Црно-бело поткровје за млад брачен пар (фото)

Проектот претставува обнова на веќе постоечки станбен простор во Португалија каде измените имаат за цел да внесат свежина и модерни елементи, истовремено задржувајќи ги спомените од минатото.

Покривот од греди е елементот со кој се задржува руралноста, но истиот е обоен во бела боја која заедно со црната се доминантни бои низ целиот простор.

Покрај црната и белата боја искористен е и дрвениот под кој придонесува за контраст, како во поглед на бојата, така и во поглед на текстурата.

Новиот елемент кој е додаден во долниот дел и изгледа како дел од мебелот покрај тоа што создава еден вид на просторна поделба помеѓу кујната и дневниот простор, претставува основа за кујнските елементи, тоалетот, шпајзот и скалите кои водат кон горниот дел.

Долниот дел е минималистички опремен и постои еден вид на поделба на четири основни делови: влез, дневен престој, трпезарија и кујна.

Горниот дел, кој во минатото бил користен за сушење семиња, сега е претворен во работен простор.

Мало поткровје создадено за млади парови

Таванските простории несомнено имаат свој шарм и животот во нив е одличен, но истовремено нивното уредување е предизвик само по себе.

Бидејќи овие домови се претежно мали и понекогаш ниски, кога ги декорираме секогаш треба да се обрне многу поголемо внимание на деталите.

Денес ви претставуваме мало поткровје со површина од 37м2, што може да се пофали со функционален и добро уреден ентериер, совршен за живот во пар.

За да се обезбеди доволно простор за сите потребни простории, внатрешноста е организирана како живеалиште со отворен план. Кујната и дневната соба се споени во едно, заземајќи го средишниот дел на станот, а спалната соба и бањата се на надворешната страна.

Во станот доминира белата боја, која дава чувство на смиреност и визуелно го зголемува просторот. Покрај белите ѕидови и тавани, голем дел од мебелот исто така е во бела боја, а тоа во комбинација со дрвениот под го доловува чувството на скандинавските ентериери.

Друг фактор кој помага изгледа поголемо отколку што е всушност е големото количество природна светлина која доаѓа од големите прозорци.

Можеме да забележиме дека нема многу мебел, што е разбирливо, со оглед на неколкуте простории. Декоративните елементи исто така се со ограничен број, но се поставени на одлично избрани места и успеваат да влијаат позитивно. Црно-белите слики се избрани како совршен декор на намерно незавршениот бетонски ѕид, што го дели ходникот и кујната.