, ќе имаме многу променливо, но релативно топло време, со чести повремени врнежи од дожд. Повремено и локално ќе има пообилни и поројни врнежи, проследени со грмежи и со засилен јужен ветер (над 60 км/час), а процесите повремено ќе бидат поинтензивни, во форма на невреме. На повеќе места за време на овој период ќе наврне позначително количество на воден талог (над 20/30 литри дожд), стои во информацијата на УХМР.

Утринските температури насекаде ќе бидат над нулата, а максималните дневни исто така ќе бидат релативно високи и ќе се искачуваат во интервалот од 14 до 21 степен.