Застрашувачки плажи

                                          Најопасните плажи на светот Чаупати, Мумбаи

Ова е една од плажите кои се опасни поради човечки фактор. Самата плажа е преплавена со отпадоци, а водата станала особено загадена откако во непосредна близина, во 2011 година потонал товарен брод со 60.000 метрички тони јаглен.


Ханакапиаи, Хаваи

Со влегување во водата на оваа плажа си го загрозувате животот, бидејќи подводните струи се толку силни што често ги вовлекуваат капачите во длабочините.


Сите плажи во Северната Територија, Австралија

Плажите во овој дел од Австралија се дом на еден вид медузи, кои се сметаат за едни од десетте најотровни животни на планетата.


Нова Смирна, Волусија, Флорида

Често се вели дека поголеми се шансите да ве удри гром, отколку да ве нападне ајкула. Но, шансите за напад од ајкула драстично пораснуваат ако ја посетите плажата Нова Смирна. На ова место пријавени се повеќе напади од ајкула на квадратен километар отколку на кое било друго место на планетава.


Килауеа, Хаваи

Плажата се наоѓа во подножјето на активен вулкан. Поради тоа, пејзажот околу плажата е запрепастувачки убав, но истата лава што го создала пејзажот се влева во водата при температури од преку 1.300 степени.


Плажите на Кејп Трибјулејшн, Квинсленд, Австралија

На овие плажи би требало да бирате што најмногу ќе ви го загрози животот. Плажите изобилуваат со отровни медузи и змии, како и големи крокодили кои едвај чекаат да пристигнат туристи. Како за чудо, веројатно најголемата опасност за туристите доаѓа од птиците наречени казуари. Овие птици, иако изгледаат по малку смешно и не летаат, сепак се многу брзи и подвижни и се случувало да растргнат луѓе со канџите на стапалата.


Акапулко, Мексико

Опасноста на плажите во Акапулко не доаѓа од природата, ниту од загадувањето, туку од криминалците. Најновите податоци прикажуваат дека стапката на убиства во Акапулко достигнала 142 на 100.000 жители, па така местото што некогаш беше туристички рај, денес има стапка на убиства за 28 повисока од САД и претставува второ најнасилно место во светот, веднаш по Сан Педро Сула во Хондурас.


Хаина, Доминиканска Република

Во градот Хаина и плажите околу него забележана е најголема контаминација со олово на целата Земја, а дури 90 проценти од жителите имаат зголемени нивоа на олово во крвта.