Dave’s Kitchen: Чоколаден тарт

Оваа недела заедно со Давор приготвуваме вкусен чоколаден тарт.

Потребни состојки:

• 300 гр. брашно
• 200 гр. путер ладен исечкан на коцки
• Прстофат сол
• 1 лажичка екстракт од ванила
• 1 жолчка
• 10мл вода (по потреба)

За филот:

• 300 гр. чоколада со минимум 60% какао делови
• 1 лажичка екстракт од ванила
• 100 гр. путер
• 150 мл. млеко или слатка павлака
• прстофат сол
• 1 лажичка инстант кафе

Начин на подготовка: 

Од путерот и брашното формирајте тесто со структура на песок. Додадете ги солта, ванилата и жолчката. Доколку вака формираната смеса не се формира во тесто додадете 10 мл. вода. Убаво замесеното тесто, ставете го во хартија за свежа храна и оставете го во ладилник да одстои минимум 45 минути. 

Во тавче за тарт обложете го тестото, кое претходно ќе го расукате во округла кора дебела речиси 1цм.

Доколку немате тарт тавче можете да го направите истиот рецепт во округло тавче, формирајќи крави на страните за да може филот да се задржи.

Пред да го испечете додека рерната се загрева на 190 степени, тавчето вратете го во ладилник убаво да се олади и да се стегне. 

Пред да го ставите во рерна избодете го на неколку места со виљушка. 

Печете околу 10-12 минути. Изладете го комплетно пред да го ставите филот. 

Филот ќе го приготвите така што сите потребни состојки ќе ги ставите во длабок сад и растопете ги на пареа. Промешувајте константно додека кафето и другите состојки комплетно не се стопат. 

Вака подготвениот фил од чоколадо ставете го во изладениот испечен тарт и декорирајте со исечкани ореви на краевите. 

Оставете комплетно да се излади и стегне околу 3-4 часа. 

Добар апетит и забавно готвење!

Прекрасната чоколадна торта ќе ја направите на следниот начин:

Потребни состојки за 1 тесто:

• 3 јајца
• 120 гр шеќер во прав
• 50 гр. растопено чоколадо
• 50 гр. ореви
• 2 лажици какао
• 100 гр. путер
• 3 лажици брашно
• 1 лажичка прашок за печиво

Начин на подготовка: 

Жолчките се матат со шеќерот во прав. Во оваа смеса се додаваат пенесто изматените белки, па потоа полека се додаваат и другите состојки. Пандишпанот се става во подмачкано округло тавче на механизам (број 28) и се пече околу 20-тина минути на 150 степени. 

Постапката се повторува 3 пати за да се се добијат за 3 теста.

Потребни состојки за филот:

• 6 јајца
• 250 гр шеќер во прав
• 100 гр. растопено чоколадо
• 100 гр. ореви
• 3 лажици какао
• 200 гр. путер
• 300 гр. исчистени, измиени и исцедени вишни

Начин на подготовка: 

Прво матите 6 жолчи со шеќерот во прав и во нив ги додавате пенесто изматените белки. Потоа во филот ги додавате и другите состојки и го оставете во фрижидер од 2 до 3 часа.

Потребни состојки за декорација:

Dave’s Kitchen: Чоколадна мус торта

За оваа недела од кујната на Давор ви нудиме рецепт за лесна и превкусна торта со чоколаден мус.

Потребни состојки:
За основата

• 250 гр. чоколадни бисквити
• 7-10 лажици растопен путер

За филот

• 5 белки
• 5 жолчки
• 250 гр. чоколадо за готвење
• 2-3 лажици шеќер
• 250 мл слатка павлака
• 200-250 гр. јагоди пресечени на половина

Начин на подготовка: 

Убаво измешајте ги бисквитите и путерот и добиената смеса распределете ја на дното и страните од тавчето формирајќи неправилна форма бидејќи тоа дава поубав изглед. Печете на 190 степени точно 8 минути. Потоа извадете го тавчето за да се излади комплетно. 

Белките изматете ги со 2 лажици шеќер во цврст шлаг. 
Во растопената чоколада (на пареа) додадете 5 жолчки и убаво промешајте. На два-три пати вмешувајте ги белките во чоколадната смеса така што ќе дозволите повеќе воздух да влезе во смесата. Изматете ја павлаката и неа вмешајте ја со шпатула целата чоколадна смеса. 

Во изладениот калап ставете ги исечканите јагоди и истурете го чоколадниот мус. Оставете во ладилник да се стегне минимум 4 часа. Најдобро е да остане во фрижидер преку ноќ за да се сечат чисти и рамни парчиња.

Dave’s Kitchen: Бисквит чоко триаголници

Совршен брз десерт за летниот период, што се подготвува за помалку од 25 минути.

Потребни состојки:

Лесен десерт дури и за почетници во кујна: Трослојна Милка торта

Два слоја крем и плус слој чоколаден бисквит – кој би одбил? Сигурно веќе замислувате како се топи во уста, па не се двоумете дали да одвоите малку време и да ја направите.

Рецептот е едноставен и лесен дури и за не многу вешти почетници, бидејќи е невозможно да згрешите.

Само внимателно следете ја постапката:

Бисквит

Состојки:

• 2 јајца
• 2 лажици шеќер
• 2 лажици брашно
• 1 ½ лажичка прашок за печиво
• 1 ½ лажица какао во прав
• 2 лажици топла вода

Изматете ги јајцата со шеќерот. Измешајте ги брашното, какаото и прашокот за печиво во посебен сад, па потоа додадете ги во миксот од јајца и шеќер. Додадете ја водата. Повторно измешајте.

Распоредете ја смесата во малечок калап за печење (околу 20cm дијаметар) и печете на 180 степени 15 минути.

Кога ќе се оладат бисквитите, пресечете ги на половина за да добиете 2 слоја за тортата.

Млечен крем

Состојки:

• 670ml млеко
• 70g густин
• 2 ½ лажици шеќер
• 70g бело чоколадо
• 170g маргарин на собна температура
• 100g шеќер во прав

Промешајте 100ml од млекото со шеќерот и густинот. Додадете во преостанатото млеко и загревајте. Додадете го и белото чоколадо. Мешајте додека не зоврие и не добиете густ крем.

Измешајте го маргаринот со шеќерот во прав и додадете во изладениот крем.

Милка чоколаден слој

Состојки:

• 140g Милка чоколадо
• 3 лажици млеко
• 2 ½ лажица шеќер
• 100g маргарин

Ставете ги сите состојки во еден сад и топете ги на пареа додека не добиете еднаков крем. Изладете добро.

Тортата наредете ја по следниов редослед: бисквит, бел крем, чоколаден слој. Повторете двапати.

Магичен рецепт за топло-ладно

Кога се двоумите дали е подобро да подготвите топол или ладен десерт, можете да направите комбинација и од двете.
Десертот топло-ладно е изводлив и за оние кои не поминуваат доста време во кујната, а за негова подготовка ќе ви бидат потребни половина час и неколку намирници.

Магијата на чоколадна лава што тече кога ќе се отвори топлото колаче буди сензуални чувства, а нема да останете рамнодушни и на неодоливиот вкус кој го има.

За љубителите на ладниот десерт следи огромна топка сладолед која го прави овој рецепт извонреден.

Потребни состојки:

120 грама чоколадо за готвење
120 грама путер или маргарин
100 грама шеќер во прав
2 јајца
2 жолчки од јајца
6 лажици брашно

Начин на подготовка:

Во поголем сад на оган се растопува путерот на кој му се додаваат коцките од чоколадата за готвење. Откако ќе се растопат, тргнете ја смесата од оганот и додадете ги шеќерот во прав, двете јајца и жолчки од две јајца и брашното.

Мешајте  се додека не добиете густа хомогена смеса, која подоцна ќе ја ставите во калапчиња за мафини или пак чоколадна лава кои претходно ќе бидат премачкани со маргарин.

Потребно е едно калапче да биде наполнето со смесата помалку од неговата половина. Ставете ги калапчињата во рерна која ќе биде наместена на 200 степени и печете ги 7-8 минути.

Откако ќе бидат готови само извадете ги од калапчето и послужете ги со топка сладолед со вкус по ваш избор.