Без навреда: Кој дефект го има вашиот хороскопски знак?

Иако сето ова е забавно, размислите, колку од тоа е вистина?

Можеби и не е сосема случајно се само за забава:

Овен

Припадниците на овој знак се болно посесивни и сакаат да ја одземат целата слобода на партнерот, а себеси да се задоволат со харем на љубовници. Несредени се и мозокот им лета од работа на работа, а истите мора веднаш да бидат задоволени. Немаат нежност, себични се и нападни, не се препуштаат на партнерот, а не го ни слушаат.

Бик

Безгрижни, молчаливи личности кои се неверојатно здодевни. Нивниот најголем психолошки проблем е што немаат проблеми. Сè им е супер и не се обидувајте да ги мачите со вашите проблеми, бидејќи тие ги немаат. Нив треба да им создадете проблем за животот да им биде поинтересен. Но, внимавајте, нивниот мир може да се претвори и во манично лудило.

Близнаци

Тие се главните озборувачи и трачари во друштвото, превртливи „издаици“ со дволични аршини кои ги менуваат на секој 10 до 15 минути. Близнаците се вечни актери и нарциси со површни погледи кон животот. Суровата реалност е дека се повеќе личности истовремено и никогаш не можете да знаете на што сте.

Рак

Посесивни лудаци кои се навредуваат ако „доброто утро“ не сте им го посакале со правилна интонација. Ако ги навредите или обвините за нешто ќе се навредат и ќе плачат и кукаат со години. Својата личност ја менуваат од крајност во крајност, а ако сакате да имате темпирана бомба покрај себе кој редовно експлодира на неколку денови, само напред.

Лав

Арогантни, вообразени и напорни потценувачи. Лавовите веруваат дека нивното влегување во просторијата го следат рефлектори и дека во истата се наоѓа најмалку една личност која ги обожава. Па, ако сте со Лав, ќе морате да научите да бидете итри како лисица, секогаш при рака со комплименти, да се согласувате со сè што ќе каже и да го обожавате без причина.

Девица

Опсесивно компулсивни невротици кои се ослободуваат од стресот со чистење на домот, со местење на облеката и полирање на порцеланот. Незаситени се и упорни и никогаш, дури и совршеното не им е доволно. Припадниците на овој знак не знаат за љубов, а можете да бидете сигурни за една работа, кога тогаш ќе ви забијат нож во грбот.

Вага

Нарцисоидни шизофреници на кои огледалото им е најдобар пријател, потполно се нестабилни и им треба недела дена да одлучат што сакаат, Coca-Cola или Pepsi. Толку се мрзливи што е чудно како воопшто стануваат од кревет. Знаат да сакаат, но треба да сте финансиски моќни или на некоја функција. Не очекувајте реципроцитет.

Скорпија

Самосожалувачки автодеструктивци кои својата тага не можат да ја поднесат сами па мораат да повлечат уште 100 луѓе со нив. Да е утре крај на светот, не би се шокирале, туку би го пречекале со радост. Знаат да бидат и љубоморно опсесивни психопати, па не ви препорачуваме да бидете невнимателни. Знаат без причина да избувнат.

Стрелец

Уживаат да „солат“ памет на другите, а ентузијазмот им е толку голем што се убедени дека можат да ги оживеат и мртвите ако сакаат. Може да е убеден дека ве сака, а тоа да му пројде за месец дена, освен ако не сте доволно богати или да имате статус и моќ. Нивниот систем на вредности во животот е тотално наивен, неприкладен и заради него често патат.

Јарец

Вистински Јарци со рогови кои веруваат во судбината до последна буква, зборот „извини“ не постои во нивниот речник. Можете да живеете цел живот покрај нив, а никогаш да не знаете што имаат да кажат. Емотивно неписмени, па колку и да се обидувате да газите по нив, нема да успеете. Јарците не се способни да ги покажат своите емоции, а често се и мрачни.

Водолија

Разуздани личности кои животот ко минуваат најмалку 500 пати со губење на себе. Водолиите би биле пријатели со секого, но на крајот тоа не им поаѓа од рака, па најчесто ги изневеруваат оние кои најмногу се грижеле за нив. Вечно го пикаат носот таму каде не им е работа, а склони се да излажат и за работи за кои не би очекувале некој да лаже.

Риби

Здодевни личности кои само се жалат за тоа колку им е тежок животот и чекаат некој да дојде и да ги утеши. Не можат ништо без туѓа помош, а и најмалите ситници ги доживуваат како најтрагични, а често ги заморуваат другите околу нив. Кога се доби, се занимаваат со туѓите проблеми, ама брзо пак, паѓаат во депресија и така повторно во кругот. 

Бикот сака празници, рибите обожаваат скапи куфери - Опсесиите на секој хороскопски знак

Дали сте размислувале околу тоа кои работи ги сакате, а се поврзуваат со вашиот хороскопски знак? Кои работи ги обожавате според хороскопот?

Работите кои ги сакаме допринесуваат во обликувањето на нашата личност. Ни овозможуваат задоволство и утеха, а се во основа, дел од она што сме како личност - баш како и хороскопскиот знак во кој сме родени.

Хороскопските знаци зборуваат многу за нас, нашите скриени способности, начинот на кој одбираме работи, а можат и да објаснат зошто некои работи ги обожаваме.

Секој знак си има свои омилени работи. Кои се вашите?

Овен

Овенот обожава авантури, натпреварување, моментот пред да се спушти надоле ролеркостерот, танцување на гласна музика и гласно смеење од кој едвај може да дише.

Бик

Биковите сакаат ноќи поминати во гледање на љубовни филмови, празници, топол кревет и скапа постелнина, првиот залак од вкусна храна која посакувале да ја пробаат и задоволството кога нешто ќе постигнат сами.

Близнаци

Близнаците обожаваат да се смеат со некого. Сакаат дождливи ноќи, сончеви денови, долги разговори, сакаат да зборуваат за сè, да бидат со луѓе и да посетуваат одлични ресторани.

Рак

Ракот сака прегратки, зимска облека, гледање на цели сезони од некоја серија, будење пред сите други на одмор, дождливи денови поминати со книга, чај или тост, а сакаат и да имаат некој имот на свое име.

Лав

Лавовите обожаваат кога се во центарот на вниманието. Покрај тоа, обожаваат кога ќе пронајдат добро парче облека на распродажба, да знаат цели цитати напамет, добро вино и патување со пријателите.

Девица

Ако некој ужива во самотијата, тогаш тоа се Девиците, Вредните Девици, исто така, сакаат зацртани работни идеи, разговори со родителите за нивното детство, организирана кујна и исполнето време.

Вага

Вагите сакаат пофалби за работите кои ги завршиле, најмногу од сè. Сакаат плетенки, кафе, британски акцент, француски филмови, индиската култура, тајландската кујна и да ги гледаат омилените филмови, одново и одново.

Скорпија

Скорпиите обожаваат кога се смеат додека стомакот не ги заболи и бакнување додека не ги здоболат усните. Покрај тоа, сакаат благо, невреме, чудни и смешни чорапи, топол чај после некој зимски спорт.

Стрелец

Стрелецот најмногу го придвижува чувството на победа, но и кога некоја книга целосно ќе им го одземе вниманието. Сакаат отворање со емоции, патување, но и да се насмевнат на некој непознат човек едноставно, затоа што се среќни.

Јарец

Јарецот најмногу на целиот свет ја сака првата шолја кафе. Но, и добри комедии, добро организиран гардеробер и пријатели кои ќе ги дочекаат тогаш кога ќе паднат. Чудна омилена работа? Креативни ледени скулптури.

Водолија

Водолиите обожаваат музика која ги опишува нивните емоции, луѓе со поинаков поглед на светот, чувството на голи стапала на трева или песок, поглед кон огномет и ноќно небо.

Риби

Рибите обожаваат да го набљудуваат изгрејсонцето и зајдисонцето, да ја забележат симпатијата точно тогаш кога гледа во нив, скапи и луксузни куфери, одмор на плажа, љубезни непознати лица.

Како изгледа свадбата на секој хороскопски знак

Се запознавате, се вљубувате, созревате заедно и еден ден ви станува јасно дека сте го пронашле човекот на својот живот. Време е за свадба и ве убедуваат дека тоа е само уште еден обичен ден со љубовта на вашиот живот, но дали е навистина така?

Како изгледа прославата и невестата за време на овој ден според хороскопскиот знак?

Овен

Со расположение и однесување на вистинска дива, Овенот ќе го резервира најголемиот и најлуксузниот простор за прославата. Сите очи се вперени во невестата Овен, додека таа сјае со храбра фризура и совршена шминка. Професионални фотографии, луксузна свадба, цвеќиња во изобилство, а не е исклучен ниту гламурозниот фустан кој се влече неколку метри по невестата. Поклонете ѝ се сите на невестата Овен.

Бик

Како вистински приврзаници на домот и семејството, свадбата на Бикот е во знакот на традициите кои мора да се испочитуваат. Поканети се сите роднини и VIP личности во уредно наместен простор за прославата, која може да заземе место во огромен парк или елегантна винарија. Храната мора да е вкусна и да изгледа уште подобро. Зборот штедење е забранет за време на најважниот ден на хедонистичкиот Бик.

Близнаци

Самото сознание дека немирните Близнаци се врзуваат со некого за цел живот уште толку ја разбранува нивната темпераментна природа. Се изнајмува модерен и урбан простор за забава со многу коктели и одличен диџеј. Забавата трае неколку дена и потсетува на „Ивкова слава“ бидејќи никој од гостите не сака да си замине од најлудата журка.

Рак

Интимна церемонија е резервирана за нежниот и чувствителен Рак, кој не сака да ги покажува своите емоции во јавност. Подалеку од љубопитните очи и злите јазици, со многу романтика и понекоја солза, Ракот се заколнува на вечна љубов. Следи перфектна мала забава со интересен избор на морска храна во огромниот простран двор на Ракот, украсен со „Направи сам“ декорации, која изгледа шик и по малку винтиџ.

Лав

Горделивиот Лав обожава театралност и да е во центарот на вниманието, а свадбената церемонија по малку наликува на гламурозен циркуз, во позитивна смисла. Венчаницата е скапа и впечатлива, а следува и „after party“ со рок бенд, магионичар и уште многу други изненадувања. Особено се радуваат кога гостите си заминуваат со коментарот: „Досега не сме биле на ваква прекрасна свадба“!

Девица

Перфектна мала свадба која вклучува кратка и едноставна церемонија со матичар под отворено небо е изборот на Девицата. Многу бела боја, нежни цветови, сијалички и декорации во совршен ред и симетрија. Сепак, ќе има многу фотографии од оваа романтична свадба и мора да се овековечи секој момент.

Вага

Свадбата на Вагата мора да содржи уметнички и историски елементи. Гудачки оркестар, најава на младоженците со романтична поема и совршен прв танц ќе го одбележат денот на мирољубивите Ваги. Поважно им е видеото од фотките, бидејќи ќе сакаат да се потсетат на секој миг од нивната свадба со насмевка на ликот.

Скорпија

Скорпијата не ја разбира баш целата таа свадбена опсесија. Знакот кој љубоморно ја чува својата приватност повеќе би сакал да склучи брак подалеку од очите на сите, макар и на осамена плажа само со избраникот на својот живот. Можно е да склучи граѓански брак без никој да знае, и еден месец подоцна да направи свадбена веселба. Без многу грижа за тоа што другите мислат, Скорпијата ја прославува својата љубов со многу шампањ.

Стрелец

Свадбата од соништата за авантуристичкиот Стрелец вклучува егзотична дестинација. Втората опција е прослава во природа во рустичен амбиент, под шатор и подиум за играње. Свадбата е проткаена со хумор, откачени фотки и задолжително вовче за време на танцувањето. Стрелецот се радува на огномети, искрени здравици и мени кое вклучува печено месо.

Јарец

Зборот „елеганција“ е клучен кога Јарецот организира свадба. Секој детаљ е промислен по неколку пати, од храната до виното кое Јарецот го одбрал самиот по свој вкус. Семејството зазема почесно место, но не ги диктира правилата за време на свадбата. Јарецот е диригент и ги држи сите конци на свеченоста каде што сè мора да помине во совршен ред.

Водолија

Вистината е дека Водолијата не е антиромантичар, но именката свадба звучи малку бесмислено за слободниот космополитски дух на овој знак. Водолијата го мрази вниманието кое ѝ е насочено, и наместо тоа сака прослава без многу помпа, каде што сите ќе бидат подеднакво вклучени. Наместо букет за невестата, Водолијата ќе постави кутија за донации. Нејзините најдобри другари ќе свират на свадбата, а веднаш покрај приборот за јадење ќе ве дочекаат картички со оригинални љубовни пораки.

Риби

Кога невестата Риби влегува во просторијата, ретко кој нема да пушти солза при нејзиното појавување, бидејќи и самата таа е возбудена поради силните емоции. Рибите имаат око за детали и сакаат тематски венчавки. Најсреќни се кога и останатите гости подеднакво уживаат во свадбата, правејќи ја ден за паметење.

10 работи кои ќе ги разберете само ако сте Рак во хороскоп

„Раковите се емотивни и нежни“ е првата работа која ви паѓа на памет кога некој ќе ви каже дека е припадник на овој знак.

Но, зад таа нежност, посветеност и лојалност, се кријат 10 работи кои ќе ги разберат само оние кои се родени во периодот од 21-ви јуни до 22-ри јули.

1. Барањето изговори зошто не сакате да излезете е ваша втора работа... затоа што можете да се преправате дека сте болни само за да останете дома и да јадете вкусна храна и да гледате серии и филмови со часови.

2. Се обидувате да не ја изедете целата храна пред вас, затоа што Раковите толку сакаат храна, што не сфаќаат како некој може да одбие нешто толку прекрасно и совршено зготвено. За вас е вистинска борба да воведете режим на исхрана.

3. Сакате да бидете замотани во најмекото ќебе и да носите меки влечки, наместо неудобна облека. Кога само би можеле да се откажете од неудобните панталони и кошули, не би имало никаков проблем.

4. Кога некој ќе ви даде конструктивна критика, веќе сте пред плачење. Вашите деликатни чувства се и благослов и клетва.

5. Се заљубувате во истата секунда ако видите дека некој се грижи за вас.Вашето срце можеби има милион лузни заради тоа, но никој не е поотворен во љубовта од Ракот кој се чувствува ценет.

6. Ве номинираат за Оскар секој пат кога ќе почувствувате некоја емоција. Кога се смеете, се смеете најгласно и најзаразно од сите. Кога плачете, собата ја полните со солзи до поплава. Кај вас нема ништо помеѓу.

7. Сите пријатели мислат дека сте видовити. Што е сосема нормално, бидејќи секогаш однапред сте подготвени за она што следи.

8. Имате проблем со склопување на пријателства, бидејќи или сакате најдобар пријател преку ноќ или не сакате да му го знаете името на човекот. Која е поентата да запознаете човек, ако не се зближите инстантно?

9. Имате цела соба полна со сентиментални предмети и ситници. Секоја честитка, влезница, визит картичка за вас е од посебно значење и никогаш нема да заврши во кантата за отпадоци.

10. Толку ги штитите своите пријатели, што е речиси застрашувачки.Продавачката и рече на пријателката дека и треба поголем број фармерки? Веројатно не ве запознала доволно добро...