Фуроре е италијанско село во провинцијата Салерно во регионот Кампанија кое е скриено во фјорд, во мала пукнатина помеѓу карпите кои некогаш служеле како заштита на мештаните од поморските разбојници. Некогаш одамна, на ова место било подигнато мало село без густо населени куќи и без плоштад. Сите градби, улици и скали биле скриени зад карпите за да не се гледаат од морето т.е. за да не можат разбојниците да ги видат. Затоа Фуроре уште е познато како „селото кое не постои“.

По долго време, откако времето на поморските разбојници завршило, градоначалникот одлучил дека време е светот да дознае за убавината на Фуроре. Затоа тој наредил секоја куќа да се префарба во силна боја, а оваа традиција се одржува до ден-денес кога жителите на селото повикуваат разни уметници од целиот свет за да ги украсат локалните градби.

Главна атракција на ова село е фјордот Фиордо. Всушност, тоа е тесна клисура во чија внатрешност се наоѓаат стари рибарски куќи. Фиордо е воедно и најстариот дел од селото, а според проценките, од 2011 во селото живеат 810 жители.

Најубавото село во Полска ишарано со цветни декорации

Овие мали слатки куќи се лоцирани во областа Даброва, во југоисточниот дел на Полска. Името на ова селце како од бајките е Залипие и се смета за една од најубавите туристички атракции на земјата.

Убавината на ова место доаѓа од уметничките дела, односно цртежите со кое е исшарано целото село. Ова го започнале мештаните уште пред стотина години и од неколку куќи, традицијата продолжила.

Неколку мештанки сакале да ги украсат своите куќи со цветни декорации, тие во тоа вложиле многу љубов и труд, а кога се вложува љубов во нештата, тие прераснуваат во нешто неверојатно. Така и ова село, сега после толку години ја одржува традицијата, цветните декорации се насекаде, на ѕидовите од куќите, на мостовите, продавниците, процорците и вратите, дури и во локалната црква.

Убавината на нештата е во нивната несовршеност, иако ова не се најталентираните цртачи, сепак љубовта која ја имаат инвестирано во нивните дела, отсликува совршеност.

1. Венген, Швајцарија

2. Рејне, Норвешка

3. Маска, Шпанија

4. Пуља, Италија

5. Венгелсдорф, Германија

6. Рокамадур, Франција

ВОЛШЕБНИ СЕЛЦА КОИ КАКО ДА ИЗЛЕГЛЕ ОД БАЈКИТЕ

ПРЕКРАСНИТЕ СЕЛА ОД БАЈКИТЕ НА ФАРСКИТЕ ОСТРОВИ

Фарските острови се група на острови кои спаѓаат во кралството Данска, сместени помеѓу Норвешкото Море и Северниот дел на Атлантскиот океан. Тоа се 18 главни острови со 50 000 луѓе, поделени во точно 123 села. Селата на Фарските острови се како од бајките, куќите се разнобојни, тревата е зелена и густа и се сместени во најубавата природа.

Во некои села, на крововите има трева, што ги чини да изгледаат како да се одржувани од хобити, а не од обични луѓе. Сите села се мали и имаат по малку жители. Опкружувањето на селата е еднакво убаво како и куќите, имаат мали реки, многу трева, ридови, а во близина се наоѓа и морето. Некои села се наоѓаат токму на брегот, а има и такви кои имаат и плажи. Овде може да се најдат села со стари куќи од камен, а ќе видите и домови со целосно нов дизајн. Покрај разликите, селата изгледаат совршено. Островите се вистински рај на земјата, а веројатно и животот на нив.