ПРЕДВРЕМЕНИ ИЗБОРИ во МК - генерална дискусија

Предвремените парламентарните избори отворија повеќе дилеми. По големиот број документирани нерегуларности и нарушувања на изборниот процес, нови прашања отвора официјалната страница на Државната изборна комисија каде се објавени резултатите.

Ако почнете сами да пресметувате, ќе видите дека нешто не „штима“. Па така, според ДИК, на парламентарните избори од вкупно 99,97 %  процесирани избирачки места, гласале 1.140.202 гласачи што претставува 64,05% излезност на ниво на сите изборни единици (овде и во дијаспората).

И нормално би било, ако ја соберете бројката на важечки и неважечки гласачки ливчиња да дојдете до оваа бројка (на гласачи кои излегле да гласаат).

Сепак, во овој случај не е така.

Сите 9 изборни единици

Правиме едноставна математика:

1.082.670 (Вкупен број на важечки гласачки ливчиња)

+ 37.636 (Вкупен број на неважечки гласачки ливчиња)

= 1.120.306 гласови.

Сепак, вкупниот број на гласови, според бројката на гласачи е 1.140.202.

Или во превод, помеѓу важечките и неважечките ливчиња во сите изборни единици (во Македонија и дијаспората) фалат 19.896 гласови. Апсолутно е непознато каде заминале овие гласачки ливчиња, бидејќи ги нема ниту кај важечките (кај некоја од партиите), ниту кај неважечките.

За да ни се разјаснат работите, тргнавме поединечно да ги проверуваме резултатите кај сите изборни единици. И секаде математиката (важечки+неважечки=вкупно гласале) се поклопува, освен кај првата изборна единица.

Таму, според ДИК, излегле на гласање 214.164 гласачи, или 71,94%. Но проблемите настануваат кога ќе започнете со собирање и одземање.

Изборна единица 1

187.606 (Вкупен број на важечки гласачки ливчиња)

+ 6.558 (Вкупен број на неважечки гласачки ливчиња)

= 194.164 гласови.

Сепак, вкупниот број на гласови, според бројката на гласачи е 214.164.

Или во превод, помеѓу важечките и неважечките ливчиња во првата изборна единицафалат точно 20.000 гласови. Повторно, апсолутно е непознато каде заминале овие гласачки ливчиња, бидејќи ги нема ниту кај важечките (кај некоја од партиите), ниту кај неважечките.

Не е познато ни од каде излегуваат нови 104 гласови кои фалат (помеѓу тие 20.000 во првата изборна единица и тие 19.896  кај збирните резултати).

За работите да ни станат уште појасни, тргнавме да ги проверуваме општините кои се дел од првата изборна единица. И повторно, секаде математиката е точна (иако е малку чудно што во општина Центар има баш точно 1.000 неважечки ливчиња), но нелогичностите се појавуваат кај општина Аеродром.

Во општина Аеродром, според ДИК, излегле на гласање дури 63.818 гласачи од вкупно запишаните 63.973 избирачи, што претставува неверојатни 99,76% излезност! Според едноставна математика, излегува дека само 150 гласачи од целата општина не излегле на гласање!

Доколку започнете да ги отворате податоците за секое избирачко место поединечно, ќе забележите дека најчесто излезноста во избирачките места е шеесетина или седумдесетина отсто, а во ниту едно место нема 100 отсто излезност, па ни деведесетина проценти. Од тука, апсолутно е нејасно како е можно крајната математика да покажува ваква рекордна излезност.

Дека ништо од ова нема логика, потврдува уште една едноставна математика кај важечките и неважечки ливчиња во оваа општина.

Општина Аеродром

42.255 (Вкупен број на важечки гласачки ливчиња)

+ 1.563 (Вкупен број на неважечки гласачки ливчиња)

= 43.818 гласови.

Сепак, вкупниот број на гласови, според бројката на гласачи е 63.818.

Или во превод, помеѓу важечките и неважечките ливчиња во општина Аеродром фалат точно 20.000 гласови. Повторно, апсолутно е непознато каде заминале овие гласачки ливчиња, бидејќи ги нема ниту кај важечките (кај некоја од партиите), ниту кај неважечките. Единствено дознаваме дека „проблемот“ во првата изборна единица го прави токму оваа општина.

Понатаму, барем ние, не успеавме да утврдиме кои од избирачките места го создаваат „проблемот“.

Еден од можните одговори на дилемите би бил дека се работи за техничка или софтверска грешка, што, се разбира, би било скандалозно, но веројатно би било помалку скандалозно од другите можности кои би можеле да бидат одговор.

Без да прејудицираме, би сакале само да потсетиме дека на изборниот ден од набљудувачите беше јавувано за гласачи од Пустец, кои гласале во повеќе скопски општини, меѓу кои и спорната – Аеродром.

Одговорите на дилемите би требало да ги даде ДИК, на чија страница можете и самите да ги проверите бројките, на следниот линк.

ЗА ПО КОМПЛЕТНА ВОЛЈА НА ИЗБОРИТЕ,НАЗДРАВЈЕ.