Десерт на денот: Сладолед-торта со прелив од карамел

За пролетните денови предлагаме да се „засладите“ со сладолед-торта прелиена со карамел прелив, која се топи во уста!

Оние кои сакаат да експериментираат во кујната задолжително треба да го подготват ова слатко задоволство. 

Изгледајте го видеото, прочитајте ја постапката и пробајте го десертот на кој нема никој да одолее.

Потребни состојки:

За карамел и чоколаден сируп:

• 1 шолја шеќер
• 200ml вода
• ½ шолја какао во прав
• 4 лажици шеќер

За торта:

• 2 лименки кондензирано млеко
• 300ml млеко
• 3 јајца
• 1 лажица екстракт од ванила
• ½ шолја шеќер
• 300g слатка павлака

Начин на подготовка:

Во мало тавче истурете 1 шолја шеќер и ставете ги на рингла постојано мешајќи додека не добиете карамел. Истурете ја смесата во калап и тргнете го настрана.

Во друго тавче, додадете ги водата, какаото и 4-те лажици шеќер. Мешајте на среден оган додека да се стопи и формира сируп.

Истурете ја чоколадната мешавина врз карамелот и ставете ги во замрзнувач 30 минути.

Во тавче ставете ги кондензираното млеко, обичното млеко, 3 жолчки и екстракт од ванила. Мешајте постојано додека се на тивок оган и додека не се направи густа смеса. Тргнете го тавчето од оган и оставете да се излади.

Изматете ги белките и постепено додавајте го шеќерот додека не добиете смеса како шлаг. Истурете ја смесата во таа со пудингот од кондензирано млеко. Додадете во смесата слатка павлака за готвење.

Мешавината истурете ја во калапот врз замрзнатото чоколадо и карамел. Оставете во фрижидер 3 часа и свртете ја обратно при сервирање.

Декоративно и вкусно – ледена торта од сладолед и овошје

Се подготвува лесно и брзо, а за изгледот навистина нема потреба да објаснуваме премногу, фотката кажува сè...

Потребни состојки:

• 250 g бисквити по избор
• 3 лажици растопен путер
• 1.5 l малку стопен сладолед, со вкус по желбa
• 200 g ситно, шумско овошје по желба

Начин на подготовка:

1. Ставете ги кексите во блендер и блендирајте ги додека не станат како брашно. Додадете ги трите лажици растопен путер и продолжете со миксирање додека не добиете еднолична смеса.

2. Префрлете ја смесата во кружен калап, по можност чиј обрач се отстранува, доколку имате. Колку калапот е помал, тортата ќе биде повисока, и обратно.

3. Добро натапкајте ја смесата од кекси. Врз неа прелијте го благо растопениот сладолед и обликувајте со шпатула.

4. Врз сладоледот распоредете го овошјето по желба. Оставете ја тортата во замрзнувач најмалку 8 часа.

Совет: За полесно отстранување на обрачот од калапот веднаш откако ќе го извадите од замрзнувачот, поминете го надворешниот дел од обрачот со крпа натопена со топла вода.

Без печење: Брз рецепт за торта со омилениот сладолед

• 
  

Пробајте го овој рецепт за торта без печење подготвена од само 3 состојки. Потребни ви се бисквити, малку путер и вашиот омилен сладолед.

Потребни состојки:

• 150 г бисквити
• 2 лажици стопен путер
• 1 до 2 кг сладолед

Начин на подготовка:

1. Смелете ги бисквитите, а потоа измешајте ги со путерот.
2. Во една тава ставете ги бисквитите како основа. Оставете во фрижидер за 15 минути.
3. Потоа врз основата ставете го вашиот омилен сладолед. Можете да направите слоеви со различни вкусови како сладолед од чоколадо, ванила, јагода или по избор.
4. Ставете ја тортата во замрзнувач за неколку часа.
5. Сервирајте со омиленото овошје и уживајте.