Акни – како да си помогнете сами?

Акните не се проблем кој ги засега само тинејџерите. Скоро 80% од луѓето се имаат соочено со акните во одреден момент од нивниот живот. Иако многумина ја имале среќата лесно да се справат и да си ја повратат убавината на кожата, милиони луѓе низ светот сè уште се обидуваат да го најдат соодветниот продукт кој ќе им помогне да се гордеат со својата кожа.

Освен лузни на лицето, досадните акни можат да предизвикаат и психолошки проблеми.

Најчести причинители на акни

Акните најчесто се појавуваат на лицето, деколтето и горниот дел на грбот. Освен лузни на лицето, може да предизвикаат и психички последици како губење на самодоверба, срам, па дури и социјална фобија.

Постојат многу различни причинители на акни, па поради тоа можеби најтешката фаза во борбата против нив е утврдувањето на вистинскиот виновник. Хормоните играат голема улога во создавањето на акни, па затоа тинејџерите се најзасегната група.

За жал, за многу луѓе акните не се минлив проблем кој заминува со адолесценцијата и им предизвикуваат непријатности понекогаш и до 40-годишна возраст. Хормоналните промени кои се појавуваат како резултат на бременоста, менструалниот циклус, започнувањето и прекратувањето на примањето на контрацептивни пилули кај жените ги зголемуваат шансите за појава на акни.

Освен хормоните, акните можат да бидат последица на зголеменото лачење на себум, бактериите, примањето на одредени лекови (литиум), употребата на силни козметички производи и заболувањата како синдром на полицистични јајници. Ако вашите родители страдале од акни, многу е голема веројатноста дека и вие се соочувате со овој проблем, т.е. акните се наследни.

Спротивно на распространетото мислење, научните истражувања покажале дека мрсната храна и чоколадото имаат мало влијание врз акните.

Нега на кожа склона кон акни

Целта на негата на кожа склона кон акни е да се излечат веќе постоечките акни, да се избегне создавањето на нови и да се спречи појавата на лузни и флеки. За да го постигнете тоа и да го вратите беспрекорниот изглед на кожата, потребно е секојдневно да применувате неколку основни правила:

• Мијте ја кожата два пати дневно. Миењето ја отстранува прекумерната мрснотија од лицето и мртвите клетки на кожата. Но, ако се миете премногу често, може да предизвикате иритација и прекумерно лачење на себум, кој е главен сојузник на акните.
• Користете соодветни козметички продукти. Проблематичната кожа бара соодветна грижа и користење на козметички продукти наменети за кожа со акни. Избирајте продукти кои содржат салицилна киселина и бензоил пероксид.
• Не ги притискајте. Тешко кој го почитува ова правило, затоа што понекогаш е мошне непријатно да се појавите некаде со акни кои што можете да ги намалите со стискање. Но, стискањето на акните може да доведе до создавање на белези кои тешко исчезнуваат, а и до распространување на бактериите.
• Парете го лицето. Во сад со жешка вода додајте неколку капки масло од чајно дрво, покријте ја главата со крпа и застанете со лицето над садот 5-10 минути. Можете да ставите и чај од камилица. Пареата ќе ви ги отвори порите. Потоа врз акните ставете мало количество масло од чајно дрво. Парете го лицето еднаш неделно.
• Никогаш не си легнувајте со шминка. Спиењето со шминка на лицето може да предизвика затнување на порите. Секоја вечер пред легнување отстранувајте ја правилно и темелно шминката. Најдобро е да користите шминка само кога навистина имате потреба од тоа.
• Пијте доволно вода. Водата ќе ви помогне да ги исфрлите токсините од телото и да го олесните проблемот со акните. Осум чаши вода дневно се сосема доволно.
• Јадете храна богата со витамини А, Ц и Е и цинк. Сите тие помагаат за одржувањето на добар изглед на кожата.
• Туширајте се веднаш после вежбање. Потта може да ја зароби нечистотијата и бактериите во порите на кожата и со тоа да предизвика појава на акни.
• Перете ги често крпите и навлаките за перница. Бактериите врз крпите и навлаките можат да ја влошат состојбата со акните. Менувајте ја навлаката за перница секој втор ден.
• Чувајте ја косата понастрана од лицето. Ако имате мрсна коса, мијте ја секој ден и не дозволувајте да го допира вашето лице. Кога и да имате можност, фаќајте ја косата со ластик.
• Носете широка памучна облека. Акните на грбот и деколтето се појавуваат поради носењето на тесна облека. Избирајте поширока облека изработена од памук, за да ѝ дозволите на кожата слободно да дише.
• Заштитете ја кожата од сонцето. Иако сончевите зраци може моментално да ја подобрат состојбата на кожата, тие носат само краткотрајни резултати. Извесно време по изложувањето на сонце акните стануваат поголем проблем отколку што биле претходно. Некои луѓе избегнуваат кремови за сонце, токму поради тоа што тие им предизвикуваат акни. Вистината е дека некои кремови навистина ги влошуваат акните, па потребно е да си најдете соодветен продукт со кој ќе го избегнете тоа.

5 природни маски за лице против акни

Многу луѓе страдаат од акни и белези, а со помош на оваа чудесна домашна комбинација конечно ќе можете да му кажете збогум на овој проблем.

Сè што ќе ви биде потребно да ја подготвите моќната домашна маска е се следните состојки.

Домашна маска од аспирин

Потребни состојки

• 2 кафени лажици мед
• 5 таблети аспирин
• 1 кафена лажица кисело млеко

Начин на подготовка

Измешајте ги сите состојки заедно до добивање една соединета смеса, а потоа добиената маска нанесете на врз чисто лице. Оставете ја маската да отстои 10 минути, а потоа исплакнете со ладна вода.

Практикувајте го третманот 2 пати неделно, додека да го добиете посакуваниот резултат.

Речиси секој во животот се соочил со несаканата појава на акни, кои лесно може да го нарушат надворешниот изглед, како и самата самодоверба на личноста, а кои лесно може да настанат како резултат на хормонски промени.

Со цел брзо и ефикасно да се ослободите од овој вечен проблем, кој ги мачи речиси сите девојки и жени, денес ви го претставуваме најлесното домашно решение. Прочитајте во продолжение за што станува збор.

Домашен билен спреј против акни

Потребни состојки

• 1 ќесичка зелен чај
• 1 ќесичка чај од нане
• 3 капки масло од чајно дрво
• 1 кафена шолја врела вода
• Дополнително ќе ви бидат потребни чајник, керамичка шолја и шише – спреј

Начин на подготовка и употреба

Поставете ги ќесичките со чај во чајникот, полејте со врелата вода и оставете ги да се варат околу 5 минути. Откако истиот ќе се свари, прецедете го и оставете го да се излади целосно. Потоа додадете 3 капки масло од чајно дрво и исипете ја добиената смеса во шишето.

Спрејот секогаш нанесувајте го на претходно исчистена кожа. Откако ќе го нанесете, оставете го да се исуши, а потоа нанесете соодветна лесна навлажнувачка крема.

Зошто овој спреј е ефикасен?

Зелениот чај и чајот од нане со векови се познати и многу користени поради нивните моќни лековити својства. Тие се богати со антиоксиданти, ензими, аминокиселини, фитохемикалии, витамини од групата Б, фолна киселина, магнан, калиум, магнезиум и кофеин. Благодарение на овие елементи, чаевите ефикасно ги отстрануваат токсините од кожата, ги лекуваат дамките и белезите и ја подобруваат еластичноста.

Маслото од чајно дрво ја освежува кожата и го спречува затнувањето на порите, воедно благодарение на моќните антивоспалителни и антигабични својства, истото е одлично средство протв акните.

Чудесен домашен лосион од магданос ефикасно ја елиминира вцрвенетата кожа, дразнењето и подуеноста, притоа ја избелува и освежува и сето тоа благодарение на моќните својства на магдоносот. Лосионот се подготвува супер лесно и нема да ве чини богатство.

Домашен лосион за долготрајно елиминирање на акни

Потребни состојки

• 2 супени лажици исечени листови од магдонос
• 1 кафена лажица сок од лимон или јаболков оцет
• 200 мл вода

Начин на подготовка и употреба

Полејте го магдоносот со врела вода и поставете го да се вари 15 минути на слаб оган. Отстранете од оганот и оставете ја смесата да се излади. Следно, додадете 1 кафена лажица сок од лимон или јаболков оцет и добро измешајте ги состојките заедно. Добиената смеса исипете ја во стаклен сад и складирајте ја течноста во ладилникот.

Користете го домашниот лосион наутро и навечер, секој ден. Покрај тоа што ќе ги елиминира акните, исто така ќе ги затегне порите, ќе ја избели кожата и значително ќе ја намали видливоста на лузните и темните дамки.